الحلقه العاشرة الجزء الاول ٠
بقلم: جنه الاحلام منال إبراهيم ٠
قال محمد لنفسه: ان شاء الله بكره يا ساره هحضر لك مفاجأة هتسعدك قو ى يا حببتي
صحيت ساره من النوم متأخره لقت محمد فاتح اللاب توب بتاعه و بيشتغل عليه
قربت منه ساره و قالت له و على وشها ابتسامتها الجميلة الصافية : صباح الخير يا محمد
رد عليها محمد مبتسما و قال لها : صباح النور يا حبيبتى ٠ ٠ أنا ما رضتش اصحيكى بدرى قلت اسيبك تنامى براحتك
ردت عليه ساره و قالت له : فعلا أنا نمت ما حستش بحاجه نمت نوم عميق انت عارف انى مكنتش بعرف
أنام كويس الفترة اللى فاتت فى المستشفى ٠
ابتسم محمد و قال لها با رتياح : كويس جدا الدكتور قال إن النوم و الراحة مهمين ليكى حدا جدا ع الاقل يومين دول قبل سكت و ما كملش كلامه
فسألته ساره بفضول و قال ت له : قبل ايه؟!!
ارتبك محمد فى البداية و بعد كده قال لها : احم قبل ما تروحى الاكاديمية بتاعتك ٠ ٠ انتى نسيتى أن الدراسة بدأت من كام يوم ؟!
ردت عليه ساره و قالت له : أه و الله يا محمد نسيت خا لص موضوع الأكاديمية ٠
الصداع ده مخلينى حاسه انى مش هقدر علي موضوع الدراسة ده
قرب منها محمد و مسح على رأسها و قرأ عليها آيات من القرآن الكريم
و بعدها باس راسها و هو بيقول : ربنا يشفيكى يا ساره و باس جبينها برقه
و فضل يتاملها والدهشة باينه على ملامحه
سالته ساره باستغراب : بتبص لى كده ليه يا محمد و سرحان؟!!
سألها محمد بحيرة و قال لها : نفسى أعرف إنتى رميتى نفسك من البلكونه إز اى؟!!
جتلك الجرأة دى منين ما خوفتيش ساعتها يجرالك حاجه؟!!!
بدأت تتجمع الدموع في عينيها و كأنها بترجع لنفس احساسها و قتها و قالت : ما فكرتش في حاجه
كان أهم حاجه عندي انى ابعد عن الحيوان ده حتى لو كان جرالي حاجه كانت أهون عندى من اللي كان ممكن يحصلى لو و انفجرت في العياط
و ما قدرتش تكمل كلامها
ضمها ليه و بدأ يهديها و هو بيقول
: الحمد لله رب العالمين ربنا عالم بحالي و حالك انا مكنتش هقدر أكمل حياتى من غيرك يا سارة كان ممكن يجرالي حاجه لو بعيد الشر سكت و قال : الحمد لله الحمد لله قدر و لطف
ساره كانت مستغربه جدا من كلام الحب اللى بتسمعه منه من أول ما فاقت لحد دلوقتي فسألته و قالت : بس انت عمرك ما حسستنى ان انا مهمه بالنسبه لك قوى كده
ما حستش بلهفتك غير و أنا في المستشفى قلت يمكن صدمة و لا انفعال من الموقف و لا حاجه ههههه
رد عليها محمد و قال لها باستنكار : بقي كده يا ساره بكره تعرفي أنا بحبك قد إيه يمكن الفترة اللي فاتت فعلا ما قدرتش أبين لك إن أنا بحبك ازاى بس اوعدك ان كل ده هيتغير إن شاء الله ٠
