قعدت سارة فى الجنينة و بدأت تفكر هتتصرف
ازاى ؟
ساره في نفسها: اعمل ايه دلوقتي ياربى دبر امرى ارجع لأهلي و أقهرهم علي حالي بعد ما كانوا طايرين من الفرح امبارح و لا اعيش خدامه مع واحد قاسي و ما بيرحمش زى ده ؟!
غلبتها دموعها و فضلت تبكى بقهر على كل
احلامها اللى انهارت فى لحظة واحدة!!!!
و كأن مش مكتوب عليها تفرح أبدا في حياتها
كل لحظة حلوة لازم تتقلب بحزن ما لوش حدود
!!
,فضلت كده على الحال ده و مش حاسة بأى
حاجه حواليها
و فجأة لقت محمد قدامها بيبص لها و حست ان نظراته بقت اقل حده عن امبارح
سألها محمد و قال لها : اخبارك ايه النهارده يا ساره؟!
مسحت ساره دموعها و ردت من غير ما تلتفت له: كويسة الحمد لله
قال لها : طيب تعالي عشان نفطر سوا انتى ما اكلتيش حاجة من إمبارح..
ردت عليه ساره بحدة و قالت له : ما ليش نفس و بعدين ما يصحش اكل مع حضرتك يا سيدى
حد ياكل مع الخدامة بتاعته برده ؟ !
ظهر الغضب الشديد في ملامح محمد و قال بلهجة تحذير : اما أقولك كلمه تتسمع يلا نفطر
الفطار جاهز و ما تحرجنيش مع أهلى يلا ا ا ا
ردت عليه ساره بعند و قالت له باصرار : مش هتأكلنى غصب عنى!! قلت لك مش عايزه آكل.
رد محمد بغيظ: واضح اننا هنتعب أوى مع بعض
بصت له ساره بتحدى و قالت : شكلنا مش هنلحق نتعب بعض مجرد ما بابا و ماما يوصلوا إن شاء الله هروح معاهم
سألها محمد بعصبية و انفعال و قال لها : يعنى ايه
إن شاء الله كلامك ده؟
ردت عليه ساره بنبرة تحدى و اصرار : يعنى طلقنى يا با شمهندس محمد ما لهاش معنى تانى
بدأ صوت محمد يعلى باستنكار : انتى أكيد جرى لعقلك حاجه؟!! إنتى بتهزرى حضرتك ؟!
عايزة تطلقى يوم الصباحيه ؟!
ردت ساره ببكاء و الدموع بتجرى على خدها و هى بتقول له : فعلا جرى لعقلي حاجة ٠ ٠
يوم ما صدقت انك انسان محترم و أخلاق
زى ما قالوا لى
يوم ما صدقت والدتك لما قالت انك طيب و حنين
و كله طلع فى الآخر كدب...
انت مش ممكن تكون بنى آدم بيحس زينا
و بيحس بالناس حواليه... و بيحس بالكلام
اللى بيقوله ٠ ٠ ٠
طلقنى يامحمد ارجوو و و و و و و ك......
رد عليها محمد بصدمه : هو لعب عيال و لا ايه؟! انتى لسه فكرانى مراهق زى حضرتك و واخدة الموضوع هزار ؟ النهارده نتجوز و يكرة نتطلق و
كنتى مفكرة إنى هقعد أحب فيكى و أسهر طول الليل ابعتلك رسايل و اجبلك دبدوب في الفلانتين؟!!!
اعقلي شويه و أفهمى طبيعه الوضع اللي احنا فيه دلوقتي لو سمحتى ده جوا ا ا ا ا ز
مش خطوبة ٠ ٠ ٠
خلاص احنا نبدا صفحة جديدة و ننسى اللى فات
و اوعدك يا ستى هزود مصروفك و هجبلك اللي ماكنتيش تحلمى بيه ها قولتى ايه؟!!
كانت نظرات ساره ليه كلها قرف و اشمئزاز فصرخت فيه بقوة و قالت له : تصدق الكلام معاك تضيع وقت
و انا مش هسمح لك تتعامل معايا بالاسلوب ده أنا مش للبيع يا باشمهندس محمد
