*حُب ومذهب *

ب6
(للكاتبھ زهراء السلامي )
تبجي
ليث وميت فرح :  حاضر
وراح لغرفه الخطار سلم على كامل بوسه وسلم على هناء
كامل : نعرف انت سادس وما تلحك تقره بس هناء خبلتنه ما تعرف للرياضيات واني هم ما اعرفله
ليث : صدك جذب انت تحجي تدلل هناء انت اذا عندك شغل روح واني باليل اجيبها الكم
كامل : بعد روحي اخيي اني رايح
ليث : الله وياك
ليث: هناء اجيب قلم ودفتر واجي
هناء اكتفت بهز راسها بمعنى ماشي
اجه ليث وجايب قلمين ودفتر مسوده بدأ يقريها بدون ما يحجي اي شي غير الدراسة ويشتت انتباها وليث كل شوي يسألها فهمتي بس يريد يسمع صوتها
وهناء تكتفي بيي او تهز راسها وام ابراهيم كل شوية جايبه شي وجاية ساعة عصير ساعة كيك وطبعاً هناء تستحي تاكل وطبعاً ما الها نفس لان خايفة من جهتين من الامتحان ومن ليث اخاف يسألها ليش جاي هيج سووين وتبتعدين
اجه العشة وطبعاً خلص الكتاب بقى قليل تعشة الكل والطبخ من يد جميلة هناء : الحمد لله وتريد تكوم
جميلة : ليش الاكل ما عجبج
هناء : لا عاشت يدج كولش طيب بس شبعت وابتسمت
جميلة : بالعافية ما اجبرج اذا شبعتي
وبعدها كملو اكل ورجعو يقرون ليث وهناء خلصو الكتاب ليث ويسد الكتاب : خلصنه يالنعاية يعني (تبجي هواي ) هناء : 😳هاا
ليث : يي عيونج حمر وحالتج حاله علمود الرياضيات وهسه خلصنا
هناء بخجل :😊يي
ليث : ترحين لو تبقين يمي
هناء : 😳اروح اروح
ليث : يله ماما اني رايح ادز هناء لبيتهم
ام ابراهيم : الله وياكم سلمونه عليهم ليث : يوصل
راحو الثنائي اقصد ليث وهناء
هناء ساكته ليث حب يلطف الجو
ليث: شنو حالفه ما تحجين
هناء : هههه لا ما حالفه
ليث : ههه ليش ساكته
هناء : ليش بشنو احجي
ليث : مثلا اشكريني
هناء خلت يدها على حلكها : ااااا نسيت اسفه شكراً لان قريتني نعبتك وياي
ليث : ههه عادي تدللين اذا ما اقري هنو اقري منو
هناء خجلت :تسلم
ليث : هناء ما احب اضوجج بس اني جاي اموت ليش جاي تبتعدين ليش تحاولين ما شوفيني
هناء : ما ادري
ليث: شنو ما تدرين تحبيني او لا
هناء: ما ادري ليث ما ادري
ليث : انتي تحبين غيري احجي لا تعذبيني
هناء: لا طبعاً
ليث : يعني تحبيني
هناء التزمت السكوت واكتفت بابتسامة
ليث : ههه فدوه للخجل والابتسامة
هناء : هههه😊
ليث : هناء
هناء : نعم
ليث : احببببببج
هناء : ههه كافي اسكت
ليث : تدلل هنوو
بعدين رجعو البيت وعدت كل الامتحانات وطبعاً حجت ل وفاء عن كولشي وفاء فرحانة وتريد تركص بس هناء لازمتها بعدها امتحانات السادس اخذت النتيجة هناء وناحجة ومعدلها زين حلو وليث هم نجح وهم معدله حلو فرحان وصل جامعة ما بقى ويخطب حبيبته وجميلة حملت وتتنسى بطرشي كل يوم مسوين دبه طرشي وتخلص بطنها هههه عدت الايام والسنوات برزت ملامح الجهال الكبرو الي هم ريم لين يوسف ورنا مهند طبعاً السنوات السابقة ريم علاقتها بيوسف نفسها دائماً يلتقون لان ولد عم ويسولفون خلصت ايام العب وكبر يوسف وصار رجال  يوسف صف سادس ومهند هم ورنا وريم سادس ابتدائي يوسف كل يوم يجي بيت عمة ويباوع لريم نظرته الها اختلفت عن قبل من كان بصف الرابع اعدادي اختلفت صار يباوعلها بحب مع انُ ريم صغيره واكبر منها بخمس سنوات تقريباً بس الحب ما يعرف عمر طبعاً ما حجالها عن حبه بس من الاهتمام واذا ركز احد حيعرف اكو فد يوم اجة يوسف البيت عمة سلم وسولف بعدين صاح هاا ريم شونها الدراسة ريم زينة كولش زينة يوسف والامتحانات ريم عادي سهلة يوسف زين اذا صعب عليج شي اني اقريج ريم ان شاء الله صح عمرها صغير بس عقلها كبير رنا خوش ربت هههههه جميلة صار عدها ولد اسمة خالد وبنية اسمها مها  خلصت امتحانات ريم ونجحت الحمد لله معدل 98 شاطره حيل ولين صديقت ريم المقربة هم نجحت معدلها 97 والكل فرحان وخصيصا ريم ويوسف
يوسف بيت عمة مسوين احتفال صغير لريم المدللة : ريم هاي هديتج
ريم : ههه سيوف المن جبت ليش تعبت نفسك وخسرت فلوس وتأشر بيدها
يوسف ويموت على حركات ويم العفويه :ما يغله عليج يالغاليه شكم ريم عدنه
ريم : تسلم بس وحده عدكم الي هي اني
الكل ضحكو وطبعاً الهديه جانت مداليه بحرف m  بعدين كلهم انطوهه الهدايا رنا: من انجح هم هيج اسولي
ابو ابراهيم : اذا معدل عالي ابشري الج وليوسف
يوسف : لا عمي مبنجر اني واكيد اعيد السنة
رنا : يمه هسه تفائل بالخير
يوسف : هههه ماكو خير اني عايد السنة
بعدها خلصت اليله بعد اسبوع ليث : ماما طلبتج
ام ابراهيم : عطيتك كول
ليث : بما انُ تخرجت وشتغلت وكل المؤهلات بيه اريد ازوج
ام ابراهيم والفرحة ماليتها : كككولللللششش تددلل يمه باجر ابدي اخطبلك
ليث : لا موجوده البنية
ام ابراهيم : منو
ليث : هناء بنت عمي ام ابراهيم : ههههه كنت شاكة بيكم واحد يحب الثاني بس ما حجيت حبيت يجي اليوم الي تفرحني بيه بهاي الطريقة واجه الحمد لله
ليث : باس راس امه الله لا يحرمنه منج ومن أبوي
احب اذكر الكم هناء مرحلة ثالثه جامعة خلال السنوات الماضية علاقة ليث وهناء قوت كولش علاقة حب كولش حلوه وصادقة طبعاً لا تخ لو من الغيره والعركات ههه بس الحب الي بينهم اقوى من كولشي وتقدمتلها ناس هواي من الجامعة ومن جوارين لكن هناء كانت ترفض على مود حبيبها ليث وطبعاً ليث لمن يعرف انخطبت يتخبل لدرجة يضل يبجي بس الحمد لله هذا العناء الطويل والحب حيتوج بزواج المهم يعني كانو مثل السمنه على عسل وفاء ازوجت ابن عمتها علاقة حب ثلاث سنوات نرجع للزواج  راحو بيت ابو ابراهيم لبيت ابو كامل ابو ابراهيم : اخوي طالبك بشي ابو كامل : تفضل
ابو ابراهيم : اريد بنتك هناء لبني ليث على سنه الله ورسوله وانتم تعرفون ليث وتعرفون اخلاقه
ابو كامل : والله هذا الگرب اني رايده وليث اعرفه حق المعرفه بس لازم نسأل البنية اذا وافقن الكم
بعد ما طلعو وطبعا النسوان يعني ام ابراهيم ورنا وريم هم خطبن من ام كامل رجعو والكل فرحان
ابو كامل : هناء حبيبتي تعالي
هناء: نعم بابا أمر
ابوها : هناء انتي موافقة بليث اكيد امج حجتلج
هناء وبخجل : يي حجتلي وانتو الي تريدوه سوه
هنا البيت كله فرح واكثر شي هناء ويوسف
يوسف باس اخته براسها وكاللها لو ما موافقة اذبحج
هناء: يمه ليش اسم الله تذبحني
يوسف : بكيفي ههه
طبعاً يوسف عجبته الفكره معناها قربة من بيت عمة وقربة من ريم يزيد بهذا الزواج والاحفاد الي حيجون للدنيا ويضمن انُ يزوج ريم .....

اسفه ع السحكات والعلسات اعذروني 🙈🙈