*لحظة رجوع*💔3
الكاتب: *منذر بيومي* 😎
*الحلقة* '3'
سلام عليكم🌚👋
وركبت الباص وانا بطلع في التذكرة اتحسست لي ورقة في جيبي... طلعتها ولقيت مكتوب فيها خالد قبل أي حاجة انا دايرة... (وفجأه الورقة طارت من الشباك) حاولت امسكها ما قدرت وبقيت بفكر الطريق كلو ي ربي المكتوب شنو ودة منو وجات لي جيبي كيف قمت اتذكرت اني لمن كان بصلي كان عمر جاب لي القميص 😪 قلت اكيد الشافع دة داير يدورني 😂😂 وفجأة سرحت في كلام جوري هي قاصدة شنو ولي مشت وفجأة جا موقف بايخ في راسي انو لمن كنا صغار وكنت بلعب معاها في البيت وانا جاري وقعت المزهرية كسرتها وكانت مزهرية امي المفضلة قامت جوري قالت إنها هي الكسرتها☹️ ما فهمت عملت كدة لي وحسة برضو ما فاهم تصرفاتها 🙁 المهم قعدت اتذكر طفولتي واقعد اضحك على نفسي 😂💔 وفجأة القى نفسي في سابع نومة واصحى على صوت جاري في الكرسي يقول لي حمدلله على السلامه... نزلت من الباص وما فاهم شي طلعت تلفوني واتصلت على عمي مقيم هنا بعد ربع ساعة كدة اسمع صوت عمي اووو الدكتور🌚 سلمت عليهو عمو سالم كيف الاخبار ليك وحشة والله (عمي سالم أصغر من الوالد بي 4 سنين مقيم في الجزيرة ليهو 20 سنة بنسافر ليهو كل عيد اضحى)❤️ ركبنا العربية ولحدي ما نزلنا ما وقف أسئلة عن الوالد وأحوالنا وانا شابكو بس تمام الحمدلله😂 دخلنا البيت سلمت على مرتو خالتو نهى وأولاد حسن وحسين الاتنين اخواني ورجال حارة (تؤام اتخرجو ليهم سنة وشغالين مع عمو سالم) ساعدوني في دخيل الشنط وطوالي جاتني خالتو نهى بي صينية العشاء (أهل كرم) بعديها دخلت نمت وصحيت الساعة 7 على صوت المنبة استحيت وصليت وجهزت اشوف الحاصل مع الجامعة😪💔 وقبل ما اطلع نادتني خالتي نهى الا تشرب الشاي قعدت كلهم ما شاء الله متلمين ❤️ بس قلت ليهم ابقى مارق بعد دة قام حسن قال لي انا حأوصلك و انا شابكو لالا بصل براي قال ي برلوم تصل ليها شنو انت امبارح قعدت ساعة وانا بوصف ليك الدكان 😂 قلت ليهو بتحصل 😂💔 قبل ما نمرق عمي سالم طلع من جيبو قروش وقال خليها... حلفت ما اشيلها وقلت ليهو كفاية استقبالكم لي وما داير اتقل عليكم وشبكني انت ولد الغالي والا تشيلها ❤️ شلت القروش وبقينا مارقين وصلت الجامعة والناس متغيرة على بعض وما بعرف زول المهم جازفت اليوم ورجعت البيت واقرب سرير 😂💔 مر 3 شهور وانا على نفس الموال أمرق من الصباح وارجع قريب المغرب اقرا لي ساعتين وقبل ما انوم اتصل على ناس البيت اطمن على أخبارهم والدموع تتمسك بالعافية 💔 ودخلت على فترة الامتحانات كأني دخلت على جهنم💔 انتهيت الحمدلله من السمستر الأول واتصدم بي انو الاجازة أقل من شهر 💔 لكن في نفس الوقت مبسوط اني حأقابل اهلي ❤️المهم ودعت عمي والأهل وقلت ليهم اسبوعين وارجعاعمل ليكم وجع وش😂😂
*يتبع*😴
*الجاي درررعة*😍
ابقوا بعافية و نتلاقي بكرة ان شاء الله 🌝✋
