❤هِيَهِ آلُنْفُڛ وُآلُريَهِ ❤

44

فهد،وصلت للبصره الساعه ب5اله ربع دفعت كروه للسايق
بسرعه بس اريد ادخل واشوفه
دكيت الباب فتحلي ابوي
سلمت عليه
ها يابه وين امنيه
ابو فهد امنيه جوه نايمه بغرفته
دخلت ركض شفت خالي كاعد بلصاله يقرا قران
بست راسه وسلمت عليه
وصعدت لغرفه امنيه سويت الدرج طفرتين
دخلت لكيت خالتي كاعده علئ راسه

شافتني وكامت
ام امنيه،الله لايوفقك كل الي صار بامنيه من تحت راسك اجيت افقد بتي بسببك
والله تحلم تشوفه بعد بس تصحئ بعد تحلم تشوف طيفهه

بهل اثناء بين ماخالتي دمه فاير وتحاول ماتعلي صوته حتئ ماتكعد امنيه
دخلو خالي وابوي

ابو امنيه،كافي كافي شنو هل حجي هسه تعاي غسلي وصلي واقري قران شويه
ام امنيه،ماعوف بتي يم هذا بعد مستحيل
اامن بروح بنيتي يمه
ابو فهد،يامره شبيج مو كلت كافي
هو هم زوجه مو من حقج تحجين هل حجي
فهد،بنفاذ صبر
خاله مثل ماانتي خايفه علئ امنيه اني هم خايف عليه واكثر منج بعد
ومثل ماهي بتج اني هم ربيته واخاف عليه من نسمه الهوئ ومستعد افديه بروحي
مستحيل اكو شخص يحب امنيه ويخاف عليه بكدي
حتئ انتو صح امه وابوه بس والله ماتحبوه بكدي

رادت تحجي بس خالي سكته واخذه وطلع
ضل بس ابوي
فهد،يابه روح ارتاح انته تعبت هواي اليوم روح ارجع للبيت لاتخاف اني موجود
ابو فهد،خوش لعد اني اروح لان امك وخواتك قلقانين كل شويه يتصلون
اي شي يصير خابرني مو تنسئ
فهد،ان شاء الله

طلع ابوي وسد الباب ورئ
ضلينه بس اني وامنيتي
نايمه علئ جربايته وشعره صاير صفحه وجهه اصفر ومبين بي التعب
ااااخ كله مني اني السبب بحالتج هاي امنيتي

رحت يمه كعدت بلكاع صار وجهي مقابيل وجهه بسته علئ راسه وعلئ عيونه
وامسد علئ شعره
حبيبتي امنيه ،اني اجيت اكعدي يله ،
تلمست شفايفه باصابعي
اووووف شكد مشتاقلهن
يله يروحي اكعدي والله مشتاق اشوف عيونج
نزلت ايدي من راسه لخدوده
خديداتج ذبلانات ليش

تقربت وحطيت راسي بشعره
احس نفسي ستوني تنفست ترست رئتي من ريحه شعره
تحركت لان انزعجت تفرك بعيونه بعده فتحت عيونه بنعاس

امنيه،فهد اجيت
فهد،اي حبيبي اجيت
رجعت غمضت عيونه ،جانت مو بوعيه رجعت غمضت عيونه وحجت بصوت ضعيف

امنيه،اريد انام بحضنك مشتاقتلك
كمت ونومته علئ صدري وهيه حضنتني
امنيه،بعد ماتروح وتعوفني مو ،
فهد،ماعفتج ولا راح اعوفج
شلون اعوف روحي
امنيه،اممممم

رجعت غطت بنومته ،واني العب بشعره
اوووف شوكت تكعدين مو والله مشتاقلج موت
ضليت للصبح اني اسولف وياه طبعا وحدي لان هيه نايمه
بسبب حبايه المنوم الي اخذته

اخر شي الصبح واني صافن عليه شلون نايمه
جنه ملاك
تحركت وفتحت عيونه
ورجعت غمضتهم بنفس الثانيه طفرت من حضني مرعوبه