*حُب ومذهب *

البارت 3
(للكاتبھ زهراء السلامي )
عدت الايام واجه الدوام وطبعاً ريم ما سجلت لان ناقصة شكم شهر ورنا صف سادس ابتدائي بكلوريا ويوسف هم سادس بدت التجهيزات للمدرسة والكل متحمس
يوسف : بابا شوكت نشتري حاجات المدرسة الي ولهناء
هناء اخت يوسف صف ثاني متوسط وكامل جامعة يدرس واحمد صغير 4 سنوات
ابو كامل : ان شاء الله يوسف بس يصيرلي مجال باجر او عكب باجر نشتري
يوسف : براحتك بابا اني رايح لبيت عمي ابو ابراهيم
ابو كامل : يوسف مللت الناس كل يوم رايح الهم اكعد هنا هناك كبار ويامن تلعب
يوسف : بابا العب مع ريم وجهال المنطقة
ابو كامل : بس ريم اصغر منك بهواي وبنية وانت ولد
يوسف : بابا احب العب مع ريم بعدين واذا بنية هي تعرف تلعب مثل الولد اني رايح
ابو ابراهيم : روح بس لا تتأخر
يوسف: حاضر بابا
راح يوسف يتمشة لبيت عمة دخل البيت سلم عليهم بعدين كال عمة وين ريم
ام ابراهيم : ريم بيت اختي
يوسف : هاا شسوي راحت شوكت ترجع
ام ابراهيم :   تتونس وي بنات خالتها عمك دزها لان كالت ضايجة  تنام يمهم باجر العصر ترجع
يوسف : يله عمة اني رايح مع السلامة
رجع لبيت اهله وهو يفكر شسوي راحت وهم عدهم ولد ما تخاف يأذوها 🤔بس اني هم ولد وتلعب وياي عادي يعني 🤔لا بس اني ابن عمها 🤔وهذولي ولد خالتها واني شعليه
فتح باب بيتهم ام كامل : هاا حبيبي رجعت ما تأخرت
يوسف : يي ريم بيت خالتها رجعت وين بابا
ام كامل : وشعليك بريم العب مع جهال المنطقة  وريم بنية وانت كبير شنو تلعب معاها وابوك بالشغل
يوسف : ماما اني احب العب مع ريم هي بنية بس تعرف تلعب مع الولد بعدين اذا اني ما لعبت وياها يكتلوها الجهال
ام كامل : هههههه بكيفك العب وياها
يوسف : ماما حباوع للتلفزيون
ام كامل : براحتك يمه

ريم بيت خالتها تلعب مع البنات عائشة ورغد تلعب وما تحس بالوقت لان من عمرها ومتونسة وياهن
بيت ابو ابراهيم
ابو ابراهيم : رنا شوكت تشترين غراض المدرسة 
رنا: بكيفك بابا
ابو ابراهيم : باجر ياخذج ليث تشترين الج وهو هم يشتري لدوامه
رنا: ماشي بابا بس الملابس اطلع مع ماما واشتري
بعدها سولفو وكل واحد على غرفته
ثاني يوم الصبح ريم كعدت
ريم : صباح الخير
خالتها ام عمر : صباح النور ريوم ارتاحيتي بالنوم اسويلج ريوك
ريم : يي خاله يي سويلي جوعانه
خالتها: تدلل ريم شكم ريوم عدنه
ريم :😊
اكلت ريم وخلصت : خاله شوكت يكعدن البنات
خالتها : هسه يكعدن
بيت ابو كامل
يوسف : ماما بابا راح للشغل
امه: يي يمه راح وانت تاكل
يوسف : لاء ما اريد
امه : ليش ماما بيك شي
يوسف : لاء اني رايح اباوع تلفزيون
هناء: يوسف عفيه لا تغير القناه
يوسف: بس اني ما احب اباوع لشغلات البنات غيري القناه
هناء: فدوه لا تغيرها
يوسف: ماشي اني طالع
هناءفرحت 
اجه العصر رجعت ريم لبيتهم سلمت عليهم وبوست امها وابوها
ابراهيم : واني ما الي بوسه
ريم تضحك واحت احضن اخوها وباسته وكعدت يما
ريم : ماما وين رايح ليث ورنا
ام ابراهيم : للمكتبة رايحين
ريم : اروح وياكم
رنا : ما ترحين احنا رايحين نشتري غراض المدرسة
ريم : 😭شغلت اذاعة لندن وبدت تبجي
ابو ابراهيم يباوع وساكت
ليث : لا تبجين حبيبتي اني اخذج ما عليج من ونا
ريم :هههه ولزمت يد اخوها ليث
رنا😒😒: بكولشي مخليه نفسج
طلعو ليث ورنا وريم للمكتبة اشترت رنا شغلات المدرسه من دفاتر اقلام جنطات يعني شغلات المدرسة وليث كذلك وريم كولشي يشترونه اخوانها تشتري اشترت ريم جنطة واقلام ودفاتر تلوين ورجعو البيت
ام ابراهيم : ها يمه اجيتو ليث يي ماما وبناتج اشترن المكتبة كلها
ام ابراهيم : هههه خليهن يشترن خير ابوهن
ريم نفشت الغراض الي اشترتهن على كبر الصاله وكعدت تلون وترسم
ريم رفعت راسها : ماما يوسف اجه سأل عليه
امها: يي اجه البارحة وكتله بيت خالتها
ريم هزت راسها اروحله هسه
امها: لا هسه مغرب باجر روحي
يوسف هم طلع مع ابوه واخته واخوه كامل هم مشترين شغلات الدراسة ومشتري يوسف ملابس المدرسة
جرت الايام واجه الدوام
رنا : تباوع ملابسها وحظرت شغلات المدرسة دخلت عليها امها
ام ابراهيم : ها حبيبتي خلصتي غراضج جهزتي
رنا: يي ماما جهزت وحنام
امها : تصبحين على خير بناتي وبوست بناتها
ريم ورنا نفس الغرفة
يوسف يباوع تلفزيون اجته امه
ام كامل: يله يوسف روح نام
يوسف : ماما دوامي عصري
ام كامل : يي نام يله
راح يوسف تصبح على خير
وراح نام 
ثاني يوم الاحد دوام رنا دوامها صبحي غسلت وجهزت نفسها واكلت وراحت المدرسة
اجه الظهر دوام يوسف هم محضر نفسه وراح دوامه رجعت رنا من دوامها وهي فرحانة لان شافت صديقاتها وخلص ملل العطلة اما يوسف عكسها تماما ضايج وملل لان مدرسة ارتباط دوام خلص الدوام ورجع يوسف ولازم جنطتة بيده ويفر بيها شافته ريم من بعيد راحتله تركض يوسف اجيت
يوسف بفرح : هلا بريوم يي اجيت شلونج صارلي يومين مشايفج
ريم: يي صح
يوسف : اني رايح ابدل ملابسي واذب جنطتي تعالي وياي وبعدين نطلع نلعب ريم : يله
راحو يتمشون ويوسف يحجي ل ريم عن المدرسة وريم تستمع بعدين وصلو بيت ابو كامل ريم دخلت سلمت على ام كامل وهناء وبعدين كعدت يوسف راح للغرفة يبدل ويصيح ماما سويلي اكل جوعان ام كامل: يله بدل والاكل جاهز
طلع يوسف وكعد ياكل ريم يله تعاي اكلي وياي ريم : ما اشتهي هسه اكلت ما اشتهي ام كامل: كومي حبيبتي اكلي
ريم : والله عمة ما اشتهي هسه اكلت
ام كامل : براحتج يمه
بعدين طلعو يلعبون المغرب كل واحد على بيتة وصار هذا الرواتين بالنسبة ليث يدرس واذا خلص يطلع لصدقائة وكامل هم مثل ليث وهناء ورنا مهتمات بدراستهن وخصيصا رنا بكلوريا سادس ابتدائي يوسف هم سادس بس ما مهتم يقره قليل بس شاطر ينجح اجتي الامتحانات اخير السنة ورنا شاده حيلها وخايفه وتقره وامها وابوها يشجعون بيها وليث هم يقره وهناء هم مهتمة وتقره يوسف بس يفرفر يمر على ريم يلعبون وما يقره بس بليل للامتحانات امه وابوه يرزلون بيه بس ما يفيد ههههه خلصو امتحانات يوسف فرحان بالعطلة ورنا منتظرة النتائج بفارغ الصبر ميته خوف يوم اجتي استلام النتائج ورنا اكلت اظافرها من الخوف كالولها ناجحة ومعدلج 96 هي طارت وتصيح وتنطنط وحضنت امها وباست  اخوها واختها وتصيح فرحانه يوسف هم نجح بس معدلة 88 على الرغم هو ما يقره بس يلعب عادي عنده اجته ريم : يوسف نجحت لان تعرفه سادس وي اختها ومرات يقرون سوه بس رنا تعصب وتطرده لان يضل يضحك عليها وعلى قرايتها تطرده وتضل تبجي
يوسف : يي نجحت
ريم : رنا طلعت 96 وانت
يوسف : اني 88 انتي شمعلمج تعاي نلعب شعليج بدرجات وراحو يلعبون وعطلتهم هم نفس الشي كوله لعب على رغم من انُ يوسف كبر وصار اول متوسط بس بقه يلعب مع ريم بس قل لان كبر والعطلة بين البستان وبين الشارع بلعب خلصت العطلة واجه الدوام وهاي سنه ريم سجلت اول ابتدائي ورنا صف اول متوسط وليث سادس اعدادي ويوسف اول متوسط وهناء ثالث متوسط .......