لحظة رجوع*💔8
الكاتب: *منذر بيومي* 😎
*الحلقة* '8'
سلام عليكم🌚👋
وأثناء القيم القى الكورة مندفعة شديييييييد في وشي💔 في محل الضربة القديمة بالظبط💔 و وقعت في لحظتها... صحيت على صوت الوالدة ماسكة يدي وبتقرى قرآن ❤️ بقيت ما فاهم شي سألتها انا وين بقيت شايفها بتتكلم وما سامعها وفجأة اسمع صوت زنننننن شديييييييد في اضاني لمن كوركت وفقدت الوعي تاني💔 لكن الحمدلله ربنا لطف وصحيت بعديها... ولمن سألت الدكتورة المتابعة معاي عن الحصل قالت لي: جابوك فاقد الوعي من قبل 10 ايام💔💔 وبعديها دخل الوالد والوالدة اطمنو على واستوعبت انهم سافرو لي ومعاهم علا وعبدالله وعمر وخالي مصطفى بعديها جاء الدكتور وما طمنا نهائي وقال حصل تلف في خلايا المخ وعرفت اني دخلت عمليتين وانا ما جايب خبر 💔 (الحمدلله على كل حال) المهم المرة دي طولت في المستشفى قعدت قريب الشهر💔 لكن الحمدلله الصداع الكان بجيني خف وبقيت احسن لكن دخلت في هم القراية واتردمت علي💔 لكن الحمدلله الله رزقني بي دفعة وقفت معاي كلها وما قصرو ابدا❤️ واكبت القراية وانتهيت من السمستر التالت وبديت في الرابع 🤦 وانقطعت من الخرطوم وأهلي قرابة ال6 شهور 💔 في نفس الوقت لي قريب ال8 شهور ما عارف اي حاجة عن جوري وما كنت قادر اسأل زول منها غير عمر لانو الباقين ما حيدوني الزيت🤦 استمريت في السمستر الرابع وهدفي كلو ارفع معدلي للامتياز وجات الامتحانات والحمدلله أنجزت فيها بي سبب شرح اصحابي (اولاد على بنات وقفو معاي وقفة راجل❤️) واثناء ما بحضر نفسي عشان ارجع الخرطوم القى رسالة من جوري ❤️ (خالد كيف حالك اشتقت ليك ووووكذا وعرفت انك جاي بكرة ان شاء الله ترجع بالسلامة كان نفسي اتواصل معاك من بدري بس ابوي كان قافل تلفوني عشان تالتة💔) بعد ما قريت رسايلها حسيت بي راحة شديييييييدة ❤️ كنت داير ارسل ليها واقول ليها اشتقت ليك برضو ي نصي التاني ☹️❤️ والمنعني قلت احتمال شعورها تجاهي اتغير لي 8 شهور منقطع منها💔 وصلت الخرطوم وسلمت على الاهل وكلهم بسألوني عن صحتك وانا تمام الحمدلله 🤤❤️ وسألوني لو لسة بتجيك آلام الرأس ولا لا (للأسف بتجيني💔) بس عشان ما اقللهم قلت ليهم نادر ما تجي زاتو 😇 بعديها عرفت من عمر انو ناس جوري جايننا الصباح❤️ بقيت اتذكر في المفكرة بتاعتها واتحسر على غبائي انو انا ما صارحتها من بدري لي وغير انها احلا بت مرت على حياتي كانت برضو اكتر وحدة بتفهمني والتفكير فيها شاغلني والساعة داخلة على 1ص وفجأة يقطع تفكيري صوت تلفوني بضرب...
*يتبع*😴
*الجاي درررعة*😍
نتلاقي بكرة ابقوا بعافية 💓🌝✋
