حياتي ما بعيشا متلكن
ما بتشبه حياتكن
حياتي صارت مبنية ع نطرة نهار
نطرة هل نهار بخوف انوا ما يجي
بخوف انوا يخلف بوعده
لأ وقتا تحب وفي خوفك ما بيكون من وعودوا
خوفك بيكون من لايام
ما اصعب هالاحساس
حياتي مش متل حياتها
بتروح كل مرة عبابوا بتراقبوا من بعيد و بتحسا متل لطفلة لمحرومة من العيدية .. كل يوم بتتطمن عليه من بعيد و بتشوفوا
حياتي مش متل حياتوا
تعلق فيها .. رفيقها .. بيشوفها عطول بس خايف يقرب
هوي حولها و معها
و حياتي مش متل هالتنين لحبوا بعض
و بيلتقوا بالشهر مرة
..
حياتي ما بتشبه حياتن
حياتي،
هي عبارة عن نطرة ما بيقدر بينطرا غير العاشق
بعيد عن عيني بس قريب من قلبي رغم كل هالمسافة
عايشة ع سماع صوتك
عايشة ع حديسنا سوا
هيدا لشي لمصبرني
لذكريات
ذكرياتنا لعايشة بكل زاوية
بمشي و بحس لمطارح عم تسال عناك
عم يسالوني وينك
بتماسك و بقول رح يرجع
و رح نكون سوا و قراب نمشي بنفس لمطارح
و مع زكريات جديدة
هالنطرة ما بتلبق تكون الا الك
الا لحدا متلك و بكل تفاصيلك
عاشق متلي عندوا ياك بحياتوا
انت و غيرك مابدي
