❤هِيَهِ آلُنْفُڛ وُآلُريَهِ ❤

30

صار فهد يوميه ياخذني ويرجعني من المعهد ويجي قبل نص ساعه خاف نطلع من وكت
ويسالني شنو اخذنه وشلون تدريسهم افتهم لو لا عليهم احسه هو الي يريد يمتحن مو اني
من كد اهتمامه بلي اخذه وادرسه

وصار كل نهايه اسبوع ياخذني يمه ويراجعلي كلشي اخذه بلمعهد ويسويلي امتحان بي
ولازم يوم من الاسبوع نطلع نتعشى بره ابو نطلع بعد العشى للمولات حتى مايصير ضغط عليه
وكله قرايه وتتعب نفسيتي
يعني دللني دلال مصاير بس حتى يوفرلي الجو المناسب للدراسه
****

هسه خلصت اخر محاضره اخذت جنطتي وطلعت لكيته منتضرني
سلمت عليه وصعدت
فهد،ها حبيبي شلونج اليوم
امنيه،الحمد الله تمام
فهد،دومج يروحي
هسه وين نروح
امنيه،وين؟
فهد،لبيتنه اليوم خميس ولازم اراجعلج
امنيه،حباب خليه لباجر
باجر الصبح اني اجيك للبيت هسه تعبانه ومشتاقه اكعد يم ماما وبابا حباااب
فهد،ولج بنيتي ماتلحكين والله اذا السبت دوام وين تلحكين يوم واحد
تعالي يمنه ارتاحي اليوم وبليل نقره
امنيه،حباااب
فهد،اخذ نفس طويل
اوك اليوم ضلي وباجر تعاي من الصبح
امنيه،حسيته زعل مني لان اريد ابقى يم بابا وماما بس والله مشتاقتلهم هواي لان اخر فتره صارت حياتي من المعهد للغرفه اقره وبابا يجي متاخر حتى مالحك اشوفه بس بفتره الصبح مم نكعد كلنه سوه

بابا فهد زعلان مني؟
فهد،لا حبيبي مزعلان هم من حقج هذا وماريدج تنضغطين وكل وقتج دراسه اهلج هم الهم حق عليج
امنيه،بس احسك زعلان او ضايج والله
فهد،هههههه وداعتج مزعلان ولا ضايج
مازعل من بنيتي اني .....
يله باباتي نزلي وصلنه مو تنسين باجر تعالي الصبح او لا خابريني واني اجي اخذج لاطلعين وحدج
امنيه،هو بينه بيتين عليمن جاي ماخذني
فهد،وان يكن لاطلعين وحدج
الولد تارسه الشارع وابن عمج العار بعده هنا
ماريده يشوفج وحدج ويستغل الموقف
امنيه،ماشي مثل متريد
فهد،يله امنيتي وين بوستي
امنيه،بسته من خده وهو باسني من خدي وراسي ونزلت
لمن دخلت يله راح
سلمت على ماما وصعدت بدلت ملابسي ونزلت وي ماما
تغدينه وشربت ماما جاي وكعدنه نباوع تلفزيون وتسالني على الدوام شلونه واذا فايدني او لا
والمواد اذا صعبه

ام امنيه،ماما امنيه اني رايحه انام لان صدعت
امنيه،اوك ماما نوم العافيه
ام امنيه،الله يعافيج بنيتي
امنيه،راحت ماما نامت واني ضليت كاعده علتلفزيون
بعد فتره نعست كمت لغرفتي نمت
-------

ابو امنيه،امنيه ...... كعدي كافي نوم صار العشه يله
امنيه،اممممم بابا خليني نايمه نعسانه والله
ابو امنيه،كافي نوم كومي يله لعد شوكت راح تنامين اذا هيج
يله باباتي كومي مشتاقلج ترى
امنيه،بابا ربع ساعه بس
ابو امنيه،هههههه ماكو ربع ساعه يله
جوعان ميت جوع كومي ماناكل لمن انتي تجين
امنيه،تمغطت وافرك بعيوني
فتحت عيوني باوعت لبابا حضنته وغمضت عيوني
مشتاقتلك بابا هواي
ابو امنيه،واني بعد ابوج
شلونج بنيتي شخبارج
امنيه،زينه بابا اني
ابو امنيه،شلونج وي الدوام
امنيه،زينه ماشيه بس تعبت 😥
ابو امنيه،ههه اي بابا هيه هاي السنه اتعبين بيه بس ان شاء الله تعبج ميروح ابلاش
امنيه،ان شاء الله
ابو امنيه،يله ابنيتي ترى جوعان
امنيه،اوك بابا نازله وراك
نزلت بعد بابا تعشيت وياهم نسولف ونشاقه وبعد ماخلصنه كعدنه نباوع تلفزيون
ضلينه ل12 كاعدين سوه نباوع افلام