*حُب ومذهب *

البارت 4
(للكاتبھ زهراء السلامي )
بدأ الدوام ومثل كل بداية دوام الكل يجهز للمدرسة وريم فرحانة وهي تشتري الملابس والقرطاسية وكذلك رنا وكلهم فرحانين ويوسف هم فرحان لان وصل متوسطة وحس انُ كبر وحيتعرف على اصدقاء جدد ورنا كذلك لكن الخوف كله ليث سادس اعدادي وكذلك هناء خايفة ثالث متوسط طبعاً علاقه بيت ابو كامل وابو ابراهيم حيل قوية ما ذكرت من قبل ودائماً واحد يزور الثاني وطبعاً هم شراكة بالشغل فمره راح بيت ابو ابراهيم لبيت ابو كامل طبعاً الكل رحب بيهم وكاعدين كلهم سوه سواء نسوان رجال ولد بنات جهال كلهم سوه نسيت اذكر ليث يحب هناء ولكن هناء متعرف وليث ميكدر يفاتحها بالموضوع يخاف تكول لهلها وتخرب علاقتهم فنتظر انُ يكبر ويخطبها احسن حل بهذي المجموعة هناء تسولف مع رنا على الدراسة وشغلات البنات ريم ويوسف يلعبون وام كامل وام ابراهيم يسولفن الولد ليث ابراهيم كامل يسولفون وطبعاً ليث عيونه على هناء حب
لمن جان عمره 15سنه يحبها وهسه عمره19 وابو ابراهيم وابو كامل يسولفون عن السوك وشلون نازل والاسعار الغالية حالتهم المادية حيل  زينة الحمد لله بس يحجون على الفقراء طبعاً يساعدوهم بس مو كل الفقراء يكدرون يساعدوهم ام كامل : هناء تعاي حبيبتي ساعديني
كامت هناء تساعد امها بتحضير العشة وطبعاً رنا هم كامت وام ابراهيم كامت بس مقبلت ام كامل
يوسف : سجلتي بالمدرسة
ريم : يي سجلت واشتريت ملابس وقرطاسية حيل متحمسة للمدرسة
يوسف : هههههه يي هسه حيل تنحمسين بالمدرسة يضحك عليها
ريم وهي ما فاهمه الي كاله الها يوسف : هههه يي واتعرف على بنات جديدات
يوسف : ان شاء الله وتنسيني بعد ما تلعبين وياي
ريم وبكل برائة : لا ما انساك انت صديقي الصدوق
يوسف : ههههههه حلوه الصدوق
اجه العشة بعد الصلاه طبعاً وصبو الاكل وضلت هناء اخير وحده بالمطبخ جابت الخبز رجعت تكعد ما لكيت مكان ضلت صافنة ليث استغل الفرصة سوه مكان لهناء
ليث : هذا مكان تعالي اكعدي
هناء : ماشي
كعدو ياكلون وليث فرحان حبيبتة كاعده يما تاكل
ليث : هناء انتي بالثالث
هناء : يي يكولون صعب وخايفة حيل
ليث : مو صعب عليج لان تقرين وشاطرة واذا تحتاجين اي شي اني موجود ادرسج
هناء : تسلم كامل يدرسني اذا ما اعرف شي
كامل : يي ادرسج الا الرياضيات ما عليه بي
ليث : ههه واني كولش زين بالرياضيات اني اقريج
هناء : خوش حجي اذا ما اعرف لرياضيات انت تقريني
ليث : تدللين من عيوني
هناء : ما متفاجأه من كلام ليث لان دائماً هيج طريقتة بالحجي كملو اكل وشالو الاكل وراحن البنات هناء ورنا يغسلن مواعين وام كامل تساعدهن 
هناء : ماما ارجعي احنا نكمل بس سوي الجاي
ام كامل : لا يمه ما تكدرن
رنا : لا عمة روحي تعبتي
ام كامل سوت الجاي وراحت كملو البنات المواعين ورنا راحت كعدت صبت الجاي هناء وقدمت الهم
ابو كامل : ابراهيم تعرف عمر ابن (......) ابراهيم : لا عمي ما اعرفة
ليث : اني اعرفة عمي ليش شبيه
ابو كامل : شلون اخلاقة خوش وليد
ليث وهو  ما يعرف الي جاي يفكر بيه عمه : يي عمي ذهب عمر حباب كولش ورده
ابو ابراهيم : ليش تسأل
ابو كامل : خاطبين هناء وحبيت اسأل على اخلاقة
طبعاً هذا الحجي هناء ما موجوده تغسل ستكاين الجاي
ليث 😳😳تفاجأه ابد ما اتوقع هناء تزوج لان يكول صغيره صف ثالث
ابو ابراهيم : بس هناء صغيره
ابو كامل : لا مو صغيره اذا الولد خوش ولد وطيب وهي موافقة ليش ابقى تزوج
ابو ابراهيم : انت اعرف
ليث هو ميت قهر ما يعرف شيسوي وانوب هو الي مدح بالولد يم عمة وكوه مسيطر على دموعة وانوب ابوها موافق ومن خلال حجي ابوها هي هم موافقة
ليث : يابه اني طالع
ابو ابراهيم : وين انتظر هسه نروح كلنه
هنا دخلت هناء
ام ابراهيم : هلا بالعروسة والله وكبرتي
هناء : 😳😳 شتكول وهي مفاهمه شي سكتت لان كانت ما تعرف بالسالفة اصلاً
ليث حسب سكوتها فرحة ضاج اكثر وحس الدنيا ضاقت بعينة
ليث : يله يابه ما نروح
ابو كامل : شبيك مستعجل
ليث: لا عمي بس اليوم شغل وتعبت حيل اريد ارتاح
ابو ابراهيم : يي مثل ما تعرف اجتنه بضاعه وليث تعب وياهم حقه يتعب
ابو ابراهيم : يله جهزو نفسكم ام ابراهيم نروح
ام ابراهيم : ما عدنه شي يله نمشي
راحو بعد ما ودعوهم
لمن رجعو ليث بدون اي كلمة دخل غرفتة وهو يشتعل نار وميت قهر ضل يفكر شيسوي وعمة موافق يزوجها وهي هم مبين موافقة ضل يفكر وطال التفكير يكول لهلة يخطبوها بس هو يدرس وما يكدر يتحمل مسؤلية بيت ومره وجهال يعترف الها اخاف تصير مشاكل وضل حاير بروحة يسكت تزوج وتروح من يديه هذا يعني دماره موته وبعد تفكير طويل قرر وان شاء الله قراره يكون هو المناسب طبعاً ما نام بس يفكر ما اجته الغفوه للفجر يله نام 8 الصبح اجتي امه كعدته للشغل هو هم بدل واكل وراح للشغل والعصر يروح بيت عمة ابو كامل الظهر رجعو بعد الصلاة والغده كل واحد على غرفتة كالعاده نام ساعتين كعد سبح وبدل وتعطر وهو فرحان وخايف ليث: ماما اني طالع لبيت عمي
امه : الله وياك
وصل بيت عمة طبعاً فتحتله ا لباب هناء دخل بعد السلام وسوالف مع كامل هناء تدخل وتطلع تاخذ شي من غرفة الخطار وتطلع طلع كامل وليث كاعد وحده اجتي هناء دخلت 
ليث وحالته حاله وخايف متوتر يجوز ترفضه : هناء اريد اكولج شي
هناء: كول ليث شكو
سمع واحد جاي يمشي
ليث : بعدين اكلج انتظريني بالحديقة
هناء : ليش 🤔شصاير
دخل كامل تأخرت عليك ليوث
ليث : لا عادي اكول نروح للمحل هسه
كامل : ماشي هسه نروح ليث : انتطرك بره
كامل : ماشي
طلع ليث للحديقة لحكته هناء
هناء: خير ليث صاير شي
ليث: هناء اريد اكلج شي بس كله صحيح وما اجذب عليج بأي حرف وانتي بت عمي وعرضي
هناء: ليث احجي موتتني خوف
ليث : هناء اني احبج من عمري 15 سنة وما كتلج لان كلت بس اخلص دراسة اتقدملج واخطبج لان خفت اعترفلج وتصير مشاكل بين العائلتين بس هسه صار لازم اكلج لان اخاف تزوجين واريد اسألج انتي قابله بعمر الخطبج
هناء مصدومة :😳😳
ليث: هناء فدوه لا تسكتين احجي تريدين تزوجين اذا ازوجتي اموت
هناء : لا ما اريد ازوج
ليث والدنية ما لامته من الفرحة : هههههه مي بارد وطفه نار گلبي الله يفرحج مثل ما فرحتيني واوعدج اول ما اخلص دراسة اخطبج وانتي هم كبرتي شوية
هناء ما تعرف شتحجي 😳😳اثر الصدمة لحد هسه بوجها وجها احمر من الخجل مشت سريع ودخلت البيت
ليث فرحان طلع يريد يركص من الفرح كامل: هي هي شبيك هيج فرحان
ليث: يي والله فرحااااااااااان يا عالم فرحاااااااااان
كامل : العقل من الله صدك لو كالو العقل زينة
هناء تفكر بالي كاله الها ليث ومصدومة: معقولة يحبني عااااا بس ابد ما حسيت بدت تسترجع شلون يباوعلها ويستخدم وياها عيوني وتدللين والكلمات الطيبة وتذكرت اخير مره من سوالها مكان وكعدها يما كل شي كان يكدلها  ......