عـروس صـعـيـــدى - للكاتبه نــور زيـــزو

البارت الاول

#عروس_صعيدي

البارت الاول

أيوة بغير

لا أنا نقصان ولا ضعفان ولا زايغ عن عيني الضي

ولا حد أحسن مني في شي

أيوة بغير

واللي قالولك غيرة الراجل قلة ثقة او قلة فهم..خلق حمير

غيرة الراجل نار في مراجل

نار بتنور مبتحرقش

واحنا صعايدة بنستحملش شمسنا حامية

وعرقنا حامي وطبعنا حامي

واللي تخلي صعيدي يحبها يبقي ياغلبها

اصلنا ناس على قد الطيبة كانت هيبة

والنسوان في بلادنا جواهر

طب لو عندك حته ماس

هتخليها مداس لناس؟

ولا هتقفلي اوضة عليها بمية ترباس

يمكن حتي تاجري ليها جوزين حراس

يبقي انا لا انا غافل ولا جاهل

كل الفرق مابيني وبينك إنى صعيدي

ينعل ابو دة اليوم الاكحل اللي لا ليه آخر ولا اول اللي طلعت لقتني صعيدي

لو كان بأيدي كنت اعملك هندي بريش

واقلب شعري كانيش كرابيش

والبسلك سلسلة متدلدلةخرزة وقلب

بس إزاي البسلك سلسلة هو انا كلب

ثم العبرة ماهيش في اللبس

أصل المشكلة مش في اللبس

أصل المشكلة عندك

عندك

قلت هسبها وبكرة تحس

بعده تحس

بعده تحس

دة انا لو جبس كنت زعقت

ماشي صداقة

وماشي زمالة

بس مجتش على الرجالة

ماهي نسوان الدنيا كتير

وانا مبقولش تخاصمي الناس

ولا تتحجبي عن الرجالة

ولاتعتكفي وتسكني دير

بس ياريت حبة تقدير

إني بحبك

واني بريدك

واني زرعت حياتي في ايدك

واني غزلت بنات الدنيا عقود على جيدك

واني تعبت من التفكير

واني بغير...

فى نجع حمادي تحديداً فى سراية منصور الراوي ، سراية من الخارج تشبه القصور والفخر لا تصلح بأن تكون فى صعيد مصر بل بجانب القصور ، حديقة واسعة كبيرة وأمام البوابة الرئيسية الداخلية لها يوجد نافورة المياه الدائرية ، ومن الداخل يوجد درجتين من السلالم للأسفل وبعدها يتوسطها من السقف نجفة كريستالية كبيرة جداً تصح لوجودها بهذه السراية والطابق الأعلى يأخذ الشكل الدائري كما من الأسفل ويوجد بها صالون من الجهة اليمين ومن الجهة اليسري أنترية وفالمنتصف السفرة ومن الأمام يوجد غرفة كبيرة لها بابين أحدهم لداخل السراية والأخر للحديقة يطلق عليها المضيفة لأستقبال الرجال ، يوجد الكثير والكثير من النجف والتحف بها