*لحظة رجوع*💔ج2 (3)
الكاتب: *منذر بيومي* 😎
*الحلقة* '3'
سلام عليكم🌚👋
ي جوري جوري اصحي، ترد عليها أي يا أمي، قومي ي بت الليلة حفلتك الليلة يومك😍👏 ترد جوري (بصوت مكسور💔) : ما دايرة امشي ي امي💔 ترد امها: دة كلام شنو البتقوليهو دة🤦 كفاية انك ما كنت بتمشي الجامعة دايرة تخلي حفلة التخرج برضو قومي ي بت جهزي نفسك 🤦... ي امي عليك الله خليني 💔 طلعت امها من غرفتها واتصلت على صحبتها دارين... الو كيفك ي دارين... اهلين خالتو إيلاف... ي بتي تعالى الحقي صحبتك دي ما دايرة تمشي الحفلة، ردت عليها خلاص ربع ساعة وبكون معاكم... بعد شوية الباب يخبت وتخش دارين اها ي خالتو لسة ما قامت... لسة ي بتي والله، مشت دارين المطبخ ملت كوز موية ودخلت غرفة جوري براحة بدون ما تعرف وكشحت الموية في وشها😂 اتهجمت جوري وبقت تكورك ي حيوانة ي متخلفة💔 والله عرفتك حتجي وتعملي حركتك الزبالة دي🤦دارين ردت عليها: انت لسة ما لبست... ردت جوري: ما لبست وما حألبس وما طالعة من لوضتي دي... جاطت فيها دارين وقالت ليها ما على كيفك وبالغصب خلتها تلبس ومكيجتها بالغصب وطلعت، رغم انو وش جوري كان منهك وعلامات البكاء ظاهرة فيهو لكن دارين خلتها تطلع قمر 14😍 وصلو الصالة المقام فيها التخريج والناس كلها بتغني وترقص والخريجين مفصولين في ساحة الرقص عن أهلهم ودارين جرت جوري بالغصب للساحة وهي ما عندها نفس بقت شايفة نظرة عطف من قبل زملائها لانو عارفين انو خطيبها مات💔 ودي اكتر حاجة زعلتها انو يعاينو ليها بنظرة العطف دي💔 (بالجد ماف زول حاسي بي وجعك غيرك) رغم انو مرت 8 شهور على وفاة خالد لكن لسة جوري ما متقبلة فكرة انو مات💔 وكأنو في حاجة جواها بتقول ليها خالد لسة عايش☹️ بقت تعاين لي أي ولد وبت قاعدين مع بعض وتتذكر في علاقتها مع خالد كأنو لسة امبارح كان أول يوم يقول ليها بحبك في حوش بيتهم وتتذكر انها ادتو شلوت وتتبسم على هبالتها والناس بعاينو ليها وما فاهمين شي وبينها وبين نفسها تقول بالله ي خالد مرت أربعة سنين على الموقف دة💔 وأثناء ما هي تايهة في دوامة أفكارها يقطع تفكيرها صوت واحد بقول ليها مبروووك يا دكتورتنا... تقبل عليهو وتقول انت😳
*يتبع*😴
*الجاي درررعة*😍
ابقوا بعافية و نتلاقي بكرة💓🌝✋
