الثانية عشر
معشوقتى المجنونه
للكاتبه بوسي
احم احم احب اقولكم كل اللى فات حماد و اللى جاي حماده تانى خالص الحلقه دي هتغير الروايه خالص من كوميدي ل ل ل ل مسخرة السنين هههههه
نايا / انا مش نضال
فادي تنح و فتح بقه
مهيمن / طب انت مين؟
نايا بهزار / اعتبرنى سوسو
مهيمن / طيب اقعد في الارض و افتح بقك يا سوووووسو عشان ءأكلك في بقك
نايا قعدت في الارض
مهيمن بص للفرقه كلها / انتو اكيد هتتعرضو لمخاطر كتير و ممكن تتوهو في الصحرا و اول درس ليكم انكم تاكلو اللى يعيشكم و يقعد في المعده اكبر وقت ممكن و مسك البيضه و كسرها ع سنان نايا و فتحها و فضاها
في الوقت ده نايا كانت فتحه بقها وكاتمه نفسها و ماسكه نفسها لاترجع و كل ما يخلص بيضه و يرفع راسه يكلم الفرقه كانت توطى راسها و تكتم نفسها و تبلع عشان طول ما كتمت نفسها مش هتحس بطعم الزفاره
مهيمن قام
نايا قامت و هتروح مكانها
مهيمن / رايحه فين يا سوسو تعالى لسه بدرى
نايا / بدرى من عمرك يا باشا يادوب اروح اصلي العصر
مهيمن يقعد نص قاعده / بقولك تعالى
نايا / يا رب يا رب ع فكره انا شبعت خلاص اكيد في غيرى جعان
مهيمن / اقعد ع ركبك
نايا / اقسم بالله شبعت و ربنا شبعت و كتاب الله شبعت و حياتك عندى شبعت
مهيمن بيبص و مش بيتكلم
نايا / شكلك ماصدقتش تحب احلف
مهيمن بجديه / ع ركبك
نايا قعدت مهيمن كان ماسك فرخه و بيشرح ازاي يفصل راس الفرخه عن جسمها و مسك راس الفرخه بين صوابعه السبابة و الوسطى و رفع ايده و نزلها كانت الفرخه راسها اتفصلت عن جسمها و وش نايا كله دم
نايا كانت مقروفه جدا و نفسها تعيط
مهيمن / امسك اسلخ الفرخه
نايا بقرف و ضيق / ازاي
مهيمن / هتمسكها ب بقك و تشد جلدها ب ايدك
نايا عملت كده و كانت خلاص ع اخرها و كل ما تتكلم يزود عليها الاكل ف قررت تاكل و هي ساكته
مهيمن / كل الورك ده
نايا اخدته من سكات قعدت تشد جامد بسنانها و تاكل
مهيمن / شاطر كده فهمت الدرس اياك تتكلم و انا بأمرك .. اي امر تعمله و انت ساكت و شاورلها روح مكانك
مهيمن / الكل يقعد في الارض اوعى حد يتحرك كل الفرقه قعدت ع بعض و شاور للعساكر ترش تراب
و تراب كتير جه عليهم نايا كانت راسها تحت طلعتها شمة التراب و كانت هتموت نزلت راسها بسرعه بين زمايلها شمت عرق و ريحة تقرف و فضلو كده ربع ساعه
مهيمن / بطلو رش تراب
الفرقه كلها كان نفسهم يكحو بس هما فاهمين مهيمن عمل كده ليه
( ملحوظه اللى مش فاهم عشان المفروض لو في مهمه و فيه تراب او شمو اي ريحه مش حلوه يتدربوا ازاي يسيطرو ع نفسهم)
نايا كانت فعلا هتموووت فادي اخد باله ان عنيها احمرت و مش قادره تاخد نفسها ولسه نايمه في الارض
مهيمن مشي و سابهم كل الفرقه فضلت تكح
فادي كان صدره تعبه وحاطت ايده ع صدره / نضال نضال انت يا
نايا بتعب / هموووت اااه خدنى بعيد
فادي سندها و راحو بعيد شويه
فادي / انتى كويسه يا بت ردي مالك
نايا / انا تعبانه مش قادره لو مت استر عليه و متخليش حد يعرف ان انا بنت
فادي / انتى كويسه صح متقوليش كده قومى يالا اتحركى نايا ردي عليه نايا
نايا مابقتش قادره تتنفس خالص و بقت تشهق
فادي / قعدها نص قعده و راح ورا ضهرها و حاوطها بأيده و فضل يضغط ع بطنها لحد ما رجع النفس ليها و رجعت
فادي / يخرب عقلك خضتينى عليكى
نايا / فضلت تعيط هو بيعمل فيه كده ليه اشمعنى انا هو بيكرهنى ليه
فادي / متقوليش كده بس هو بينشفك شويه مش اكتر و هو بيجنه اللى ما بينفذش اوامره
نايا بدموع / من هنا ورايح عمرى ما هكلمه هعمل اللى عايزه و ملهوش حاجه اكتر من كده و مش هعبره
و تلفونها و صل عليه مسدج
نايا بفرح / ده حبيبي
فادي باستغراب / حبيبك ده اللى هو مهيمن
زقته و قامت جريت بعيد
فادي / اه يا بت المجنونه و انا اللى كنت هعيط من كلامك
نايا بتكلم مهيمن واتس / انت عامل ايه
مهيمن / الحمدلله كنت عايز اطمن عليكى
نايا / الحمدلله
مهيمن / عايزه حاجه منى
نايا / وحشتنى
مهيمن كان فرحان جدا بس ماكنش عارف يقول ايه
نايا / شكلى ماوحشتكش صح
مهيمن بعت فويس / نايا دي اول مره اكلم بنت في كلام حب و محبتش يكون الكلام ده يكون مجرد كتابه فقررت يكون فويس عشان تسمعينى نايا انتى جننتى عقلي مش قادر ماافكرش فيكى ثانيه كنت فاكر مافيش حاجه اسمها حب وكنت فاكر عمرى ما هحب الا لما عرفتك غيرتى كل حاجه فيا مهما اقول بحبك مش هتوصف احساسي بيكى و انتى مش وحشتينى بس انا ممكن اتجنن وانزل عشان اشوفك دلوقتى
نايا حضنت الفون من فرحتها نست ترد عليه و كانت طايره فوق السحاب و سرحانه
مهيمن لما اتأخرت عليه في الرد نزل و هو كان نازل من ع جبل لقه نايا نايمه ع الارض
مهيمن بحده / انت نايم كده ليه
نايا تبوز و تتكلم جد/ ايه يا كابتن مش من حقكى انام هنا كمان
مهيمن / هنا فيه تعابين
نايا بجديه / تمام يا كابتن و انا مرتاح هنا
مهيمن كان مستغرب كلامها عشان هو متعود من نضال انه يهزر ع طول
نايا قامت دخلت الخيمه / اللى عايز يستحمى ينيل ايه
عمرو / ههههههه هنا بنتيمم
نايا / لا انا لا زم استحمى
فادي / تعالى هنروح لمهيمن انا مش طايق نفسي
كل الفرقه راحت ل مهيمن
نضال بجديه و قرف / احنا عايزين نستحمى
مهيمن / لكل فدائي ٢ لتر مايه
نايا / و دول اعمل بيهم ايه
عمرو يبص ل فادي / هههه ياعينى ده اتصدم
فادي يبص ل نايا / هههه لا ولسه حضرتك هتشوف انبهارات و مفاجآت
نايا بحده / سؤال تانى و لا زهقت منى
مهيمن / اتفضل
نضال / هو الاتنين لتر دول اللى هما الفين ملى
مهيمن / هو كده .. و ده اللى عندى... مش عاجبك
نايا بصت بغيظ و عضت شفيفها و مشيت
