اخر مرة قطعت وعد ع حالي ..قررت وقتها انها تكون آخر مرة بكتب عنك .. بس هلئ بمتل هيك قعدة بالغرفة مع نفس الاغاني و نفس الصفنة بالسقف و دبدوبك حدي
مين الي غيرك اتذكروا !! بس هالمرة مش متل كل مرة
هالمرة مش عم اكتبلك لالك ترجع و انوا اشتقتلك هل مرة غير
بدي الك انوا مش عم بنطرك بقا .. بلشت اتقبل فكرة غيابك ..
بطلت بس فتح عيوني امسك لتلفون لشوفك اذا حاكيني ..
بطلت بس اوقف حد الشباك راقب العالم انطرك تمرق من بينن ..
بطلت بس فوت ع محل فتش عيونك بين لموجودين ..
او انوا عيوني يضلوا عم بيراقبوا لباب و ناطرتك تتطل ..
بطلت انطر اسمع اخبارك من شي حدا ..و فكرة لسهر كل ليلة انطرك تحكيني بطلتها ..او حتى انوا ازعل لانك ما حكيتني و ما آكل ..شو كنت هبلة قال انوا كرمالك اتخلى عن نومي و اكلي 😹😹 و فكرة انوا احكيك كمان شلتها من راسي
بعرف انك ناطر هالشي انوا احكيك بس تاكد انوا هل شي مش حيصير غير باحلامك ..لك حتى بطلت ادعي شوفك بمنامي
بطلت بس اسمع غنية بتخصنا قفيها و اسمع غيرها
بالعكس عم اسمعا كلها و لل آخر لان بطلت انت موجود فيها
انت عم تطلع مني شوي شوي
صرت فخورة بحالي
لان عم حط سعادتي فوق كل شي
لان سعادتي و صحتي اهم منك
و هالمرة و لاول مرة مش كم كذب ع حالي بهل الحكي
هالحكي طالع من جوات قلبي
