*لحظة رجوع*💔ج2 (2)
الكاتب: *منذر بيومي* 😎
*الحلقة* '2'
سلام عليكم🌚👋
*العراق* :
بعد مرور اسبوع من انفجار المطار... علا تتصل على عبدالله، عبدالله قال ليها انا يادوب اتوفقت وقدرت ادخل العراق وحابدا افتش طوالي وبوريك بي كل جديد ردت علا: خلي بالك من نفسك ي عبدالله ☹️ لا إله إلا الله رد خالد: محمد رسول الله... قفل منها وطوالي مشا على السفارة وبدأ يسأل وروهو المستشفيات النزلو في المصابين والجثث💔 بدأ بي اول مشفى وكل غرفة أو عناية يشوفها بكون واقف على أمل شوفة خالد 💔 لكن للأسف ما استفاد شي بحث بين الجثث برضو ولسة ما وصل لي حاجة💔 بقى ماشي لي اخر مشفى وماشي بي معنويات عالية لأنه في دكتور قال ليهو كل الحالات النزلت من الطيارة الجاية من الخرطوم بتلقاها في المستشفى دي وعدد الوفيات فيها بسيط لانو انفجار القنبلة حصل بعد زمن يخلي عدد كبير من المسافرين اتخارجو... وصل المستشفى وبقى يفتش بين المصابين الأول التاني التالت لحدي ما كملهم لكن ما استفاد حاجة💔 وبدأ يفتش بين الجثث💔 لحدي ما وصل لي جثة مشوهة لكن بنية جسمها قريبة لي خالد وعرف انو دة هو لانو قدر يلاحظ انو الجثة عندها جرح فوق حاجب العين نفس العند خالد... بعديها اتصل على حاج إبراهيم وقال ليهو: ي عم إبراهيم انت زول مؤمن ولازم ترضى بي قضاء الله ولدك خالد تعيش انت 💔 انا لله وانا اليه راجعون 💔 تاني يوم وصل الجثمان الخرطوم...
*الخرطوم* :
علا وعمر البكاء شلاهم وحاج إبراهيم دموعو خايناهو ونازلة غصباََ عنو💔 وجوري بتكورك بي هيستريا ما تبكوووو دة ما خالد دة ما خالد ااااخ 💔 وحجة ساجدة قاعدة في عالم تاني الناس بجو يعزوها وهي ساكتة 💔 واللحظة المرق فيها الجثمان من البيت نزلت منها دمعة من كترة ما تقيلة مليانة ألم لو كانت وقعت في حاجة كان كسرتها💔 دفنو ولسة اهلو ما مصدقين💔 7 ايام بس تهد ناس بالشكل دة 💔💔
*بعد مرور 8 شهور*
إيلاف (ام جوري) قالت: ي جوري جوري اصحي، ترد عليها أي يا أمي، قومي ي بت الليلة حفلتك الليلة يومك😍👏
*يتبع*😴
*الجاي درررعة*😍
ابقوا بعافية نتلاقي بكرة🌝✋
