حبيبة القاضي

البارت الاخير

البارت ...الاخير

ومرت الشهور والسنين جان بيها الحلو والمر لازم كل حياتنا
تمر ابمطبات وخفقات وحزن وفرح اطفالي كبرو حور صارت خامس علمي ابنيه حلوه وجميله للغايه
وبسام اول معهد نفط
شمس مدرسه خاصه مرحله ٦ ابتدائي وكعدا بعد
وندي صف اول ابتدائي
وفوك ندى صار عندي رضا ومعتز بعدهم صغار رضا عمره ٥ سنوات ومعتز ٣ سنوات
اخويه علي ازوج مره ثانيه
يكول طفره روحه من علياء ومشاكلها
وزوج بنته الجبيره استبرق وخلفت بنتين

عمر صار عنده ٣ ولد
مروه صار عدها ابنيه او ولد وطلعوا اقامه في كنده
حور صارت تصيحلي ماما بس حياتها ما تخلوا من المشاكل
الموبايل مثل ما هوه اجنه نعمه لناس هم صار نقمه عليهم
حور النيه عنيده ومتسمع كلام احد وتسوي الشي البراسها
اني اخذتها مثل صديقه الي كنت دوم انصحها من هالزمن الاغبر
لان الذيابه صارت اكثر من الارانب
مرت حور في تجربه ماشله وطلبت مساعده
من ابني بسام نقذها من واحد حقير راد يستغلها وينشر صورها
هي بالثالث متوسط حبت واحد كامت تراسله بالفيس وطلب منها صور
ومن طلب منها طلعه هي رفضت هددها بالصور وجانت حيل خايفه
جتلي وحجتلي الصار وياها واني ابدوري حجيت البسام وفهمته شيسوي
من وصل للمدرسه مال حور شاف الولد اخذ وياه كم ولد وراحوله
.انت هي مو اسمك مصطفى
.اي شرايد بله
بسام..مرايد بس تلفونك
مصطفى . .ليش عيوني احد كلك تلفوني للطلبه .

بسام ..لا حبيبي بس تلفونك بي شي يخصني .

مصطفى ..هاااا
هاي امينلك هالكذبه

بسام... .لك عيب لتكول كذبه وصار ابين الولد وبسام عركه وسحب بسام تلفون الولد ودخل ع الصور ونطاها كلها حذف
واخذ الجهاز كسره ابرجليه وكله
علمود لتعيدها وتهدد بات الناس بالصور يا جبان

عيب هل تصرف من رجل
.عفناه ومشينه اخذت حور وظلت تشكرني
حور....وكالت بس لا توصلها البابا
بسام... لا لتخافين ما اكله بس بعد لتعيديها زين

.اي ابد بعد ماعيدها اهتم بس ابدراستي
اي عفيه هيج اريدج
وصلت حور للخامس العلمي ظلت شاطره وصدك بعد ما تعرفت ع اي شاب
لان وهي بالثالث من صارت المشكله وعده بسام تنكيني التلفون وابد متلزمه اله تتخرج من الاعداديه

وصدك ثبتت ع رايها وثابرت علمود شهادتها

من كبرت شويه .طلب يدها ابن عمتها الجبيره
وعماد وافق بس ابشرط تكمل وتاخذ شهاده السادس

بسام .اني جنت حيل احب حور وغار عليها من الهوه بس هي مجانت تبادلني نفس الشعور
.ومره
كتلها اني احبج هي ضحكت
وكالتلي اني اشوفك بس اخويه
.هاي كلمته حيل اذتني وما تمنيت اسمعها منها
بس اسمعتها وبوكتها قررت اترك حبي الها ونساها بس ظليت متعذب لان هي كبال عيني
قررت اعوفهم وعيش ابيت خالي وجربت رحت يمهم بالعطله شهر بس متحملت زوجته هواي تتعارك وبيبي تعبانه وخالي يطلع الصبح يجيبه الليل
ولده تفكيرهم بعده صغير
متحملت ورجعت البيتنه
.ومن سمعت ابن عمتها خطبها وهي موافقه عليه حسيت ذبحتني من الوريد للوريد

بس هاي بعد قسمتها وقسمتي .
اخذت حور الشهاده وطلعت معدل زين دخلها كليه المستنصريه اداب قسم E.
ومر ع تخرجها شهرين وصار عرسها بالقاعه من اجمل الحفلات صارت
ازوجت وسافرت مع زوجها وكالت هناك تكمل دراستها في كنده يم خالتها مروه
تعتبرها خالتها لان عرفتها واني صار سنين من ازوجت ابوها فتعتبر كل اهلي همه خوالها
ولان زوجها راح بعثه الكنده اربع اسنين واخذها وهناك تكمل حياتهم
طيبه.من بعد ما كانت حياتي متعبه الحمدلله
الله عوضني ابعماد الله يحفظه الي
ويحفظ جهالي
علياء تغيرت من بعد زواج علي من ثانيا
صارت شويه اهدء
علياء... طلبت يد بنتي ندى لبنها بس كلبي خايف منها لان ماتنسي سواياتها ويايه عفت الموضوع ع عماد

شمس تحسنت بس مو مال زواج وهاي السوالف رضا ومعتز دخلو ابتدائي

عبدالرحمن ازوج بس مصار عنده جهال

عماد .طيبه انتي شجاي اسوين
جاي اكتب
.شنو تكتبين
قصتي
زين ليش
علمود احفادي يقروها ويشوفون ابعينهم رحمه الله شكد جبيره وماينسه عبده

(( لو ضاقت فرجت )) صدكتي والله .

عملد ...دتعاي هسه اني محتاجج .
شتريد .
اريد طفل العب وياه جهالنه كبرو
يمعود دروح ياطفل مالي خلك بعد ارجع اربي من جديد
انتظر حور هي تخلف ولعب ويه جهالها احفادك

عماد...لا ولج اريد طفلنه دتعاي لتشلعين كلبي
وجع شكد صايره مكروها
عماد عوفني يمعود والله الك خلك
ماعوفج اريدج افهمي اريدج

..شلون يعني اروح للحرام احسن

لا عابتلك يله كوم
عفيه عليج هيج اريدج دوم
اي بس لطول لان وراي كومه شغل
..دتعاي هسه اشوفج شغلي شلونه
دخلنه الغرفتنه وسدينه الباب علينه وهنا انتهت قصتي معاكم في قاضي الغرام
للكاتبه ..#سارقة الورد
((انتهت قصتي معاكم احبابي هاي كانت قصه حقيقيه بس هم لا تخلول من الخيال
احبكم يا اجمل قراء .....