عم تغلط بحق حالك.. كتير عم تغلط
وقتا تكسر حالك و كلماتك يلي طلعوا منك بلحظة لأسى
بالحظة لكنت فيها عم بتفكر بعقلك
و تجي بلحظة تضعف و تقبل تتنازل عن كرامتك كرمال سعادة مؤقتة
سعادة مدتها كم دقيقة من بعدها وجعك عم بيزيد للضعف
من بعدا بدل ما تقوى عم تضعف اكتر
باي حق؟ .. باية حق بترجعلوا؟
يا قلبي كيف قدرت تغدر فيي
كيف قدرت تغدر بيلي عطتك فرصة للسعادة وقتا وعدتها ما توثق بوعود كذابة
بوعود طالع من ناس مؤقتة بحياتك ... انبسطت هلئ؟
بعدك باول لطريق و هيك فكيف لبعدين؟
يلي انكسر بعمروا ما بيتصلح
بس قلي انت و شقفك يلي صاروا بكل لمطارح
انت قادر تجمعن؟
قادر ترجع حالك متل ما كنت؟
لك اذا قلبي ما وفى بوعدوا .. فكيف هوي حيكون قد كلمتوا و يوفي بوعودوا؟
حكى حكي كتير و ما كان قد هالحكي
بس ما بلوموا
بلوم هالمشلول لعايش جواتي
و بلوم حالي و عقلي
كيف وثقنا بشقفة قلب ضعيف يلي عم يتحكم فينا من جوا يتحكم بحياتي من برا!
وينك يا قلبي
لوعود لانت عايش كرمالها و اهدافك لحطيتها
قلي كيف حتكون سهلة عليك تتخطاها؟
ما بحياتي رح ارجع اوثق فيك .. لانك ما بتلجئ الا ل يلي بدن يكسروك و بيكرهوك ..
