*لحظة رجوع*💔ج2 (7)
الكاتب: *منذر بيومي* 😎
*الحلقة* '7'
سلام عليكم🌚👋
بعد انتهو من الاكل بقو أحمد وبسمة ماشين على عرفتهم فجأة بسمة وقعت واغمى عليها💔 أحمد بكورك بسمة بسمة بسسسمة ساقها المستشفى وبعد ما مرق منها الدكتور... سألو أحمد في شنو ي دكتور رد عليهو المريضة في المرحلة الأخيرة من السرطان💔 رد أحمد سرطاااان😳 قال ليهو ي دكتور انت متأكد انا بتكلم عن المريضة بسمة أمجد رد الدكتور اي بسمة انا دكتورها ومتابع حالتها من 9 شهور واخر فترة أهملت العلاج وقام المرض اتطور عندها... أحمد لمن سمع كلام الدكتور قرب يقع يحصلها في السرير الجمبها💔 بعديها قال للدكتور ممكن اشوفها... الدكتور سمح ليهو بس طلب منو انا ما يتعبها أو يخليها تبذل مجهود... دخل عليها و اول ما شافتو بسمة بقت تبكي وقالت ليهو انا اسفة اني ما وريتك قال ليها ما تخافي انا حأسفرك لي احسن دكتور في العالم وان شاء الله حتبقي كويسة ☹️ وباس رأسها ودموعو بدت تنزل💔 بعد يومين مرقو من المستشفى وقال ليها انا اتكلمت مع دكتور في روسيا وقال في امل انك تخفي وتبقي كويسة❤️ لكن قال حيقابلك بعد اسبوعين💔 ردت عليهو لي خير ان شاء الله... بعدها سألتو حتسافر السودان قال ليها لا... قامت حست بالذنب وبقت تقنعو انو يسافر في النهاية وافق يسافر لكن هي وامجد يكونو معاهو (أحمد كان مبسوط انو حيرجع بلدو كل مرة كان بطلب من بسمة تحكي ليهو عنها لانو نسى اي حاجة بعد حادث المرور الحصل ليهو💔) وبدأ في تجهيزات السفر وكان عليهو يومين ويسافر...
*الأحداث في الخرطوم*
جوري كانت عايش اسوء ايام حياتها💔 وكل ثانيتين حسن يرسل ليها الليله حأخطبك ي حبيبتى 🙈 وهي بتقرا وما بترد ويرسل ليها تاني ما دايرة تردي... لكن دة حقك لازم تفتري ي عروسة🌚😂 وهي تقرأ كلامه وما قادرة تعمل حاجة غير تنزل دموعها💔 نهاية اليوم حسن جاب اهلو... وأم جوري بالغصب طلعت جوري من غرفتها وشكلها كان ما بتقابل وابدا ما شكل عروس🤦 وأهل حسن عرفو انو جوري ما دايراهو لكن حسن كان ممشى كلمتو وما قدرو يقيفو مع جوري والناس دي كلها واقفة ضدها ولمن شافت عمتها ساجدة بقت تبكي وما قدرت تقول حاجة بس بتبكي💔 قامت إيلاف ام جوري ساقت جوري وقعدتها جمب حسن قام حسن قال مدي يدك يا عروسة 🙈 لمن مدتها لقاها لابسة دبلة خالد💔💔 قام اتنرفذ وطلع دبلة خالد بالقوة لمن جرحها💔ولبسها دبلتو فوق جرحها وماف زول قدر يتكلم وبقت خطيبتو رسمي بعديها جرت جوري على غرفته وبقت تبكي وتقول( *موجوع قلبي والتعب بيا تعبان وجهي وعيوني قهرتني الدنيا شلت حال حالي وفي حياتي كرهتني* ) وقالت ي خالد لي عملت فيني كدة مش وعدتني انك جاي ي خالد انا تععععبت وبقت تقول ي الله خذني إليك وارحمني من ظلم هذه الدنيا ي دنيا كم انت دنيئة💔بعديها استغفرت وصلت ركعتين ونامت وقلبها بنزف دم💔
*الأحداث في مصر*
رجع أحمد البيت بعد انتهى من أوراق السفر وظبط امورو كلها وطوالي رقد نام وبعديها قام مفزوع وبكورك على كابوس صحت بسمة مهجومة وبقت تهدي فيهو قام قال ليها نفس الكابوس رجع لي 💔 قالت ليهو احكي لي...
*يتبع*😴
*الجاي درررعة*😍
وابقوا بعافية نتلاقي بكرة💓🌝✋
