قديش كنت ناطرة كلمة منك لحس بالفرحة رجعتلي
لحس بالسعادة لبطلة حاسة فيها من لما فليت
قديش تصرفاتك
حكياتك
وعودك
كلن خذلوني
قديش كنت عم بحلم باللحظة لحترجعلي فيها و تعتذر و ترجعلي بسمتي و نرجع مبسوطين متل ما كنا
قديش نطرتك و تاخرت عليي
بس بالاخير رجعت
رجع لانسان لحبيتوا
يلي تعرفت عليه و تعلقت فيه
رجعت انت و حكياتك
انت و حنيتك
رجعت متل ما حبيتك
بس في شي ناقص
رجعت بس ما رجعت اللهفة
رجعت بس يلي انكسر ما تصلح
حتى ضحكتك يلي كانت تنسيني كل همومي ما قدرت ترجع يلي راح
بس فليت اخدت معك قلبي
رحت و اخدت شقفة مني
طب ما هياك رجعت
شو لي صار؟
يمكن انت رجعت بس انا لقديمة ما رجعت
