بداية الحكاية ٠ ٠
ثلاث سنين مروا فى سرعة البرق مكنتش متخيلة أبدا إن حياتى ممكن تتحول فيهم بالشكل الرهيب ده على إيده ٠ كل حاجة في حياتى أتغيرت و عشت معاه أيام قاسية و أيام صعبة و أيام حلو و و ة كتير
هقولكم الحكايه من البداية ٠ ٠
حكايتى الغريبة بدأت و انا سنى ١٩ سنه ٠ ٠
بداية انا اسمى ساره إسماعيل من أسرة متواضعه لكن مستورة الحمد لله .. و الحقيقة كانت مستورة بعزة نفسنا رغم كل الظروف و المشاكل اللى كانت مالية حياتنا
بابا كان بيشتغل سواق في شركه خاصة
و والدتى ربه منزل و أنا و أختى الصغيرة ٠ ٠
كنت شاطره في الثانوى برغم ان اهلي مكنش معاهم فلوس يدونى دروس إلا انى جبت مجموع كبير و كنت هموت من الفرحه وقتها
و كان عندى طموح و أحلام كبيرة قوى
فكرت انى ممكن اتعلم تعليم كويس و أغير كتير
من شكل حياتنا ٠ ٠
لكن يا فرحه ماتمت بابا قالي وقتها انه مش هيقدر يدخلنى تعليم عالي للأسف
و اضطريت أرضى بالأمر الواقع و دخلت معهد سنتين و الحمد لله خلصته
و رضيت بحالى و بدأت اشتغل في مول عشان اقدر أحوش فلوس أجهز بيها نفسي لانى عارفه ان الجاى على قد اللي رايح و بابا مش هيقدر يجهزنى ٠ ٠
لكن إيه المشكلة؟!
الحمد لله إحنا أحسن من غيرنا كتير ٠ ٠
غيرنا مش عارف يعيش و لا يحوش ٠ ٠
كان ديما بابا معودنل نبص للى أقل حال مننا عشان
نرتاح و ما نتمرد على عيشتنا و قدرنا رغم إننا
كنا فعلا راضين الا إن. كان جوانا طموح و أحلام ان
حياتنا تتغير للأحسن و يجى يوم ونعيش حياة
أفضل عشان مفيش حاجه بعيد عن ربنا
هو قادر على كل شيء ٠ ٠ ٠
و مرت الأيام مفيش جديد
لحد ما في يوم لقيت كل حاجه في حياتي بتتغير
و بسرعة مكنتش أتخيلها الصراحة
يومها لقيت بابا بيقولي : تعالي يا ساره عايزك في موضوع يا بنتى ٠ ٠ ٠
سألته ساره بحيرة : خير يا بابا؟! فى حاجة و لا إيه ؟!
رد عليها أبوها الحاج اسماعيل بفرحه وبدون مقدمات و قال لها : أيوة عندى ليكى خبر حلو ٠ ٠ ٠
ردت سارة عليه و قالت له باستغراب : خير اللهم اجعله خير.. قول يا بابا بسر ر ر ر عه بلاش
جو التشويق ده هههه ٠ ٠ ٠
رد عليها ابوها والإبتسامة ماليه ملامحه و قال لها:
الحكايه يا ستى إن إنتى
جايلك عريس زى الفل بيشتغل مهندس ومش أى مهندس لا ده كمان من عيله كبيرة و مرتاحين قوى
و عيشتهم عالية يعنى حياة مكنتيش تحلمى بيها ها رأيك إيه بقى ؟!
انا الفرحه اخدتنى من غير تفكير عريس !! يعنى هحب و اتحب و شبكة. و فستان ابيض و فرح و زفه و شهر عسل و فسح و خروج يا ا ا ا ا ا ا ا ا ا ا ا ه
معقو و و و و و و و ل دى حقيقة ٠ ٠
كل الافكار دى دارت في عقلي بسرعه الصاروخ بس الصاروخ ده وقع علي دماغي بعدها بخمس ثوانى
لما بدأت استوعب و اسأل بابا و افهم منه الحكاية إيه بالظبط ٠ ٠
سالته ساره بدهشة : بس احنا ناس علي قدنا قوى يا بابا إيه اللى يخلى ناس بالشكل ده تفكر فينا
مش غريبة الحكاية دى ؟
و كمان بتقول انه مهندس و من عيله غنية زى ما حضرتك بتقول ما اتجوزش واحده من عيله كبيره زيه ليه ؟!
مش غريبة أنا حاسة ان فيه حاجة ناقصة طمنى
عشان خاطرى يا بابا ٠ ٠ ٠
بدأ يظهر على ملامح بابا القلق و قال لى
: بصراحه يا بنتى هو عنده مشكله صغيره واد أنا عارف ان عقلك كبير و هتستوعبى كلامى و تفهميه كويس ٠ ٠
