❤هِيَهِ آلُنْفُڛ وُآلُريَهِ ❤

32

------
امنيه،لمن سمعت صوت البنيه الي يم فهد
حسيته يجذب عليه كل مره يروح بيه لبغداد
جان يروح علمود البنات
فهد يسوي بيه هيج؟ اني؟ وين حبه وحجيه والوعود اليوعدني بيه؟ 😭😭😭
انهاريت وصرت ابجي بخبال وحتى ماعرف شحجي
لساني ماكمت اسيطر عليه من الغضب صار يحجي وحده
وعليت صوتي عليه واجاوزت، واكثر مايكره فهد ويضايق منه هو الي يجاوز عليه او يقلل من قيمته

ردت اتصل بي بس بطلت ماريد اخلي يفرح انو هو مهم عدي
مثل ماهو ماتصل اني هم ماتصل 😭😭
ضليت حاطه وجهي بين رجليه وابجي

وافكار كومه تجيني عنهم هسه كاعد يمه؟ لازم ايده؟ باسهه؟ 😭😭
الله ياخذهم جذاب 😭😭
واني ابجي اندك باب غرفتي

ام امنيه،ماما امنيه كاعده؟
امنيه،حاولت اعدل صوتي
اي ماما كاعده
ام امنيه،فتحت الباب ودخلت
شبيج حبيبتي ليش تبجين ؟ولج شبيج منو وياج
امنيه،مسحت دموعي
مابيه شي ماما ،هسه راح انزل
ام امنيه، شنو مابيج شي باعيلي
منو مبجيج بس كليلي
امنيه،ماما فهد 😭😭😭😭
يكلي رايح لشغل وهو يروح يواعد بنات هناك 😭😭😭
ام امنيه،شنو هل حجي ماما
منو كايلج هيج؟ ها؟
امنيه،ماما اني سمعته تصيحه اني باذني
😭😭😭
ام امنيه،ماما فهد خوش ولد لاتضلمينه بحجيج وهو يحبج مستحيل يدور غيرج
انتي سالتي منو هاي؟
امنيه،اي سالته
وكالي دكتوره وياهم
ام امنيه،اي هاي هيه لعد مدام كالج دكتوره معناه دكتوره
لاتضلمينه
امنيه،ماما انتي وياي لو وياه 😭
ام امنيه،لا اعرف فهد شنو هو وشنو نفسيته ولو مااامن عليج يمه
جان ماخليتج لسه وياه

وهسه كومي غسلي ونزلي تريكي يله
امنيه،ماشتهي ماما
ام امنيه،مو بكيفج كومي احسن ماصيحلج ابوج
امنيه،جايه وراج
ام امنيه،يله حبيبتي

--------
فهد،جنت نايم وسمعت جهازي دك
فتحت تك عين وفتحته بدون ماعرف منو

الو
ام امنيه،الو شلونك يمه فهد
فهد،صحصحت وعدلت كعدتي
ليش خالتي اتصلت صاير شي لاامنيه؟ الخوف صار يقره الف عدي
هله خاله شلونك
صاير شي؟ امنيه بيه شي؟
ام امنيه،لاتخاف امنيه مابيه شي الحمد الله زينه
بس سمعت متعاركين انتو سوه شصاير؟
فهد،منو كايلج
ام امنيه،محد كالي بس شفت امنيه تبجي وعرف متعاركين
فهد،تنهدت وبعده حجيت
والله خاله بتج خبله وماتسمع الحجايه وشمااحجي مايفيد وياه
سمعت صوت دكتوره ويانه بلاجتماع عباله اني جاي اخونه
وضلت اجفص بلحجي واني افهمه هاي دكتوره مو الي باله
بس هيه ماتقبل تفهم ونزلت دوسه ونص
ماتحملت عطت بيه وسديته
ام امنيه،اي والله خاله هيه صدك ماتنحمل
بس هم من حبه الك وغيرته عليك ماتريد وحده تتقرب منك
فهد،ياامي قابل تهون عليه هيه اني هم ماسمح لوحده تتقرب
بس امنيه ماتقبل تفهم
ام امنيه،هو هيج احنه النسوان نغار حتى اذا ماكو شي
فهد،هسه هيه شسوي
ام امنيه،نزلته كوه تتريك
فهد،هسه احاجيه بلكي تفهم وتعقل
ام امنيه،اي ان شاء الله
يله يمه مع السلامه
فهد،الله وياج خاله

-------
امنيه،نزلت ورا ماما بعد ماغسلت سلمت على بابا وبوسته
من شاف عيوني حمر سالني كتله من الصابون دخل بعيني
بس مبين عليه مامصدك
رحت سويت ريوك وتريكت
وبابا كاعد بلصاله يباوع تلفزيون

مالي خلك اقره اخذت مبايلي وطلعت كعدت على الثيل بلحديقه
جانت الدنيه مغيمه ماكو شمس
باوعت للمبايل ماكو اتصال ولا رساله

شغلت اغنيه وغمضت عيوني واتعمق وي الاغنيه وكلاماته واحساس المغني والشاعر
شويه وسكتت الاغنيه
اتصل فهد
صلوات والله من اتصلت بس ضل والله ولا افتح خط
وضل يتصل واني اخلي صامت
اخر شي اجاني بصمه علواتس منه
فتحته
فهد،راح اتصل اذا مافتحتي افين حضج والقران واعلمج فهد منو
امنيه،يحجي بصراخ خفت من نبره صوته

اتصل وفتحته
فهد،الف مره اتصلت ليش ماتردين
امنيه،يحجي بصوت عالي
شتريد هسه متصل
فهد،لسانج لاكصه اتادبي فاهمه
امنيه،اريد اروح اقرا كول شتريد
فهد،امنيه تحجي عدل لو اراويج فهد شلون راح يطلعلج جلد جديد صيري خوش بنيه احسلج
راح احجي هسه وتسمعين للاخير وديري بالج تقاطعيني

اني من كتلج راح اولي شغل يعني عندي شغل ومخايف منج لو اريد اروح لبنات لو ادور عليج
اروح ومخايف من حضرتج
بس اني مو من هل نوع ولا راح افكر بي يوم من الايام
انتي عندي وتسوين كل بنات العالم وانتي حلالي ومحد يمنعني منج لا انتي ولا اهلج ولا احد فماروح ادور حرام فاهمه يلعاقله
والبنيه السمعتيه اتصيحلي هاي دكتوره وي التيم الويانه بلمشروع الي راح نبدي بي

هيه من زمان تحاول تتقرب مني وتريدني اتزوجه هيه صح حلوه ومابيه شي ينعاب
بس مافكرت بيه ابد كل مره تحاول بيه تتقرب اصده وابعده عني
وانتي لو تثقين بيه ماراح تفكرين تفكير سيئ بيه

امنيه،طول ميحجي اني صافنه واسمعه اول شي ضجت من نفسي لان هيج حاجيته
بس من كال حلوه ومناقصه شي 😤😤😤😤
جان ودي اكله بسنوني وفوكه يمدح بيه

خلصت استاذ فهد؟ روح ارجعله مدام حلوه احنه منفيد صرنه
هسه اريد اروح اقرا يله
فهد،هههههههه اخ ربي صبرك على مابتليتني بي
تمام حبيبي يله روحي اقري شويه واتصل بيج
امنيه،مفارغه عدي دراسه
فهد،هههههه سمعتي شكلت بنيتي
شويه واتصل وياويلج اذا ماتشيلي
يله باي احبج

امنيه،سده وراح بس بعدني ضايجه منه يمدحه كبالي فوكه بسيطه 😤😤😤

كمت معصبه منه صعدت لغرفتي شمرت المبايل وفتح كتابي احاول اقره
------------
هلو رمضان كريم وينعاد عليكم بلصحه والسلامه
بخصوص القصه راح اوقفه ويمكن احذفه اصلا
لان مو مزاجي انزل واكتب من جديد
ومالي خلك اكتب
اتمنى تكونون بالف خير.