الحلقه الرابعه عشر
معشوقتى المجنونه
للكاتبه بوسي
مهيمن / هي نايا عندها عيال
نايا / لو سمحت ياباشا خلينا نلحق نجرى
مهيمن شدها من هدومها / هي نايا متجوزه
نايا / لا طبعا
مهيمن / انت هتجننى ، صح امال الواد ده جه من فين ؟
نايا / واد !! واد مين ياكابتن نايا اختى انسه
مهيمن اتعصب و فضل ماسك نفسه / امشى غور من وشي
طلعت تجرى و بتكتم ضحكتها
مهيمن / خد تعالى و اداله سلاح تقيل امسك ده ، اجري بقى يابتاع المخاطر
اول ما مسكته ايدها نزلت ل تحت
مهيمن جري قدامهم
فادي / ما انتى لو بطلتي لك عمره ما هيعمل فيكي كده
نايا / الحق عليا عايزه افرفشه اهئ اهئ اهئ
فادي / ده انتى الشلل ذات نفسه اجرى بقى و ورينى لايقتك
و فضلو يجرو و نايا لبست الحزام بتاع السلاح و ربطته حوالين جسمها و طلعت تجري
بعد جري خمس ساعات
مهيمن / تمام كفايه كده يالا ارجعو
نايا بتعب / كابتن لو هنجرى تانى بكره انا ممكن استنى حضرتك هنا
مهيمن بصلها و مشي
نايا بصت ل فادي / شايف مابيردش عليه ازاي
فادي / نفسي اعرف بتجيبى نفس من فين تتكلمي ، صح ستات مابتعرفش تسكت مهما حصل فيهم اهدي ياما علينا شويه احنا رجاله بنعمل حاجه واحده يا نشتغل يا نلك
فضلو ماشين ساكتين لحد ما فون نايا اتهز في جيبها طلعته
نايا / الحق ده لحق يوصل و بيكلمنى واتس
فادي / سيبك منه مترديش عليه
نايا زقته / انت مالك اصلا
مهيمن / قلب قلبي عامله ايه
نايا / قلبك زعلان
مهيمن / لا مقدرش ع زعله
نايا / وحشتنى و ملحقتش اقعد معاك
مهيمن / والله انهارده حاولت اخلص شغل بسرعه عشان اكلمك
نايا بصت ل فادي / الحق ده بيقول خلص شغل بسرعه عشان يكلمنى
فادي / كده خلص بسرعه ده نفخنى ، قوليله خلص اسرع من كده
نايا / هههه انا مش اتنفخت بس انا اتفحت
مهيمن / قلبي مش فاضيه
نايا / هو انا ورايا حاجه غيرك انا طول النهار قاعده بفكر فيك مش بعمل حاجه خالص مالص غير بفكر فيك حتى زهقت من القعده قلت امشي رجلى شويه
مهيمن / ربنا يقدرنى و خليكى برنسيسه ع طول
نايا / يكفينى انى اكون برنسس قلبك
مهيمن / نايا هو انتى عندك ولد
نايا فضلت تضحك و بصت ل فادي / الحق ده صدق ان عندى ولد
فادي / و الله حرام عليكى هيلاحقها منك ولا منك بردو هنا
نايا / هههه و ردت ع مهيمن / ولد ! ولد ايه
مهيمن / اصل اخوكى بيقول عندك ولد
نايا / اخويا مين ؟
مهيمن / نضال
نايا / نضال بيحب يهزر شويه ماتخدش عليه
مهيمن / طيب هو مجنون
نايا / لا ليه
مهيمن / اقسم بالله مش طبيعى خالص
نايا / بس زي العسل شبه اخته
مهيمن / بس يا قلبي ماتقفلنيش منك ده عسل ده ده شلل فقع مراره و الله مستحمله عشانك بس هظبطهولك متقلقيش هرجعهولك حد تانى خالص
نايا بخضه / هتعمل فيه ايه
مهيمن / سيبك منه المهم انتى عامله ايه
نايا / كويسه طول ما انت كويس
مهيمن / انا كده هفضل كويس ع طول عشانك
نايا بصت ل فادي / خد الفون و ترد عليه عدل لحد ما ارجعلك
فادي شدها / بت رايحه فين
نايا / هشششش
نايا دخل ع مهيمن / كابتن هو عندنا تمارين تانى
مهيمن يمسح وشه بضيق / لا حول ولا قوه الا بالله
نايا / هو انا بقولك حد مات
مهيمن كتب ل نايا / اخوكى قدامى هيشلنى يا اما هتلاقي حد فينا جيلك مايت
فادي / اه يا بت ال ، اعمل ايه دلوقتى ارد اقوله ايه وبيرد ع مهيمن / بعد الشر عليكم ، معلش هو غلس شويه اقصد شويتين اقصد كتير اووى اديلو طلقه و ريحنى منه
مهيمن / يعنى مش هتزعلى عليه
فادي يرد / و الله هو اللى جايبلنا الكلام و بيجيبه لنفسه عايزه صوت الطلقه يوصل لحد عندى
نايا / ع فكره بكلمك بصلى هنا
مهيمن ابتسم و بص ل نايا / هو محدش طايقك خالص
نايا / ليه يعنى
مهيمن / انت كنت عايز ايه
نايا / مش فاكر و مشيت اول ما وصلت ل فادي مسكها من هدومها و فضل يضربها
نايا / عاااا عملتلك ايه انا وسع
فادي / بت انتى ناويه تشلينا كلنا
نايا / لا ليه !!
فادي / رحتى تنيلي ايه عند كابتن مهيمن
نايا ب هيام / كان نفسي اشوف وشه و تعبيرات وشه وهو بيكلمنى
فادي / انتى مجنونه صح
نايا بحب / مجنونه بيه
فادي / لا انتى اكيد مش طبيعيه انا همشي من وشك خالص و بعد شويه و كلم دانيه
دانيه / الو
فادي / ضي عيونى عامله ايه
دانيه / الحمدلله فرحااانه اووى
فادي / طيب فرحينى معاكى
دانيه / فريده اتخطبت للى بتحبه
فادي / عقبالنا يا عيونى انا اول ما انزل لازم اكلم مامتك و مش هقبل اي اعذار
دانيه / و انا موافقه
فادي / اخيرا وافقتى اكلم مامتك
دانيه / هههه معلش كان فيه ظروف و خلاص اتحلت الحمد لله
فادي / الحمدلله ، وحشتينى
دانيه اتكسفت / عملتو ايه انهارده
فادي طبعا لازم ينرفزها او يضايقها عشان تقول اللى جواها / عيونى اطحنت انهارده
دانيه / ليه كده
فادي / كنا بنعدي اسلاك متكهربه واتكهربت كتير لدرجه ايدى
دانيه قاطعته / حبيبي مالها ايدك
فادي / هي ايدى هتفرق معاكى كتير
دانيه بتوتر / فادي طمنى عليك ايدك مالها
فادي بتمثيل الحزن / اتقطّعت
دانيه بدموع / حبيبي انت كويس ، حاسس بحاجه انت عامل ايه
فادي / وحشتينى اووى
دانيه / وانت والله وحشتنى اووى و نفسي اجيلك حالا
فادي / ههههههه ايوه بقى لازم يعنى اقولك حاجه عشان اخد اللى عندك من احساس
دانيه بصدمه / انت بتهزر صح ايدك كويسه
فادي / كويسه جدا
دانيه بدموع / ربنا يسامحك طيب ليه كده
فادي / امسحى دموعك احسن اركب الهوا حالا واجيلك امسحيها
دانيه / حرام عليك ليه بتقلقني عليك
فادي / يا ضي عيونى انا ليا عندك مشاعر و مش بعرف اخد المشاعر دي غير ب كده
دانيه سكتت
فادي / لا اوعي تكونى لسه بتعيطى ، دانيتى ، طيب اقطعها بجد عشان ماكنش بكذب عليكى
دانيه / لا بعد الشر عليك
فادي / منحرمش من لهفتك عليه
دانيه / ربنا يباركلى فيك ، روح يالا نام صوتك تعبان
فادي / ده انا همووت من التعب
دانيه / حبيبي ربنا يقويك
فادي / اللهم امين
قفل و دخل الخيمه و نام
