❤هِيَهِ آلُنْفُڛ وُآلُريَهِ ❤

18

وهہﻝ لي بعناق قصيہﺭ كمده عام
، او اثنين ولا بأس بخمسيہﻥ ،💗🙊🖇
،
،
،
___________
فهد، جا شلفايده عيونه خضر وهو طحش وكرشه واصله لخشمه
ساره، انته شحارك دمك اني عاجبني فديته هو وكرشه
فهد، هههههه دمشي ولي يم رجلج اريد اتريك اني ومرتي
وهذا ابنج اخذي وياج
ساره، ابني يم امنيه مو يمك
فهد، والله اذا يضل هنا ابجي(يعني يضربه ويخلي يبجي مو فهد اليبجي 😂)
ساره، والله لو مو اكبر مني
فهد، اي شسوين
ساره، ماعليك 😒
فهد، ههههههه
امنيه، ليش اني ماعندي اخو ولا اخت 😔
انقهرت كلش من شفت فهد وساره شلون يتشاقون واضوج من اشوف اثنين اخوه يضحكون بيناتهم واني ماعندي
😞😞
درت وجهي عنهم واكمل بلريوك
لمن حسيت احد حضني من ورئ باوعتله شفته فهد

فهد، ليش ضايج حبيبي؟
ها
امنيه، لا مضايجه مابيه شي
فهد، حبيبي اضمين عليه
سولفيلي هسه جنتي مابيج شي
امنيه، من شفتك انته وساره شلون تسولفون وتشاقون اوي اخواتك كلهن
اضوج وانقهر لان ماعدي لااخ ولااخت
احجي ومدنكه وهو حاط راسه علئ ركبتي
عيوني دمعن
فهد، درته عليه ولزمته من وجهه باثنين اديه
ليش تبجين ها
اني وين رحت لعد اني اخوج وحبيبج وشتردين اصيرلج
امنيه، اي بس الاخ ابن امي وابوي اله شعور خاص واله معزه غير 😞
فهد، كافي يروحي لاضوجين انتي مو مومنه برب العالمين
امنيه، اي اكيد
فهد، اي لازم تامنين بقضائه وقدره
ربج هيج رادج
ولاتبجين يعمري كافي
امنيه، اممم
فهد، شنو اليوم مانتريك
امنيه، ها لا هسه جاهز اكعد
فهد، يله
امنيه، كعدت وي فهد تريكنه واجه مروان هم حطيته بحضني
حتئ اوكله بس فهد ماقبل اله انزله
نزلته وطرده خلاه يبجي 😂
وكل شويه واحد يجي ويشوفنه كاعدين سوه يضلون يصنفون عليه اعرفهم يشاقون بس استحي منهم
خلصنه الريوك
وفهد راح يم للصاله يم رجل ساره وعمي

واني والبنات وعمتي نحضر الغده
عمي جاب ذبيحه جبيره نص وزعه للفقراء والباقي سوه عزيمه عزم عمامي كلهم واهله هم

صارت الساعه ب11 اجتي امي ونسوان عمامي وبناتهم
اولدهم بس الولد راحو كلهم للبراني والنسوان صارو بلصاله
واجو عمام فهد هم اثنين
اني عمامي 3
الجبير عده اثنين ولد واحد مزوج والثاني خاطب وبنيه مرحله رابعه
وعمي الاصغر منه عده ولد بعده مامزوج والي هو خالد وبنيه عمره 18 وي ولاء
وعمي الوسطاني الي هو ابو حميد عده حميد وبعد ولد مزوج ومسافر للخارج وماعده بنات

طبعا فهد من دره بعمامي جاين ماقبل لحميد يدخل للبيت ابد
وطرده ماخلاه يدخل
وعمي ماحجه شي لان يدري بابنه غلطان

وعمام فهد اثنين جاي بس واحد لان الثاني عده شغل
وجاي بس الجبير هم عده اثنين ولد واثنينهم مزوجين واحد من عدهم جاي وحده لان مرته عد اهله والثاني جاي هو وعائلته
عده بنيه بكدي اولد ثالث متوسط