الحلقه الثالثه
معشوقتى المجنونه
الكاتبه بوسي محمود
مهيمن / في ايه و ايه الدوشه دي و وشك متعور ليه يا عمرو
عمرو يمسك وشه / الافندى شايف نفسه علينا مش عارف ع ايه
مهيمن باندهاش / انت يا نضال الى عملت فيه كده
نايا / يا فندم هو اللى استفزنى
مهيمن / انتو الاتنين محرومين من اي مكافأت و ده ابسط عقاب عندى اتفضلو
عمرو يبص بصة توعد ل نايا و نايا فرحانه جدا عشان اخدت حقها و كل واحد راح عند سريره
فادى راح عند نايا / نضال زيح شويه
نايا تقوم من ع السرير / انت عايز ايه انت كمان
فادي / هنام جنبك و اتكلم معاك شويه
نايا / تتكلم و مفهومه اما تنام دي بقى اللى مش تطمن هو انا كنت صاحبتك امشى يا بابا الله يسهلك
فادى / لا اوعى تفهمنى غلط انا عايز اتكلم معاك
نايا / اتفضل قول من غير نوم
فادى/ بص من غير لف و دوران انا معجب ب اختك و عايز اخطبها
نايا ب استغراب / اختى مين!!
فادى / اختك يا جدع اللى كانت معاك الصبح
نايا / اه اختى . اعملك ايه انا بقى
عمرو / متكلمهالى
نايا / ان شاء الله .. اتفضل طرقنى عشان انا الوحيد اللى اتهديت و عايز انام
فادى / ارتاح يا حبيبي و قام
نايا تغمض عنيها / ايه السر اللى عندك يا مهيمن مخليك قاسي اووى ع نفسك بحس انك بتعاقب نفسك و مش بتخلى الضحكه تدخل قلبك .. وتفتكر اليوم بتاع الصبح احيه و انا هعمل ايه الصبح قامت بسرعه و راحت ل فادي
(العنبر عباره عن مكان كبير في سراير و كل سريرين فوق بعض)
نايا بصوت واطى / فادى
فادى يفتح عينه / نعم
نايا / عايز اتكلم معاك
فادى زحله شويه / حبيبي اتفضل
نايا تضربه ع كتفه / بقول اتكلم مش اتخمد قوم كده و تعالى بره نتكلم شويه
فادى / ما تتكلم هنا
نايا / لا تعالى بره
فادي يقوم و يلبس تيشرت و يطلعو
نايا / فادي انا بصراحه استجدعتك
فادى / يعنى هتجوزنى اختك
نايا / اهدى ع نفسك شويه خلينى اركز في الكلمتين اللى عايز اقولهملك
