باوعت أله باستغراب بمعنى صاير شي
قيصر: يولي بطلي توزعين ابتسامات شكو شبيج ياهو اللي يجي مبتسمه أله عقجت حاجبهه وبرطمت بزعل
لا تبرطمين تره اسوي شي ما يرضيج او بالاحرى يدوخج فتحت عيونهه ع وسعهم وركضت من كدامه ضحك ضحكه عاليه ع طفولتهه وراح وراها لمن دخل للديوان لكاها يم ابوها وتباوع ع الاكل بصدمه وعيونهه تفتر ع اللي موجود كدامهه
الجد : جدو مدي أيدج واكلي لا تضلين صافنه ع الاكل
حذيفه : يابا بنتي ما شايفه هيج كمية اكل هناك الاكل كله خفيف بحيث بسرعه ينهضم
الجد : اي ما تشوف بنتك شكدوتهه معصعصه ما بيهه لحم من الاكل الخفيف اكلي جدو واسمني مو زين تضلين هيج
إيمارين ضحكت بوجه جدهه وكل شويه تأشر لابوهه ع اكله ويكولهه اسمهه
بعد ما كملو كامت إيمارين تريد تغسل وراح وراها قيصر وشافهه تدور ع المغاسل وتفر براسهه يمنه ويسره اخر شي تقرب منهه وسحبهه من ايدهه
قيصر : تعاي ادليج وين تغسلين سحبت اديهه منه ومشت وراه لمن وصل أشرلهه بأيده بمعنى اتفضلي وفاتت من يمه وانسطر بعطرهه
ربي صبرني مخلي ملاك كدامي وتريدني ما تدنى نفسي منو يرضاها
لمن كملت طلعت وحست بشخص طفر من يمهه وخافت ورجعتلهه بنيه صغيره ورافعه حاجبهه ألهه
لارا : بويه انتي منوو ؟ وشدعوه هيج حلوه خرب سكفج شبيه الله ما ينطيني هيج شكل انتي من كوكبنا يولي ؟؟؟ شبيج ما تحجين؟؟ أهووو لو بس ادري شبيج متصنمه كدامي اني هيج طبعي ما احب امشي بس اركض بحيث كلهه عايطه مني
قيصر : لمن شفت لارا واكفه وتحجي وياها وهي ما تحجي وساكته ولارا بطبعهه ما تسكت عدها استعداد يومين تضل تحجي مثل كسارة الحصو
لارا هاي بنت عمنا حذيفه إيمارين
لارا : ليش عدنا عم اسمه حذيفه بويه وهو هيج حلو مثل هاي يولي ما عندج اخ
قيصر : كفخهه ع راسهه ولج شو ما تستحين مو اني واكف شويه اثكلي
لارا : ما اثكل وعمي اللي طك جديد وينه اريد اشوفه من حقي
قيصر : امشي نروح هو بالديوان ويا ابويه وجدي وبيبي وامي
لارا : وشلون راح اسلم عليه واتغزل براحتي والعصابه كلها جوه الله عليكم خلي يطلعون وراها اسلم
قيصر : لارا امشي عيب هالحجي شنو عصابه ليش شمسويلج هم كافي تصرفات جهال
مشينا لما وصلنا للديوان لمن دخلنا تلكتنا امي تريد تطلع بس نضراتهه لإيمارين ما مريحتني حاس امي بيهه شي بس شنو ما اعرف
لارا : يول قيصر بس لا هذا الصاك ابو نضاره عمي والله هسه اهلهل
قيصر. : انجبي لج وكافي خفه اثكلي اي هو هذا عمي
لارا: طفرت من مكانهه وركضت لما وصلت يم عمهه وكعدت مقابيله
شلونك عموو ؟؟ ما تكولي شدعوه هيج حلوين بيبي شو ولدج ولا واحد مثل هذا كلهم جلحان هذا الصاك مستحيل ابنج مين بايكته يلا اعترفي ؟؟؟؟
حذيفه: ههههههه هلا عمي انتي لارا اكيد
لارا : اي اني رالا اقصد لارا عمو ليش هيج ؟
حذيفه : شنووو ؟
لارا : ليش ما عندك ولد هسه اني شلون اضمن مستقبلي ولد عمامي البقيه ما ينطلع بيهم للشارع زرك الله وكيلك ولمن اجه الفرج ما عندك ولد شلون شغله هاي ؟
حذيفه : هههههه يولي لسانج اكلتيني بكشوري عود من الكا واحد حلو هو الج هاهيه
لارا : اروح فدوه هاي العمام تدري اطمنت هسه ع نفسي
حذيفه : همزين اطمنتي خوش هو ودا يحجي ويا لارا ألتفت شاف إيمارين غافيه ع رجل بيبيتهه بدون متدري
يمه تره بنتي غافيه ومتدرين
الجده : ياا سوده عليه حبيبتي هاي من السفر تعبت احنا رتبنالكم غرف اخذهه وليدي لغرفتهه خلي اكعدهه
حذيفه : لا يمه لا تكعديهه ما حاجه اني اشيلهه بس دليني غرفتهه
قيصر : عمي اني اخذهه لغرفتهه انت ارتاح
وراح عليهه وشالهه بدون ما يسمع الرد ومشى لغرفتهه هي لا أراديا ايديهه تلقت بركبته وتقربت ع صدره
اي هاهيه اني جبتهه لنفسي هسه شكو صرت فاندام وألا اني مو عمي راد يشيلهه بس ما ارتاح الا تشتعل عشيرتي الراحو والأجو
لمن دخل لغرفتهه خلاها ع جربايتهه وطلع بدون ما يلتفت لمن سد الباب تفاجأ لارا واكفه كدامه ورافعه حاجبهه ومبتسمه
قيصر : خير شكوو
لارا : سلامتك ماكو شي عيني توم كروز بس تره انت مفضوح وأمي من تنتبه عليك تشيلك من البيت تدري بيهه تريد ساره بنت خالتي ألك
قيصر : انجبي لج شنو مفضوح وأمي تدري رأيي بهذا الموضوع مستحيل اتزوجهه لساره اني وين وهي وين زعطوطه بعدهي اني اريدلي مره مو جاهل وتركهه ونزل لارا ضحكت وره ما نزل اخوهه
فتحت عيونهه لكت نفسهه بغرفه غريبه وصار نضرهه ع الساعه اللي مقابيلهه جانت وحده ونص والدنيا ليل كامت من فراشهه ولكت نفسه بنفس ملابسهه غيرت لبسهه ولبست شورت وبدي بدون ردن ورفعت شعرهه بفوضويه وطلعت من غرفتهه تريد تشوف ابوهه وين صار كدامهه غرفه ومشت لعدهه لمن فتحت الباب شافت ابوها نايم ابتسمت وطلعت ، نزلت تدور للمطبخ لان جانت جوعانه بس ما لكت شي جاهز تاكله الا تسوي شي بهالأثناء دخل قيصر للبيت وشافهه وتصنم مكانه من صدمته
قيصر : هاي تريدني تالي عمري اسوي تصرفات ما يقبلهه لا رب ولا دين
ولج بابا من تنزلين ألبسي شي تره اني مو نبي واكفه كدامي ولابسه شورت يعني احد كالج راح اغض بصري وأمشي ........
