عـروس صـعـيـــدى - للكاتبه نــور زيـــزو

البارت العشرون

#عروس_صعيدي

البارت العشرون

""""""" لو كان بأيدي كنت اعملك هندي بريش

واقلب شعري كانيش كرابيش

والبسلك سلسلة متدلدلةخرزة وقلب

بس إزاي البسلك سلسلة هو انا كلب

ثم العبرة ماهيش في اللبس

أصل المشكلة عندك

عنادك

قلت هسبها وبكرة تحس

بعده تحس

بعده تحس

دة انا لو جبس كنت زعقت

ماشي صداقة

وماشي زمالة

بس مجتش على الرجالة

ماهي نسوان الدنيا كتير

وانا مبقولش تخاصمي الناس

ولا تتحجبي عن الرجالة

ولاتعتكفي وتسكني دير """"""

...

قالت رهف لعاصي وهى تغلق شنطتها : نازلة اهو ياعاصي على طول .....

قطع حديثها صدمتها حين رأت منتصر يجلس في الصالون مع والدها .. رمقها منتصر بنظرة غليظة غاضبة بعد أن سمع اسم ذلك العاصي يخرج من شفتيها .... أنزلت الهاتف من اذنها وهى تنظر له بدهشة غير مصدقة ما تراه

سألها رجب وهو ينظر إلى ملابسها : أنتى خارجة يارهف

فاقت من دهشتها وهى تنظر إلى والدها : اه يابابا

سألها رجب مرة أخري وهو يرمقها بنظرة حادة : دلوقتى الساعة ٨ هتخرجي أمنى وهترجعي أمتى

قالت رهف بهدوء : أنا أستئذنت من ماما قبل ما اقول لصاحبى اه أو لا ووافقت

اردف رجب بنبرة حادة قائلاً : وأنا مليش لزمة يعنى

هتفت رهف بأسف واحراج : اسفة بس حضرتك مكنتش موجود

قال رجب بأقتناع وهو ينظر إلى منتصر : اه كنت بجيب منتصر من المحطة

نظرت إلى منتصر وتذكرت تجاهله لها وقالت : طيب عن اذنك عشان صحابي واقفين تحت

سألها رجب بأستفسار وهو يقف : هتروحى فين

أردفت رهف وهى تنظر إلى والدها : هنروح الملاهي وبعدان نتعشي ونقعد على البحر شوية

قال رجب بضيق وهو يعود إلى كرسي : ادخلى يارهف مفيش خروج .. هترجعلى امتى أن شاء الله

تذمرت رهف بغضب وزفرت بضيق وهى تقول : اول مرة يا بابا تقولى هتروحى امتى وترجعى امتى

قال رجب بهدوء وهو يفهمها بأن الوضع تغير: انتى مش بنت يارهف انتى دلوقتى قدام الناس ست ومطلقة يعنى كلام الناس هيكتر اوووى عليكى