ركضت من كدامي وهي خجلانه
قيصر : اخخخخ يا كلبي مو توبت شرجعك ع هذا الدرب وانوب هي ما منطيتني مجاال تطلع مقابيلي ع غفله وتشعل اهلي
مر اليوم الاول ع إيمارين ووالدهه وطلعت شمس اليوم الثاني اللي يحمل مفاجأت من نوع ثكيل
لارا : صباح الخير يمه شنو السالفه شو محد كاعد لو لان جمعه ها اكيد لان جمعه وعطله بس اني شاذي بس يمكن اني مميزه دائما اختلف بكولشي عن العالم يمكن مخطوفه ؟؟ يمه منين خطفتيني يلا احجي اهلي وين ؟؟
ام قيصر : شبيج يمصخمه اسكتي خلي احجي شكد تلغين من كعدتي ما سكتي لسان لو برنو عابتلج ما فالحه لا بيت ولا مدرسه بس بطول اللسان
لارا : يمه وبعد اكو شي فالحه بي ما ذكرتي
ام قيصر : شنو يا اخر همي
لارا : اكدر اشوف الصاكين عن بعد يعني الحلو اكلب زرقاء اليمامه واميزه بين ملايين
ام قيصر : يمه يمه هاي 13 سنه وهيج تحجين لما تصيرين 18 شتسوين
لارا : اجي اني والصاك مالتي وبنتي الصاكه عليكم واخلي بنتي تخبلج
ام قيصر : يمعزايه ولج انتي شو ماكو مستحه امشي ولي كعدي ابوج واخوج وعمج وبنته المسعده خلي يجون يتريكون
لارا : يمه اسمها إيمارين مو المسعده ثانيا هذا ابنج لو يصيرله مجال تشوفين جهاله عن قريب لازك بالبنيه حتى ثكل ماكوو بس بقى ينام يمها
ام قيصر : عزززه ولج بس لا صدك يسويها والله خلي يكطع نفسه لو ساره لو ماكو هي بشنو احلى من ساره اشو هي مكطومه ما بيهه لزمه
لارا : يمه يا ساره احلى اشو بنت اختج عيونهه جوه وخشمهه كنتور وواكع عليهه الحايط عشر مرات ما تكوليلي شلون احلى اروح اكعدهم احسن واشوف عمي الصاك
كعدت من نومي واني بالي كله يمهه النوم ما شفته لما طر الفجر ماخذه تفكيري كله شنو راح اسوي لازم الكه حل هاي مو وضعيه كمت من فراشي ورحت كبل للحمام اني طبيعة غرفتي الحمام ويا الغرفه سبحت وطلعت لمن دا ابدل اندك الباب
قيصر : تفضل
لارا : صباح الخير يلا انزل اتريك امي تكول
قيصر : يلا جاي كعدتي عمي وايمارين
لارا : هسه اروح حنين مو بأيدك
قيصر : انجبي وولي
طلعت لارا واني كملت تبديل نزلت لكيت امي وابويه وجدي وجدتي ملتمين بالديوان ع السفره ومنتضرين عمي صبحت عليهم وكعدت ولمن سمعت عمي صبح علينا رفعت راسي ويا ريت ما رافعه انسمط جد جدي الاخت نازله لابسه فستان ابيض قصير وجسمهه بارز منه وهي ثلج بحيث حرت شأسوي كمت ابلع بريكي ما تحملت تركت السفره وكمت رجعت لغرفتي
الجد : صباح الخير يلا ابني يلا مد ايدك تعاي جدو يمي
الجده : يمه حذيفه دير بالك ع بنتك ما يصير هيج تلبس وابن عمهه بالبيت وهو شاب واعزب هم ما يصير خلي تغير لبسهه ميجوز هيج
لارا : بيبي يا ميجوز شوفيهه تخبل اني ما اكدر البس هيج يصير بيه تسلخات جلديه هي الله مرتبهه تلمع
الجده : انجبي وسدي حلكج انتي يالفاهيه محد رايد رأيج اكرمينا بسكوتج
لارا : شكرا بيبي ع الرزاله
بهالأثناء قيصر جان بغرفته دخن جكاره وره الثانيه يريد يطفى ما يكدر دمرت كل حصونه ما بيهه مجال بعد لازم ياخذهه طلع من غرفته صاح على لارا
قيصر: لارا حدري ليجاي رايدج بشغله
لارا : كول خير اطرب اذني
قيصر : انتي شكد تنجبين يا الله اسمعي اريدج تجيبين ايمارين لغرفتي تدبريهه
لارا : شنو يمه ليش شتريد منهه والله لو تطك اني ما اسوي اللي تريده
قيصر : اسمعي يا الثوله اريد احاجيهه بعد ما بيهه مجال لازم اكوللهه
لارا : ديله عيني هي البارحه اجت وما تحملت هاي لو تطول اسبوع شيصير ابويه وامي يشوفون احفادهم يمكن
قيصر : انلصمي وامشي جيبيهه
لارا : احاول
مشت لارا ورجع قيصر للغرفه وضل متوتر والتفكير اخذ عقله لازم يشوف حل وياها
لارا : ضليت افكرر شلون اخذ ايمارين لغرفة قيصر وفجأه خطر ابالي فكره رحت عليهه جانت بالمطبخ تتفرج ع امي شلون تسوي بالخبز ومتعجبه فتت للمطبخ
لارا: إيمارين محتاجتج بشغله هي هزت راسهه بمعنى شنو كتلهه تعاي وياي شويه لمن طلعنا من المطبخ سويت نفسي اتألم وكمت اعض بأيدي هي بسرعه هزت راسهه بمعنى شكوو اشرتلهه ع غرفة قيصر كتلهه عندي دوا بالغرفه ع الكومدينه بسرعه جيبي هي ركضت خطيه وما حست ع روحهه صراحه انقهرت عليهه بس اخويه هم يقهر ذبحته صارلهه بس يوم وانجلط من وراهه
قيصر : جنت أمدد ع جربايتي وما احس الا الباب انفتحت ودخلت إيمارين مفزوعه اني ما صدكت بسرعه كمت عليهه كتلهه شبيج واشرتلي بره شفت لارا واكفه واشرتلي بأيدهه بمعنى باي
اني باوعت ع إيمارين كتلهه لتخافين ماكو شي هاي لارا مخبله ما بيهه شي بس اني ردت احجي وياج هي رفعت حاجبهه بمعنى شكو كتلهه انتي عاجبتني وماخذه عقلي من شفتج احس روحي انسطرت ونفسي دنت عليج بحيث ما دا اتقبل مره ثانيه إيمارين اعذريني ع اللي راح اسوي بس بعد ما بيه طاقه واتحمل .......
