جدي تفاجأ بوجود عمي بحيث عيونه غوركت بالدموع والعصا اهتزت بأيده عمي بلا شعور ركض لجدي وحضنه وبجى ودموعه عشره عشره
حذيفه : سامحني يابا سامحني والله ما توفقت بحياتي لان ما راضي عني انت يابا
الجد : مسامحك وليدي لا تبجي كوم ع حيلك خلي اشوفك وأملي عيوني بيك
حذيفه : يابا الغربه تعبتني وروحي يمكم انت وأمي والله ضليت حاس بنقص بسبب بعدي عنكم
الجد : لا يبعد ابوك امسح دموعك وانهض خلي اشوف طولك مشيب ولك
حذيفه : هههههههه اي يابا بنتي صارت بطولي ليش ما اشيب
تقربي بابا سلمي ع جدج
تقربت إيمارين وباست جدهه براسه وبأيده
الجد : ولك حذيفه هاي بنتك من يا جنه جايبهه شدعوه هيج حلوه
حذيفه : يابا امهه الله يرحمهه هيج جانت
الجد : شسمج بعد جدج
حذيفه : اسمهه إيمارين يابا
الجد : وانت شكوو تجاوب خلي اسمع صوتهه
حذيفه : دمعت عيونه يابا بنتي ما تكدر تحجي خرسه من الطفوله
الجد : باوع عليهه لكاها مبتسمه وسحبهه باس راسهه وكاللهه بعد جدج انتي مكانج صار هنا وهسه روحي ع جدتج خلي تشوفج واخذي ابوج وياج
هزت راسهه وراحت لابوهه وباوعت لقيصر اللي جان مصدوم من اللي سمعه معقوله خرسه لذلك من سألهه شلونج مجاوبت وصارت عينه بعيونهه وغمزلهه وهي عيبتله وراحت ابتسم ع طفولتهه وراح ويا عمه ع جدته
الجده فاطمه : جانت تقره قران وتسبح واندك الباب وسدت القران وكالت اتفضل انفتح الباب وطلت إيمارين من وراه وباوعت لجدتهه وابتسمت ألهه
يمه هاي شنهي حوريه لو ملاك تعاي يمه انتي ياهي ؟؟؟
إيمارين ابتسمت واتقدمت وبعدهه دخل والدهه اللي من شافته أمه كمزت من مكانهه وركضتله وحضنته
الجده : يروح امك حبيبي روحي فرفحت عليك ليش يمه ليش هيج اتغربت ونسيت
حذيفه : باس راسهه يمه لا تبجين والله تندمت ابتعدت عنج روحي جانت يمكم
لزم ايد أمه وكعد يمهه يمه هاي بنتي
الجده : يمه حبيبتي شنو هايه تعاي حبيبه يمه بنت الغالي شلون جمال بس بيبي شبيج مستحره شو تنورتج كصيره ما عدكم قماش هناك
إيمارين ضحكت ضحكه عاليه وجان مقابيلهه واحد هايم بهالضحكه بحيث اشتعل جسمه من شاف منضرهه واتمنه هسه يروح ويسحبهه وياخذهه لفراشه ويبرد ناره بيهه
قيصر : هههه بيبي هم هذا لبسهم وهي شويه شويه تتعود علينا وع لبسنا
بهالاثناء دخلت ام قيصر علمود تصيح عمتهه ع الغدا وتفاجأت بوجود ابن عمهه حذيفه لمن شافته سلمت عليه وتحمدتله بالسلامه بس من ابتسمتلهه إيمارين ابتسمت بخفه لان انتبهت ابنهه ما شال عينه منهه
ام قيصر : يلا تفضلو الغدا صار يمه قيصر يلا اخذ عمك وبنته وبيبيتك للديوان
قيصر : يلا عمي خلي نروح علمود تاكلون جايين من سفر انتو يمه وصي لارا خلي ترتب الغرف الفوك لعمي ولأيمارين
ام قيصر : اي يمه بس خلي تجي من مدرستهه مشوو كلهم لمن طلعوو خارج الغرفه سحب إيمارين من إيديهه هي تفاجأت بتصرفه باوعت أله بأستغراب .......
