عم بتخايلك تكون متلي
كل ليلة بتصفن بالنجوم
و مع كل نجمة في حكاية
و بتبلش تركب شي سيناريوا براسك ع كل نجمة بتطلع قدامك ..
معقول ترجع بشي لحظة لتصلح يلي صار ؟
و بعدني ناطرة
بمرق من حد لمطارح لجمعتنا بيوم من الايام
بصير بفتش حواليي
بفتش عليك
ع عيونك
في شي جواتي بدوا يشوف عيونك عم تفتش عليي
بدي شوفك مشتقلي
و بنصدم بالواقع
انت مش هون
مش موجود
انت بعيد
بعيد كتير
طب رجاع و الله اشتقتلك
بقولها و بنطر توصلك
و بنطر اسمع ردك
انك مشتقلي
بس ما بعمروا وصل هالجواب
و بعدني ناطرة
ناطرة شي خبرية عنك
بدي اعرف اشتقتلي و عم بتخبي او مش خاطرة ع بالك
جاوبني
بيقولولي في غيرك كتير
و بقلن في كتير بس مش متلوا
في كتير عيون بس عيونك غير
في كتير قلوب بس مافي متل قلبك
في كتير غيرك بس منن متلك
منن انت
انت غير
او يمكن هيك كنت مفكرة
و كمان مرة
انصدمت بالواقع
تعلمت ما علي سقف توقعاتي من كل شي حواليي
حتى ما يوقع ع راسي
متل ما هلئ صار
و برجع بفكر انوا ..
هل مرة انقضت بكسرة قلب و روح
شو معقول يصير لمرة لجاية؟
معقول تحكيني
معقول ترجع و تدمر كل شي حلو كان و بعدوا لآخر مرة؟
