الحلقه السابعه عشر
معشوقتى المجنونه
الكاتبه بوسي محمود
فوزى نزل يجرى وراها / في ايه يا بنتى مالك
ويزو / تعالى اركب يا بابا خلاص سيبها تلاقيها مجنونه
فوزى / مع انى ماشوفتش وشها بس صعبانه عليا اووى
ويزو / فعلا صعبت عليا انا كمان ، يا عالم ظروفها ايه
فوزى ركب العربيه / رنا وحشانى اووى
ويزو / و انا يا بابا يارب تكون بخير و ربنا يهديها و ترجع لينا
فوزى ماشي بالعربيه
رنا مدحت مسكها
مدحت / بتجرى ليه يا بنت ال .....
رنا بخوف / ا ا ا اصل شوفت بابي
مدحت / و ليه ماخدتيش الفلوس منه
رنا / انا معرفش ايه اللى خلانى اجرى
مدحت / ده انتى يومك اسود انهارده روحى ع شغلك
رنا / انا اسفه مش هعمل كده تانى سامحنى ربنا يخليك
مدحت ضربها بالشلوت غورى يالا من قدامى و اياكى تفكرى تهربي منى رجالتى في كل حته في المكان
رنا بخوف / لا مش ههرب و قامت جري عند الاشاره
&&&&&&&&&&&&&&&
في بيت نايا
نايا / ماميتو وحشاااانى اخيرا مش هسيبك تانى
هاله / و انتى والله وحشانى خالص يا شقيه انتى ، و انا مش عيزاكى تسبينى تانى خالص وحشتينى اووى يا قلبي من جوه
كرم / ايه جو الحب و الحنان و العواطف ده كله ، انا كده هعيط
هاله / تعالى نحبك معانا و بلاش تعيط
دانيه / و انا كمان حبونى معاكم
كرم / عايزه تحبينى الحقينى ب الاكل
دانيه / والله احلى حاجه قلتها
هاله / حبايبي من عنيه
كرم / تسلم عينك يا ست الحبايب
و حطو الاكل
كرم / ناويه تعملى ايه يا نايا بعد مارجعتي من السفر
نايا / عادي يا كرم هروح الشغل هنا
كرم / و ياترى انهى فيهم
نايا بتغمزله / شغلى يا كرم هو انا عندى كام شغل
كرم / بس يارب تكونى عقلتى من الهبل اللى في دماغك
نايا / تصدق صديت نفسيى ، تعالى يا دانيه ندخل الاوضه
دانيه / عايزه اكل
