*حُب ومذهب *

البارت -7
(للكاتبھ زهراء السلامي )
اتفقو العائلتين على عقد القران والزواج الي يصير بعد ما تخلص رنا امتحانات حتى رنا تساعد بنت عمها على تجهيزات الزواج لان هناء ما عدها اخوات وصديقتها وفاء مزوجة ما تكدر تطلع معاها ... بدت امتحانات رنا ويوسف رنا تقره وما تتحرك بس تقره تتعب حيل بالقرايه على عكس يوسف الي كتاب كدامه بس يباوع ما يقره يعني الكتاب منظر وعدت الامتحانات وطبعاً رنا منتهيه عبالك واحد طالع من المقبره بكفاله ههههه وبدت تجهيزات هناء بعد ما فرضو المهر (المقدم والمؤخر) واتفقو الخميس عقد القران وهاي الاياك كولها تطلع هناء ورنا وريم مرتين طلعت وياهن بس ومرات تروح هناء وامها وفاء وكملت تجهيزات الزواج وباجر عقد القران هناء متوتره نزلت لامها كعدت يمهم شوي وانوب راحت لغرفتها شويه واتصل عليها ليث
هناء : الوو
ليث : يبعد الالوو
هناء : هههه شلونك حبيبي
ليث : بخير دام سمعت صوتج هناء : دوم يا رب عساك بخير
ليث : حبي باجر عقد قران
هناء بخجل : يي حبيبي
ليث : لج ما مصدك باجر تصيرين زوجتي واباوعلج من غير ما اخاف
هناء :ههه لا حبيبي صدك
وبقو يحجون لحد ما هناء نعست ...
يوم الخميس...
الصبح هناء جهز بأغراضها وبعد الغده واتفاق عقد القران الساعة 9 باليل العصر اجتي الكوافيره خلتلها مكياج ذهبي وهي بيضة رسمت الها شفايفها يعني طلعت اجنن بعد ما خلصت مكياج بحدود الساعة 8 لبست بدلة لونها ارجواني وذهبي طويله ومخصره على جسمها وجسمها رشيق ولبست كعب طلعت كيوت كولش حلوه امها صعدت الها تفاجأة بنتها بهذه الجمال وعروسة بوست بنتها وضلت تقره ايات على راسها من الحسد لان جنن هناء اجتي 8:30 رنا جابها اخوها ابراهيم قبل اهلها اجتي ومعاها ريم طبعاً وكانت لابسة رنا فستان قصير ومخصر ومكياجها بناتي كولش حلو طالعة كيوت وريم هم فستان قصير مخصر من خصرها وشعرها الي حد خصرها حالته ومخلية بروش ناعمة جنن ومكياجها شي خفيف حيل عبالك ممخليه راحن لغرفه هناء
رنا : هلوو بعروستنا
ريم : شونج مرت اخوي
هناء : هلو حبيباتي تمام وانتن
رنا : بخير بس شطالعه اميره مو مثلج لج اجنن يعني ما شاء الله
هناء : تسلمين حبيبتي من ذوقج انتي وريم هم اجنن
ريم : يي طبعاً اجنن بس انتي لا شي عجيب تخبلين اللهم صل على سيدنا محمد
هناء: حياتي كلج ذوق ...
اجتي وفاء ( بدلتها طويله ذات اكمام ولابسه كعب ومكياجها يجنن باختصار حلوه حيل)
دخلت وفاء : سلام
البنات : سلام
وفاء بعد ما بوست رنا وريم وبوست هناء وباركت الها
لج هناء شطالعه قطعه كيك تخبلين ما شاء الله اليوم تخبلين الولد وتخليه يكول باجر الزواج
هناء : ههه لا دخيلج الا باجر الزواج يمه
فاء: هههه ليكون خايفه ترا عادي
هناءلزمت يد صديقتها : يي والله يا وفاء ميته خوف
البنات :ههههههه
رنا : ترا اخوي مو وحش
هناء : هههههه اعرف فدوه اله
وكملو حجيهن...... بعد الضيوف ما جايين ريم نزلت وراحت لعمتها
ام كامل : ريوو اليوم شطالعه
ريم : هههه تسلمين عمة وانتي هم عبالك اخت العروس مو امها تخبلين ما شاء الله
ام كامل : هههه رفعتي معنوياتي وهن يسولفن نزل يوسف يصيح يمه يمه شاف ريم يوسف😳😳
ريم : هاا يوسف اشونك شبيك اصيح ازعجتنه طبعاً تحجي بعفويه ولغه شقه
يوسف : ههههه هلا ريم الحمد لله وانتي شونج شنو هل جمال كله عبالك انتي العروس ويباوعلها ولو ما اعرف العروس جان حسبتج انتي  طبعاً حجاها وتورط لان امه بقت تباوعله بتعجب ! هو بلع ريقه
ريم : هههه من ذوقك
يوسف حاول  يطفر لان امه تباوعله : اااا وين أبوي
ام كامل : بالغرفه
يوسف اني طالع للحديقة
اجو الضيوف وصارت 9 واجو بيت ابو ابراهيم جميلة وجهالها وام ابراهيم وابراهيم وطبعاً ابو ابراهيم العريس ليث واجه الشيخ الي يعقد
ام كامل : حبيبتي ريم روحي صيحي البنات ينزلن هناء يعقدون ريم : ماشي عمة
صعدت ريم صاحتهن نزلن هناء وهي ميته خوف بعدها حجه الشيخ وسأل ليث وليث فرحان وسأل هناء ...
هناء طولت وما مجاوبه على الشيخ ليث خاف شنو سبب تأخر جوابها سألها الشيخ مره ثانية هنا جاوبت الشيخ وبدت الهلاهل والركص والاغاني بعد ما طلع الشيخ ودخل ليث على العروسة ولبسها الذهب والحلقه وهي هم لبسته الحلقه  واكلها عسل وكيك وهي كذلك بعدها الكل طلع من الغرفة حتى يحجون شوي ويطلع ليث
هناء راسها بالارض ومستحيه
وليث يباوعلها وعبالك انسان يخزن طاقة ههه بدو يحجون وبعدها طلع ليث طبعاً بعد ما دخلت امه وكلتله كافي اطلع ههخخ
وكملن البنات ركص يم العروسة وكومنها تركص ورنا وريم وفاء ذبن لحم بالركص هههه
خلص هذا اليوم وعده وبعد شهر العرس
خلال هذا الشهر ماكو احداث مهما هي نفسها بالنسبه لهناء وليث يتخابرون ومرات يتشاوفون ورنا طلعت النتائج وناجحة الحمد لله ومعدل حلو ويوسف مكمل ودرجاته محلوه فيعيد السنة وريم عادي ماكو شي جديد
عده الشهر واليوم خميس العرس هناء مختبصة اساساً بيت ابو كامل كله مخبوص طبعاً كامل ازوج بعد ابراهيم بسنة وعنده طفل اسمة عبد الله وزرجتة اسمها عطور احجيلكم عن العروس مكياجها السموكي الاسود وبدلتها بيضه بدون اكمام ومخصره لحد الخصر انوب المسرح كولش جبير وطرحتها طويله حيل وشعرها تسريحة بسيطة على طول شعرها التسريحة وما لبست ذهب لبست اكسسوارات بيض يعني نازكة حيل كولش حلوه
ليث هم بدلة لابس مثل كل عريس بس يختلف عن باقي الرجال بشعرف بلحيته وسيم حيل وكامل وابراهيم ويوسف ومهند طبعاً هم جاي العرس لان صديق يوسف حيل
احجيلكم عن البنات  ....
رنا لابسة فستان طويل بدون اكمام لونه جويتي وحذاء كعب وشعرها تسريحة بسيطة جنن
ريم هم فستان قصير لونه اسود وذهبي بأكمام شغل الفستان من الظهر ظهرها طالع وشعرها رافعته جنن بمعنى الكلمه
وفاء فستان قصير لونه زيتوني حذاء كعب وشعرها مجرد شسوار حلوه حيل
وبدا العرس وبده الديجي والركص وعالم كولش هواي جوارينهم واقربائهم وصديقات هناء وصديقات رنا وطبعاً لين هم اجتي صديقة ريم ولابسة فستان قصير لونه خردلي وهذا الون يجنن عليها لان بيضة وشعرها شسوار ورافعته انيقه حيل
بعدها نزلت العروسة بفستانها الابيض الطويل حيل وفاء ورنا يساعدنها تنزل وامها تباوعلها وتبجي كعدت على الكرسي وبعدها اجه ليث وباس هناء وكعد يمها ولزم يدها وهمس بذانها مبروك حبيبتي هناء:الله يبارك بيك انت هم مبروك الك  وهم الركص اصلاً ما وكف ورنا وريم كل جهدهن بالركص بذاك اليوم الكل فرحان مع انُ اكو حزن قليل هناء وامها
ام كامل سلمت على نسيبها وبنتها وباركتلهم بعد ما باركتلهم ام ابراهيم
ام كامل : ليث وحيدتي ما تأذيها امانه عندك
ليث ويباوع لحبيبته : عمة هناء بعيوني وگلبي بعدها زفوهم للفندق بالصدر يوسف وابراهيم يسوق وليث وزوجته وراهم وصلو الفندق وباجر سفرهم لتركيا اسبوعين يبقون عدت الايام وليث وهناء سمنه على عسل فرحانين وعبالك كناري وليث كل منطقة بتركيا راحولها ماكو منطقة ما راحولها وخلصت الاسبوعين وهم ما حاسين بيهن ليث اقترح يبقون اكثر بس ما وافقت وباجر يرجعون للعراق .......