رح نرجع نلتقى
رح ارجع شوفك
و رح نرجع نتخانق متل كل مرة
من بعد كل مرة منكون فيها سوا
بتتذكر قديش كنا نتخانق
و من بعدا منتصالح
تقلي انك بتحبني
و الك انا كمان
انا كمان بحبك
بحبك كتير
رح ارجع شوفك .. و شوف عيونك
بوعدك هل مرة مش رح استحي متل قبل
ما رح ابرم وجي و اتطلع بالارض
لا بالعكس
هالمرة رح اتطلع بعيونك و ضيع فيهن
اشتقت ضيع بعيونك
رح ارجع شوفك
و حط رأسي ع كتفك و حس بالأمان
من لما فليت و انا نسيت شو بيعني هل الاحساس
نسيت طعم السعادة من بعدك
اصلا ما في سعادة بالمطرح لإنت مش موجود فيه
كنا نحكي .. نحكي كتير و اعرف كل اخبارك
هلئ بقعد مع حالي و بسأل حالي
معقول بعدوا متل ما هوي؟
انشالله ما يتغير
يضل هالحنون لحبيتوا
و يحنلي و يشتقلي
بعرف صعبة و يمكن ما تصير
بس لاصعب هوي حياتي
حياتي انا و عم جرب عيشها من بعدك
لاقي لسعادة بمحل تاني بعيد عنك و انا عارفة انوا سعادة محلها عندك عندك و بس
رح نلتقى
و بس نلتقى
رح عصب عليك
ع قد ما حكون مبسوطة و طايرة من الفرحة
ع قد ما حعاتبك
ع قد ما حكون مشتاقتلك ع قد ما ح اغمرك
رح اغمرك و شد و رح انسى كل هالوجع
رح شوفك
