البارت 2
(للكاتبھ زهراء السلامي )
كعدت ريم الصبح راحت لهلها صباح الخير امها واختها صباح النور
ام ابراهيم : ريم غسلتي وجهج
ريم : يي غسلته
امها : اسويلج ريوك
ريم : كيفج
سوتلها امها اكل اكلت بعدها كعدت تباوع التلفزيون وخلص الصبح
اجه الظهر واجو ابوها واخوانها طبعاً ابوها يشتغل تاجر بالاقمشه وفرع ثاني مفروشات وابراهيم تارك الدراسة ويشتغل مع ابوه وليث يدرس وبالعطلة يساعد ابوه واخوه بالشغل
مصلين بالمسجد
دخلو السلام عليكم
ام ابراهيم رنا وريم : وعليكم السلام
ام ابراهيم : الله يساعدكم مصلين لو لا
ابو ابراهيم : ويساعدج يي مصلين بس نبدل وسوينه غده
ام ابراهيم : تدلل خمس دقايق ويصير الاكل جاهز
صبو الاكل تغدو بعدها كعدو سولفو شوي بعدها كل واحد على غرفته رنا وريم للتلفزيون الباقي لغرفهم تعبانين اجه العصر
واجه يوسف لبيت عمة ابو ابراهيم
يوسف: السلام عليكم شلونك عمي وباس عمة وسلم على البقية
ابو ابراهيم : هلا والله بيوسف هله بابني شلونك شلونهم اهلك
يوسف : الحمد لله عمي يسلمون عليكم
الكل وعليكم السلام
ريم : هاا بابا اجه يوسف نروح
ابو ابراهيم : وين نروح ؟
ريم : نسيت للبستان
ابو ابراهيم ريم حبيبتي عندي شغل ما اكدر
ريم :😭ما انتي كلتلي نروح يله نروح
ابو ابراهيم : لا تبجين يله امشينة
ريم : ههةةةةة يله
راحو بالسياره للبستان وجان صيف والتمر (الرطب) طالع
راحو ويوسف وريم فرحانين لان البستان كولش حلو وبيه بركه صغيره (حوض مي ) يوزع للبستان المي ويوسف دائماً يسبح بي والسيارة مخبوصه ريم ويوسف يصيحون ويركصون
وصلو البستان ابو ابراهيم راح يشوف البستان ويتفقده ويوسف راح يسبح بالواحة وريم مدده رجليها بالواحة ما تعرف تسبح يوسف فرحان بالمي بارد وريم هم فرحانة شوي وريم دفعها شخص وطاحت بالمي
ريم : اه اه اه اختنكت
لان على وجها طاحت وما تعرف تسبح المي بارد
بوسف : ريم ياا شلون طحتي بالمي
ريم : بالمي مختنكة والمي يطلع من حلكها ما تكدر تحجي
يوسف طلعها من المي وهي مبلله ذبت المي الي بحلكها كللها منو وكعج ريم : ما اعرف ما ادري منو دفعني بالمي وتريد تبجي
يوسف : لا لا تبجين هسه نشوف منو ذبج ... يوسف ما يعرف منو ذبها لان جان يسبح وجهه وجها لغير جهة ريم
اجه ابو ابراهيم : ليش ريم مبلله
ريم : بابا ما اعرف منو دفعني من ظهري
ابوها : يوسف انت
ريم : لا بابا يوسف جان يسبح
ابوها : ضحك ههههه تعاي بدلي ملابسج لا تتمرضين امج انطتني الج ملابس
ريم بدلت وانطلقت هي ويوسف بالبستان
يوسف فوك النخلة : ريم انطيج تمر
ريم : يي يي انطيني
نزل الها رطب واكلت
نزل يوسف من النخلة
ريم اني اصعد اويد يوسف : تكعين (تطيحين ) ريم : لا لا اصعد
صعدت النخلة وبدون خوف مو بنت ولد ههه
وبدت تشلع تمر وتذب على يوسف
ويوسف يجمعة بعدين لمحت طفل بعيد باوعتلة زين طلع مهند نزلت بسرعة
يوسف : شبيج تعبتي
ريم : لا لا بس مهند هناك واكيد هو الي دفعني بالمي
يوسف متأكده
ريم : يي متأكده
يوسف : يي اذكر مره كلي بستان اهلي قريب على بستانكم تعالي نسويله مقلب
ريم: 👏 عفيه يله بس شنو المقلب
يوسف : اسمعي
ريم :👂يي اسمع
وحجالها شحيسون
وبدو ينفذون الخطة
يوسف صعد فوك النخلة وانطته ريم سطل بي مي وريم راحت لمهند
ريم : ها هنود شونك
مهند :😳تمام شتريدين
متفاجأ من معاملتها الطيبة وياه وهو متأكد محد شافه من ذبها بالمي
ريم : تعال نلعب واكو هناك رطب تعال ساعدني ندزه ل بابا واخذ منه انت هم
مهند : ماشي وين
ريم : هناك هذيج النخلة
راح مهند وما يعرف بالمقلب وصل ودنك ياخذ الرطب ريم اشرت ليوسف
يوسف ذب سطل المي على مهند وانوب السطل على راسة ونزل ضرب السطل الي براس مهند وكله كما تدين تدان هذا الي يأذي ريم
ريم ميته ضحك ما تكدر تحجي من الضحك
مهند : رفع السطل وهو مبلل ضل يبجي وراح يركض لبستانهم
ريم ويوسف فاقعين ضحك يوسف لازم بطنه : ريم حموت ضحك بعد ما اكدر ريم هم مثله ميته ضحك اجه ابو ابراهيم : شبيكم اضحكون
ريم : اة اة اة بابا يوسف وكع من النخلة
ابو ابراهيم : يوسف صارلك شي بيك شي
ابراهيم لا عمي لا مابيه شي صار المغرب كعدت ريم ويوسف بعد العب والتعب كعدو على الارض وفرحانين ريم اليوم حيل اتونسنه ياريت كل يوم هيج يوسف: تعالي يمنه واني كل يوم اجيبج
ريم : 🤔🤔اممم لا اشتاق لهلي ما اكدر
يوسف : امم كيفج بس من تجين كولي
ريم : يي
ابو ابراهيم : ريم يوسف يله نرجع البيت
الجهال يله نرجع
ورجعو البيت .. وصلو بعد الاذان صلو واتعشو بعدها سولفو وريم تسولف لختها سوت بمهند رنا : عزه ريم اسويتي اذا عرف بابا يكتلج
ريم : ما يعرف الا انتي تكولين لبابا
رنا : ويوسف هم يعرف
ريم : يي بس هو وياي ما يحجي
بعدها نامن الاخوات
أنت تقرأ
*حُب ومذهب *
Romansaتدور الاحداث حول فتاة تعشق من غير طائفتها وتعاني ما تعانيه من الالم والاحداث والسحر والحسد والغيرة لكن الله عادل لا يظلم عباده
