الحلقه الرابعه
معشوقتي المجنونه
للكاتبه بوسي محمود
نايا بلعت ريقها و ماكنتش عارفه تعمل ايه و بصت ل فادي اللى كان جنبها
لقته هو اللى نشن بدالها
و فضلو ع كده كل ما يجى الدور ع نايا فادي هو اللى نشن بدالها
مهيمن / استوب خلاص خلص التمرين انهارده
كل واحد راح اخد شاور و قعدو بره الاوض
نايا راحت ل فادى / ممكن اقعد معاك
فادى من غير ما يديها اهتمام بص و نزل راسه
نايا بهزار/ كنت متأكده هتقولى اتفضلى و قعدت
فادى / ع فكره انتى ايامك هنا معدوده و كل شى هيبان انتى هبله و لا عبيطه ازاي عملتى حاجه زي دي
نايا / بص انا حابه اشكرك انك مقولتش ل كابتن مهيمن حاجه و انك نشنت بدالى و بكده انا عارفه و واثقه انك مش هتقول حاجه ابدا
فادى رفع حاجبه / بس هيعرف
نايا قلدته / بس مش منك
فادى / ربنا يستر .. (غمزلها )بس ع فكره انتى جامده
نايا ماسكته من هدومه / لم نفسك ياض هعورك
فادى يشيل ايدها / ههههههه انتى دماغك راحت فين
نايا / راحت لحد عابدين يا أمور
فادى / هههه اه عابدين لا انا كده اكش من بنات عابدين انا اقصد انك جامده في التمارين نشفه مش بتخوعى و تتعبى بسرعه
نايا / ده عشان كنت بلعب ملاكمه و رياضات كتير و الحمدلله
فادى / ما تجيبى رقم اختك
نايا / ههههههههههه اختى هههههههههه
فادى / مالك
نايا / ثانيه بس هههههه
فادى / انتى اكيد هبله
نايا / اصل دانيه مش اختى دي صاحبتى
فادى / كمان ، طيب هاتى رقم صاحبتك
نايا / تدفع كام
فادي / ااااه احنا فينا من كده .. (و ينادى ) كابشين مهيمن
نايا تحط ايدها ع بقه / بس بس خد الرقم كاتك الارف
فادي / هههه ناس متجيش غير ب مهيمن و تعالى هنا ايه كاتك دي اسمها جاتك
نايا / لا هي كاتك
فادي / مش مهم المهم رقم دانيه و اخد الرقم و مشى بعيد
&&&&&&&&&&&&&&
فريده / تفتكرى ابن عمك ده واد موز كده
دانيه سرحانه / اه لو اشوفك تانى يا خربيت جمال عيونك و غمزاتك
فريده / انتى فينك بكلمك
دانيه / انا لازم اشوفك و اتكلم معاك اصل مش هينفع كده احبك من بعيد لبعيد
فريده بصوت عالى / دانيييييه
دانيه تتخض / ايه في ايه
فريده / اللى واخد عقلك يا دانيتى
دانيه بسرحان / ها عقلى
فريده / سلامة عقلك اوعدنى يارب انا مش طماعه انشالله صندل انا موفقه المهم مذكر
دانيه / انا مش عارفه انتى مستعجله ع ايه يا بنتى عيشى سنك
(الفون يرن)
دانيه بضيق مين البارد اللى بيتصل دلوقتى و ترد بضيق / الو مين
فادى / انا
دانيه / اهلا وسهلا يا انا تؤمرنى ب اي خدمه يا انا
فادي / اه ياريت والله عايزين اتنين كيلو كباب و ياريت مشوي ع الفحم
دانيه / و الله حضرتك ظريف صح صح قول ما تتكسفش
فادي / لا ابدا و الله بس حبيت
دانيه / و انا مالى ما تحب و لا تطلق اف نااااس غريبه و قفلت السكه
فادي / يا بت المجنونه شكلك هتتعبينى
فريده / هو اللى كان ع الفون ده دكر
دانيه / اه
فريده / دكر و تعملى فيه كده حرااام عليكى كنتى ادهونى و انا اكلمه
دانيه / يا بت بتحسسينى انك بايره امشى اطلعى بره
فريده / عااااا انا مش عارفه ليه بتعملونى كده حرام عليكم و مشيت
دانيه بتكلم نفسها / البت مقصوفة الرقبه عايزه تتجوز و انا اللى عندى ٢٣ سنه اول مره احب
&&&&&&&&&&&&&&
عند ويزو و نضال
فوزى راح عند ويزو في العماره / حبيبة بابي صباح الخير
ويزو / حبيبي وحشتنى وربنا
فوزى / يا بكاشه
ويزو / انت تعرف عنى كده ههههه
فوزى / قلبى انتى البكش كله
ويزو / هههه .. وتسلم ع مامتها
رانيا / حبيبتى انتى كويسه
ويزو / جدا
فوزى / ها قوليلى بقى عامله ايه
ويزو / طاجن باميه باللحمه انما ايه
فوزى / ايه
ويزو / يقرف و المصحف
فوزى و رانيا / هههههههههههه
رانيا / حبيبة قلبي تعالى بقى روحى معايا عشان تاكلى الاكل المظبوط
