كاعد اني وجدي بالديوان ويمي عمامي اثنين وابويه وفاتحين نقاش عن حالة ابن عمي المريض مصاب باللوكيميا ونحاول بكل الطرق نلاكي مستشفى بالخارج ونسفره الهه لان وضعه ميؤوس منه بس نسوي اللي علينا
قيصر: جدي اني بعد اذنك اكول لو ناخذه للهند هو وضعه حيل تعبان والطب تطور والهند عدهه اجهزه حديثه وياما ناس راحت وتعالجت من هذا المرض ماكو شي بعيد عن ارادة الله
الجد حميد : سوي اللي تشوفه بعد جدك اهم شي عندي انه زياد يطيب ويرجع لعافيته بعده صغير ما شاف شي من حياته
انه قيصر ابن الشيخ جابر وجدي الشيخ حميد معروفين بالانبار احنا عشائر دليم جدي عنده اربع ولد ابويه جابر الجبير وبعده عمي محمد وعنده ولد اثنين سامر وايهم وبنيه منى وبعده عمي ماهر عنده خمس ولد احمد وياسر وحسين وعلي وزياد وبعده عمي حذيفه اللي مشايفه بحياتي وعيت للدنيا هو ماكو بس اسمع من ابويه عنه لان جدي اتبره منه من تزوج وحده المانيه مو من بنات عمه جدي جان مزوج ولد كلهم حسب رأيه واخذو بنات عمهم عدا عمي حذيفه اللي من سافر لالمانيا يدرس ماجستير حب وحده المانيه وتزوجها ورجع وياها وجدي ما قبل عنه وحسبه طالع عن شوره لذلك عمي ترك كلشي وسافر وياها ومن ذاك اليوم هو ما متواصل بس ويا ابويه وسمعت عنده بنيه وحده
انه الولد الوحيد لابويه اسمي قيصر وعمري 35 سنه وضيفتي نقيب وعندي اخت وحده لارا وعمرهه 13
بعد جلستنا بالديوان طلعو عمامي وطلعت انه ويا ابويه احنا بيوتنا صايره داخل سياج جبير والبيت الجبير صار لابويه ويانا جدي وبيبيتي وداير مدايرنا بيوت عمامي واحنا محاطين بالحمايه لان جدي جبير العشيره واله هيبته لمن دخلت لغرفتي اجه ابويا عليه سألته اذا اكو شي لان وجهه قلق
الشيخ جابر : بويه قيصر انه جايك بموضوع
قيصر: اي يابه كول اسمعك
الشيخ جابر : عمك جذيفه زوجته توفت قبل شهرين واني كتله يرجع لهنا لان كافي متغرب والعمر يمشي واريده يتصافى ويا جدك
قيصر :الى رحمة الله اي يابا ما بيهه شي بس انت شنو رايد مني اسوي
الشيخ جابر : بعد يومين هو جاي اريدك تروح وتستقبله انت
قيصر : يابا بس انت تعرف اني نقيب وشغلي ما يخلص اذا صارلي مجال اروح اذا لا ادز سياره توصله للبيت وتدلل
الشيخ جابر: هاهيه وليدي بس اني حاير شلون اذا جدك شافه خايف لا ما يتقبل
قيصر: يابه لا تشيل هم جدي كلبه طيب وراح يتقبل ويرجع كلشي لمكانه
الشيخ جابر هز راسه وراح لغرفته وراح قيصر لفراشه ودك جهازه لمن شاف الشخص اللي متصل عليه غلقه ونام ..........
