كان قيصر موجود بغرفتهه لمن دخلت ابتسملهه وتقرب منهه وسد الباب هي بس تباع عليه ما حركت اي شي
قيصر : إيمارين حضري نفسج بالليل عندي مفاجأه الج راح اخذج ونطلع هي ضلت صافنه اله باستغراب هو غمزلهه وطلع من الغرفه وضلت هي مكانهه مصدومه وتفكر بكلامه مستحيل تسمحله يتقرب منهه بعد هي ما متعوده شخص يتقرب منهه لهاي الدرجه لازم توكفه عد حده بأثناء تفكيرهه راحت لفراشهه وما حست ع نفسهه ونامت
لارا : قيصرن قيصرن
قيصر : ووجع قيصرن شنو شبيج تهرفلتي
لارا : لا بس دا استضرف وياك المهم اجيتك بحجايه انت تدري بيه ما احب الفتنه ونقل الكلام اساسا مو من شيمي هاي السوالف بس تره امي اليوم كالت لخالتي تريد ساره الك وساره عيونهه صارن كلوب حب من سمعت احسن شي تسوي اخذهه وكل يوم اكتلهه علمود تريح كلبي لان بحياتي ما شايفه حقنه مثل ساره
قيصر: خطيه ابد ما تحبين الفتنه شنو هاي الاخلاق روحي بابا يا ساره عايزني جهال تروح وترجع عمرهه 17 شنو اخذهه شسوي بيهه نلعب ختيلان
لارا : لا اخذهه اكتلهه مو دا اكولك واذا متريد تكتلهه كولي اني الصبح اول ما تفتح عيونهه وبصونده يابسه الزمهه وبالليل هم اكتلهه كلما اضوج اخلص عليهه
قيصر: اطلعي وسدي الباب راسي يوجعني وعوفي هالسوالف معليج حيري بدراستج
لارا : اروح ع بيبي احسن بس هي تفهمني
قيصر: بدلت ملابسي وكملت باوعت للساعه سبعه ونص بالليل المفروض هسه هي جاهزه طلعت من غرفتي واتجهت لغرفتهه دكيت الباب ما جاوبت ودكيت مره ثانيه هم مجاوبت فتحت الباب ما لكيت احد بالغرفه سديت الباب ونزلت جوه رحت للديوان لكيت ابويه وجدي وبيبي وبلوة عمري متمدده ع رجلهه اول ما دخلت حمحمت هي رفعت راسهه باوعتلي ورجعت راسهه ولا كأني موجود
قيصر : يابا لعد عمي وين
جابر : والله ما ادري يا ابني من طلع الصبح بعد ما اجه اتصل جدك عليه كايله عنده شغله يكملهه ويجي هزيتله راسي وباوعت للبلوة لكيت بيبي تهمس ألهه بكلام وهي بس تضحك نيالج بيبي صدك احسدهه
دخل عمي حذيفه هي اول ما شافته كمزت عليه وحضنته هو ابتسملهه وكعدهه يمه
حذيفه: حبيبتي كملت اجراءات نقل الممتلكات اللي بالمانيا اهنا وراح يستقر شغلنا وراح يكمل كلشي
هي ابتسمت لابوهه وباوعت ألي ونزلت راسهه اني استغليتهه فرصه وهي متكدر ترفض
قيصر: عمي تسمحلي اخذ ايمارين اريد اطلعهه اشوفهه الاماكن وتتونس وهم تحتفل بميلادهه
حذيفه: اي عمي ليش لا كومي بابا روحي ويا قيصر هم اتونسي شويه هي كامت وراحت لغرفتهه ماكو عشر دقايق ونزلت لابسه فستان اسود صفنت عليهه اي شي تلبسه تطلع حلوه لو تلبس كونيه هم تطلع حلوه شنو من مخلوقه هي باوعتلي وابتسمت اني ترخصت منهم وطلعت هي تمشي وراي واسمع صوت كعبهه يرن بأذني لمن صعدنا للسياره كتلهه راح تبدي السهره من هاللحضه
طلعت بسيارتي وهي بس تباع وتضحك واي شي يلفت انتباهه تأشرلي عليه واكولهه شنو هو اخذتهه للشط اول ما وكفت السياره نزلت تركض ونزعت حذائهه ومشت ع الرمل تصرفاتهه مثل طفله ولا كأنما إمرأه وبالغه طفوليه وعفويه بكولشي بعد ما تعبت من الركض اجتي عليه واشرتلي بمعنى تريد تاكل واخذتهه لمطعم وطلبت بيتزا وبعدهه اخذتهه لمحل حلويات اكلت واخذت لاهلي وحصة لارا وحد لان تفضحني شيخلصني من لسانهه سوت كلشي يجي ع بالهه بحيث تعبت وما ضل ألهه قدره بعد اني بكل الليله ما نطقت حرف هي تأشر واني انفذ بس مجرد اشوف ابتسامتهه اضيع لمن رجعنا للبيت طفيت السياره قبل لا تنزل باستني من وجهي ونزلت تركض اني نزلت بسرعه وراها ورحت لغرفتهه وبدون مقدمات فتحت الباب ودخلت كبل اخذت شفتهه بحيث انصدمت وبستهه بلهفه ما كدرت حتى تبادلني من السرعه وكلما اريد اكطع البوسه اتعمق اكثر عبالك بالجنه ولمن بلشت تضربني حيل بعدت عنهه
قيصر: لج انتي مرض ومنتشر بيه ما دا اكدر اطلعج من حياتي كلما ابتعد تتعمقين بيه اكثر شسوي صارلج يومين وشليتي حالي كوليلي شأسوي تعبت اريدج تبردين ناري بعد ما ألي طاقه اتحكم بنفسي
هي بس تباع عليه ودموعهه تجري كتلهه لا تبجين سؤال واحد جاوبيني عنه وعدهه خلاص كلشي يتحدد تريدين نتزوج واخذج ونروح منا لاي مكان تريدينه بس أشري المهم تبقين يمي
هي دموعهه زادت بعد هالكلام وهزت راسهه بمعنى لا ودفعتني اني بلحضتهه نار وشبت بيه تركتهه وطلعت لان اذا ابقى احتمال أأذيهه اول ما دخلت لغرفتي اتصلت ع المسؤول عني وطلبت منه نقل لبغداد بعد ما اريد ابقى هنا وجودهه كدامي يخليني اتهور واحتمال اسوي شي اندم عليه خليت راسي ونمت والف فكره بداخلي
ثاني يوم لمن صحيت غسلت وبدلت ملابسي المفروض اروح للمركز علمود اقدم طلب نقلي لان هاي اجراءات اول ما نزلت رحت للديوان ولكيتهم ملتمين كلهم ع الاكل صبحت عليهم وطلعت لشغلي ما ألي واهس حتى اكل وهي ما رفعت عينهه عليه اساسا
اول ما دخلت للمركز لكيت المسؤول وكالي وافق انقل بس اقدم طلب اني بدون مقدمات قدمت طلب وانطيته اله ووقع عليه وانقلت لبغداد للحرية وكالي باجر استلم شغلي
لمن رجعت للبيت كلت لامي تحضر ملابسي لان احتمال اطول وبين كل فترات متباعده يلا انزل اني ما احب احد يناقشني بقراراتي واهلي لمن اتخذ قرار معناها انتهت دخلت للغرفه وكبل لفراشي نمت كم ساعه وكعدت بالليل لكيت ملابسي حاضرات وبالجنطه
كالنبيذ انتي اسكرتني حتى ادمنتك
الصبح قبل لا اطلع مريت لغرفتهه لكيتهه نايمه تقربت عليهه وبستهه من راسهه
قيصر: ارجعلج حبيبي واخذج وغصبا عنج بس حاليا راح اتركج ما اريد اضغط عليج بشي عفتهه وكمت طلعت من الغرفه لمن نزلت لكيت لارا بالمطبخ صبحت عليهه
قيصر: صباح الخير شكو شو اليوم منوره المطبخ ودا تسوين اكل شكو تريد تقوم القيامه
لارا: تصدك مو صوجك صوجي كعدت واريد اسويلك اكل وعفت مخدتي الضلعه وصبحت بوجهك
قيصر: عفيه بالشاطره يلا وينه الاكل لو بس سوالف
لارا: لا هذا الاكل خليته كدامه وضليت انتضره يكمل لمن كمل تقرب وباسني من راسي
قيصر: ديري بالج ع روحج وانتبهي لدراستج صايره سحل يلا تنجحين
لارا: وداعتك احساسي صفر مسألة ابجي انساهه الله وياك وسلملي ع بغداد وع الصاكين اللي هناك
قيصر: يرادلج كص لسان انتي صايره ادبسز لان وما منج فايده
يلا اني اروح وسلميلي ع البقيه لمن طلعت من البيت حسيت اكو شي نقص .......
