يوم اللقاء
قيصر : جنت بالمركز وبأيدي قضية ومركز بيهه اتصل بيه رقم غريب اول مره مجاوبت لم كرر الاتصال جاوبت : الووو نعم
حذيفه : الووو قيصر موو
قيصر : اي نعم منو وياي
حذيفه : اني عمك حذيفه ابوك دزلي رقمك واتصلت عليك اكولك اني بالمطار وصلت يا ريت تجي تاخذني
قيصر : هلا عمي هلا بيك اي حاضر مسافة الطريق ويمك
تركت كلشي يأيدي واخذت سيارتي ورحت اول ما وصلت المطار اتصلت ع عمي كتله اني وصلت
حذيفه : انتضرني بره ابني جيتك
قيصر : ماشي عمي براحتك منتضرك
حذيفه : إيمارين بابا يلا وصل ابن عمج خلينا نروحله
إيمارين ابتسمت لوالدهه ومشت لمن طلعو حذيفه شاف شاب ومنتجي ع سيارته وصل يمه
حذيفه : قيصر موو
قيصر: اي نعم عمي حذيفه موو
حذيفه : ابتسم اي ابني وحضنه وكاله ما شاء الله اخويه صاير عنده زلم
قيصر : لمن حضني عمي راحت عيني ع الحوريه اللي واكفه وراه وتباع عليه ومبتسمه ابتسامتهه شلت عقلي شل بحيث ما اسمع عمي شيكول
هااا اي عمي ابويه عنده اني وبعد اخت وحده
حذيفه : ما شاء الله ربي يحفضك وليدي إيمارين بابا تعالي سلمي ع ابن عمج
قيصر : تقربت مني وابتسامتهه ع وجهه مثل الملاك الشعر للخصر ولونه اصفر والعيون ازرق مثل البحر لمن تقربت مني رفعت نفسهه وحضنتني اني انصدمت بحيث صعدت الحرارة بجسمي ما تحملت وباستني بخدي الايمن والايسر بحيث ردت اكع من الدوخه انسطرت من عطرهه وقربهه
شلونج
إيمارين :............
حذيفه : ابني خلينا نروح للبيت احنا تعبانين ونريد نروح يا ريت توصلنا
قيصر: اي عمي صار تفضلووو لمن صعدو بالسياره هي صعدت وره وعمي يمي كدام وعيونهه ع الشارع والناس بحيث ما تدري بنفسهه ومتعجبه بأي شي تشوفه
لمن وصلنه للسلف كلت لعمي وصلنا وبده يسألني عن البيوت ومنو هنا ومنو هنا اجاوبه بس بالي يم اللي مصدومه بالبيوت بحيث من كتله هذا بيتنا انصدمت لان جبير
لمن نزلو جان ابويه منتضرنا وسلم ع عمي وضلو يبجون بس هي تباوع ع عمي ومبتسمه لمن ابويه كمل سلامه ويا عمي انتبه عليهه وكال لعمي هاي الأميره بنتك
حذيفه : اي خويه هاي إيمارين تقربي بابا سلمي ع عمج تقربت ولمن سلمت عليه باسته وحضنته
جابر : ما شاء الله عليج عمي تخبلين ما توقعتج هيج حلووه ربي يحفضج
ابتسمت لابويه ورجعت يمي وكفت وباوعتلي ورفعت حاجبهه بضحكه
ادنيت عليهه وشاورتهه بدون مينتبهون جانو ملتهين يحجون بينهم
قيصر : ابتسامتج شعلت الخلفوني وباوعت ألهه نزلت راسهه وخجلت
لمن دخلنا للديوان جدي ما يعرف لحد الان انه عمي أجه رفع راسه وتفاجأ...........
