صقر الصعيد

البارت الاول

#صقـــر_الصعيــــد
الفصـــــل الأول بعنـــــوان ( زواج بالأكــــراة )

في القاهرة بأحدي عماراتها دلفت " جالان " شقتها في تمام الساعة الثامنة مساءً ،، وضعت حقائبها على أول مقعد قابلها بتعب ورأته يقف هناك يضع يديه في جيبه بغضب ظاهر في ملامحه ،، ركضت نحوه مبتسمة بوجه طفولي يبدو عليه الأرق وعانقته بسعادة وهي تهتف بدفء :-
- واحشتني

أبعدها عنه بقوة وهو يقول بأنفعال :-
- ماهو مش معقول كدة ،، دي مش تصرفات واحدة متجوزة كل يوم أرجع وأستن ست الحسن والجمال لما تتنازل وتحن عليا وترجع من شغلها دي مبقتش عيشة

تحولت ملامح وجهها المُبتسم آلي اللا مبالاة وبرود شديد وقالت ببرود :-
- يعني عايزني أعمل إيه أسيب شغلي وأقعد في البيت أربي العيال اللي هم مش موجودين أصلا  ،، أنت مبتتعبش يا حسام من الخناق بسبب الشغل ،، إحنا بقالنا 3 شهور متجوزين مفيش يوم مفهوش خناق  ..

صرخ بها بأنفعال وهو يمسك ذراعها بقوة ويجذبها نحوه حتي أصطدمت بصدره من قوته قائلاً :-
- ماهو أنتي لو ست زي الستات خايفة علي بيتك وجوزك مكنتيش عملتي كدة علي الاقل كنتي خليتي بيتك وجوزك رقم واحد في حياتك

نزعت ذراعها من قبضته وقالت بشجاعة :-
- أنت عارف كويس آن بيتي وجوزي أهم حاجة في حياتي بس ده ميعنيش آني اقعد من الشغل  وبعدين أنت واخدني بشتغل ايه الجديد بقي ومتفقين علي الشغل من الأول لزومه ايه خناق كل يوم انا تعبت وأتخقنت من الخناق اللي مبخلصش

- معلش يا جناب السفيرة المفروض اجهزلك العشاء واستني جنابك لما ترجعي
قالها بغضب شديد  ،، فهتفت بهدوء وهي ترسم بسمة مزيفة قائلة :-
- لا يا حسام نص ساعة والعشاء يكون جاهز

كادت أن تذهب من أمامه فأوقفها وهو يمسك يدها ثم يردف قائلاً :-
- مش عايز اطفح شبعت من نكدك وقرفك أنتي مش هترتاحي غير لما اتجوز عليك وتشوفي الستات بتعمل ايه

رمقته بنظرة حادة ثم صرخت به بأنفعاله :-
- روح أتجوز وشوف واحدة تستحملك زي ده لو لاقيت أصلا

خرجت شهقة قوية من بين ضلوعها حين صفعها علي وجهها بقوة ويردف بغضب :-
- تستحملني يابنت *** طب روحي وأنتي طالق يلا

أتسعت عيناها الزرقاء علي مصراعيها بصدمة ،، بعد أن طلقها للمرة الثالثة كبتت غضبها وأخذت شنطتها وصرخت بقوة حين مسكها من حجابها بقوة يخرجها من الشقة كما عادت .....

¤¤¤¤¤¤¤¤¤¤¤¤¤¤¤¤ ¤¤

• جــالان :- فتاة شابة تملك من العمر الـ 26 عام تعمل صحفية في إحدى الجرائد المهتمة بالموضة ،، يتيمة الوالدين ووحيدتهما ،، تزوجت من حسام عن حب منذ ثلاث شهور ،، شابة فاتنة الجمال وملامحها بريئة عكس شخصيتها قوية ولا تقبل الإهانة من أحد ،، عنيدة لأبعد الحدود  ....