*حُب ومذهب *

^~حُب ومذهب ~^
(للكاتبھ زھراء السلامي )
~ما بال قلوبنا تهوى من ليس لھا  وتعيش بحراً هائجاً وبركانا متفجرا عاشت الحبُ فرحةً وبعدها ضاقت المر واللئما تموت شوقاً وحزناً كل ليلاً على معشوقها وهو لا يعجبه العجبا عجباً بقلوبنا كم هي فقيراً وحزيناً وتبقى في حسره وندما اهدئي اهدئي وتماهلي ربك الذي خلقك لا ينسى عسى ان تنسي معشوقكِ او تصبحي به منسيا ~

اشخاص القصة 🙍‍♂👩‍💼
عائلة ابو ابراهيم تتكون من ابو براهيم (ماجد ) وام برهيم (سناء ) وابراهيم الابن الكبير وليث ورنا وريم البنت الصغيره المدللة
عائلة ابو كامل ابو كامل (عامر ) وام كامل (فاتن ) وكامل الابن الكبير وهناء ويوسف واحمد
ابو براهيم اخو ابو كامل بقيا العوائل تستدرج في القصة

البارت 1
ريم البنت المدللة تنزل من الدرج بابا بابا
ابو ابراهيم : هلا بريوم هلا بغزال الريم
ريم : بابا ورمت نفسها على ابوها اريد اروح البستان عفيه اخذني
ابو براهيم : لا منروح منكدر ومنو يروح وياج
طبعاً عائلة ابو ابراهيم وكامل متعصبين قليلا يعني بناتهم ما يطلعن بس ريم لان الصغيره والكل يحبها
ريم : يوسف ابن عمي يروح ويانا
ابو براهيم : لا بيت اجداده ما موجود
ريم : 😒😔 يعني منروح
ابوها : لا بس تكدرين ترحين لصديقتج لين العبي معاها
ريم : بابا كم مره اكول ما احبها هاي البنت مو صديقتي اكرها
ام ابراهيم : شنو تكرهيها مو عيب عليج بنت جيرانه وبعدين سمعت الباوحة كاتلتها
ابو ابراهيم : ريم صحيح هل حجي
ريم : 😔يي بابا صح بس هي الي بدت تكولي انتي شعرج قصير مثل الولد محلو قهرتني بابا
وذبت القراصة من شعرها شوف بابا صدك شعري محلو
ابوها : لا بابا شعرج يخبل كولش حلوو بس انتي بنية ليش مطوليه
ريم : بابا حاره ما اكدر
ام ابراهيم : حبيبتي ريوم شرايج اطوليه  ويصير طويل كولش حلو عليج واني اعتني بي يصير يجنن
ريم ويدها على خدها تفكر🤔 : يي هم صح اجرب واشوف ماما بعد لا تكصين شعري اريده يوصل لرجليه
ابوها ضحك وباسها
ريم : اني طالعه للشارع اشوف سيوف اجه من اجداده
اهلها مو تتأخرين
ريم طارت شافت يوسف جاي بمشي بعيد راحتله ركض يوسف اجيييت وتاخذ انفاسها من الركض طبعاً ريم عمرها 6 سنوات بس مسجلوها بالمدرسة لان ناقصه كم شهر ويوسف 11 سنوات
يوسف : على كيفج اخذي نفس ليش تركضين تعبين نفسج
ريم : لا ما تعبت بس نريد نروح للبستان وكال بابا يوسف بيت جده
يوسف : يي صح رحت لبيت جدي
ريم : نروح للبستان هسه
يوسف : لا على باجر تعاي نلعب
ريم : ماشي هياااااااا 
وبدو يلعبون وطبعاً الجهال المنطقة كولها تلعب وياهم لان لعبهم حلوو بس ولد واحد ميحب ريم دائماً يحاول يكتلها بس ريم ولا ميت ولد هي تكتله هههم ام الشباب
جاي يلعبون واجه مهند المكروه على (كوله ريم )
مهند : تلعبون ريم ويوسف يي  نلعب شجابك
مهند: العب معاكم
يوسف : ماشي تلعب بس اذا كتلت ريم اموتك
مهند : لا ما اكتلها منو يكتل رجال ريم رجال
ريم :😳😡مهند
مهند: 😏😒
وبداو يلعبون الي هي لحيكان (يركضون ) ريم طايره تركض حتى محد يلزمها وتصير هي تلحكهم وهي تركض مد رجل لها مهند ريم وكعت على رجلها على صخره ريم بدت تصرخ من الوجع وتبجي😭😭 اجاها يوسف يركض
يوسف : ريم ريم شبيج منو وكعج
ريم : هي تصرخ وتشهك مهند مهند
مهند طفر ركض لبيت اهله ويوسف يلحكه ريم تبجي يوسف لزم مهند باب بيت اهله وكتله ياخذ ثار ريم بعد ما كتله وارتاح رجع لريم تبجي والجهال واكفين يمها يباوعون ويبجون
يوسف : يله ريم كومي لعلج روحي وساعدها كومها ويله انتم كل واحد على بيته
يوسف يمشي ريم ياخذها لبيتها : كتلت مهند كتله ضل يبجي واخذت ثارج
ريم : بين تبجي وتضحك عفيه يوسف اذا اشوفه اموته اني اعلمه
وصلت لبيتها امها يمه ريومه شبيها رجلج
يوسف : عمه وكعت على رجلها وتعورت لفيها الها
ام ابراهيم : ريومه تعاي ماما تعاي الفها
ريم : تبجي راحت لحضن امها
ام ابراهيم لفت رجلها وبوست بنتها يوسف روح اكعد ليش واكف
يوسف : شكراً عمة اريد اروح ريم تريدين شي
ريم : لا شكراً بس باجر تعال نروح للبستان
يوسف : ههه ماشي مع السلامه وراح يركض لبيت اهله
ريم دخلت على ما صاح الاذان انجمعو صلو وتعشو سولفو شوي ريم بحضن ابوها تحجيله شلون وكعت
رنا : بابا بس ريم بحضنك واني 😔
ابو ابراهيم : انتي الهوه تعالي
راحت رنا لبوها كعدت يما
ام ابراهيم يله بناتي روحن نامن ريم وراحت تنام وتنتظر باجر شنو اسوي بالبستان طبعاً رنا عمرها 11 سنه وابراهيم 21 وليث 18