💞البارت (15)💞
رواية مدللة كسرت كبريائي💔
تأليفي ميرا إسماعيل😘❤😍
وحشتوني جدا جدا اخباركم ايه ؟
يا حبايب قلبي المواعيد حد وثلاثاء وخميس مساءا وليا رجاء خاص منكم الناس إللى الحلقة مش بتفتح معاهم يبعتو ليا على الخاص علشان اعرف هما بيتباعوها فى اى جروب وانزل ليكم اسكرين للحلقة انا فعلا اغلب التعليقات مش بشوفها اولا انا بنزل الرواية فى كذا جروب تانى حاجة اغلب التعليقات تم وملصقات والله لو اعرف تم دى اختصار ايه كنت ارتاحت
رجاء اخر الناس إللى بتنزل الرواية فى اى جروب تنزل للناس اسكرين للحلقة بحيث الكل يتابعها وشكرا ليكم 😉
تانى حاجة فعلا إللى حصل هو الهدوء قبل العاصفة
والله انا ضد النهايات الحزينة بس اتفاعلو معايا بدل ما اغير وجهة نظرى وقد زعتر من بعتر 😉😛 التفاعل مش تم ولا ام التفاعل رايك اقتراحات نقد اى حاجة انا راضية
💞💞💞💞💞💞💞💞💞 💞💞💞💞
فى قصر الجبالى (فيلا الجبالى)
الجميع علي الفطار
الحاجة سعاد وهى تقوم بواجب الضيافة
امنورنا يا بتى
مليكة .. بأدب شكرا ليكى
ليث .. نور خلصى اللبن
نور .. موال كل يوم لأ مش بحبه
ليث .. بمكر مفيش لبن مفيش عيد ميلاد
نور .. اوووووف مستبد
ليث .. والله لو جلتى ايه بردك اشربى اللبن يبجا فى حفلة
نور .. بعيند لا لا
ليث .. بجا أكده طيب ووجه كلامه ل جده يا جدى أنى عيندى فكرة بخصوص عيد ميلاد نور
نور بمقاطعة .. هشرب هشرب ومسكت الكوب وشرعت فى تناوله
فارس .. ماكان من الاول هو عيند والسلام
نور .. يا ستير يارب رامى ودنك معانا ليه اقولك ركز مع صفا
ليث .. وليه خليه أكده يبجى ويرينى مين اللي يكلم جدى يجنعه إن يجدم ميعاد الفرح
فارس .. لا يا كبير وعلى إيه اهو هركز مع صفا جدا وبصوت عالى صفا
صفا .. نعم عايز حاجة ؟
فارس .. لا انا بركز معاكى بس
الكل ضحك عليه والكبير كان يتابعهم فى فرح ودعاء أنه يديم الفرح على عائلة الجبالي لكن فجأة احس بانقباض فى قلبه ولا يعلم سببه
نور .. مش يلا ولا ايه ؟
فارس .. بعد اذن الحج ممكن اوصل صفا ؟
رؤوف .. ماشي يا ولدى اتوكلو على الله
خرج فارس وصفا فى عربية فارس
ونور و مليكة فى عربية ليث وانطلقو فى طريقهم للجامعة
داخل قصر الجبالى (فيلا الجبالى)
فايز .. كنت عايز اتكلم معاك فى حاجة يا حج
رؤوف .. تعالى يا ولدى ندخل المندرة ونشربو الجهوة وانت يا حاجة اعملى الجهوة بلاش البت صالحة
الحاجة سعاد .. حاضر يا حج
داخل المندرة
الحج رؤوف .. خير يا ولدى
فايز .. كنت عايز استسمحك اعزم نفين وفريد على عيد ميلاد نور
الحج رؤوف .. امها ومن حجها لكن جدها وليث
فايز .. انا كلمت ليث وهو قال لو حضرتك وفقت هو موافق لان دا هيفرح نور جدا
الحج رؤوف .. يبجا خلاص كلمهم بس اكد على جدها انه يتجنب ليث واننا عملنا أكده عشان نور تكون مبسوطة
فايز وهو يقبل يد والده .. أمرك يا حج ربنا يبارك فيك وبانتباه مالك يا حج من واحنا على الفطار اتغيرت مرة واحده وسكت خالص
الحج رؤوف .. قلبي مش مطمن يا ولدى خايف عليكم مخبرش ليه ؟
فايز ".. ربنا يبارك فى عمرك يا كبير ومتشغلش بالك كل حاجة كويسه واحنا بخير طول ما انت بخير
الحج رؤوف .. يلا اتوكل على شغلك ربنا يوفجك
وخرج فايز لعمله
الحج رؤوف ... هاتها جمايل يارب واستر علينا من إللى جاى
😯😯😯😯😯😯😯😯😯😯😯😉😉
امام كلية السن
فارس .. هتخلصى على امتا ؟
صفا .. على 3ليه هتعاود تاخدنى
فارس .. اه هرجع ليكى هتوحشينى الكام ساعة دول
صفا بخجل .. وانت كمان هتوحشنى
فارس .. مع السلامة يا قلبي
ونزلت صفا ودخلت الجامعة
💕💕💕💕💕💕💕💕💕💕💕💕
امام كلية آداب جامعة اسيوط
ليث .. اتفضلى يا انسة مليكة
مليكة باضطراب .. اه وفتحت الباب وخرجت
نور .. ليث ثوانى هقول ل مليكة حاجة
ونزلت نور من السيارة وقربت علي مليكة
نور .. خليكى هنا اوعى تتحركى هرجع ليكى مع رائد
مليكة .. متتاخريش عليا انا خايفة
نور .. مش هتاخر سلام
ورجعت نور ل ليث
👍👍👍👍👍👍👍👍👍👍
داخل سيارة ليث امام كلية طب
نور .. شكرا تعباك معايا
ليث .. تعبك راحة انت حبيبتى يا نورى متجوليش أكده تانى
نور .. ربنا يخليك ليا يا ليث
ليث .. ويخليكى هتخلصى على امتا
نور .. على 6كده
ليث باستغراب .. مش متاخر
نور .. اصلا قالت كده علشان رائد ومليكة لا مش متاخر اصل عندى عملى
ليث .. خلاص 6بالدجيجة هكون إهنا
نور .. مع السلامة ونزلت
وفضلت منتظرة اختفاء عربية ليث
رائد من وراها .. مليكة فين ؟
نور بخضة .. بسم الله حرام عليك خضتنى
رائد .. مليكة فين يا نور ؟
نور .. يا سيدى متخافش عند بوابة آداب
رائد .. آداب ليه ؟
نور .. هيكون ليه ؟ ليث وصلنا ونزلها طبعا يلا علشان نلحقها
وانطلق رائد ونور ل كلية آداب
👍👍👍👍👍👍👍👍👍👍
امام كلية آداب
نور .. اهى هناك
رائد جرى عليها وحشتينى
مليكة .. وانت كمان
نور .. احم احنا فى الصعيد يا اخ انت وهى يلا يا استاذ امانتك اهيه 5ونص بالدقيقة تكونى هنا فاهم
رائد .. اوك بس المحاضرات هتخلص النهاردة 2،هتفضلى فين كل دا
نور ... فى المكتبة يلا امشو وانبسطو سلام
مليكة بامتنان .. شكرا يا نور
نور .. العفو يا قمر انت يلا سلام
ورجعت نور ل كليتها
رائد .. ها قلبي يحب يروح فين ؟
مليكة .. اى مكان المهم اكون معاك
رائد .. يلا مليكتى
💕💕💕💕💕💕💕💕💕💕💕💕
فى مكتبة الجامعة كانت نور منهمكة فى قراءة الكتاب الشيق الذى في يدها ولم تلاحظ نظرات البنات لها وبالأخص نظرات البنت التى تقترب اليها
البنت .. انت نور مش أكده
نور لفت وجها لها وكانت بنت سمراء بعيون عسلى لكن الملفت انها تنظر ل نور بكره واضح.. أيوة فى حاجة
البنت .. انا جاية احظرك ياريت بلاش شغل المصرواه دا
نور بعدم فهم .. شغل ايه قصدك ايه
البنت .. إللى انت بتعمليه بيخلى الكل ياخد عنينا فكرة وحشة جوى
نور .. وايه بقا إللى بعمله
البنت .. هزارك وضحك مع زميل ليكى وناسية أنه ولد ودا مينفعش
نور .. اه وانت بقا بتتكلمى معايا ب صفتك ايه وبغضب انت مين اصلا
البنت .. انى وفاء وبحذرك لو
نور .. انت بتحذرينى طيب بصى يا شطرة انا مش ذنبى انك معقدة او متغاظة انى بعمل إللى انت وغيرك مش عارفين يعملوه اما بقا اكلم مين اصاحب مين دى حاجة خاصة بيا انا وبس وان كان على التحذير ف انا إللى بحذرك عارفة من ايه ؟! وفجاءة انقضت نور على عنقها بحذرك من غضب نور الجبالى سامعه
ادخل الكل الموجودين وفصلوهم عن بعض
وفاء .. انا من النهاردة عدوتك و يا انا يا انت
نور .. يا اهلا بالمعارك يلا الساحة فاضية ولمت حاجتها وخرجت
😼😼😼😼😼😼😼😼😼😼😼😼
امام محل للفضة
رائد .. حلوة قوى دى تنفع هدية ل نور ايه رايك ؟
مليكة .. فضة لا نجيب ليها هدية ذهب طبعا
رائد .. نور مش بتكره فى حياتها قد الذهب وبتعشق الفضة
مليكة .. وانت عرفت ازاى
رائد .. عادى بالصدفة كانت لبسه سلسلة فضة عليها اسم ليث ولما سألتها ليه مش ذهب قالت إنها بتكره الذهب
مليكة .. اه طيب
رائد .. مالك انت زعلتى ليه ؟
مليكة .. مش زعل بس بصراحة نفسي اعرف اشمعنا هى إللى قدرت تغيرك وانا لاء
رائد .. اه دى غيره بقا
مليكة .. انا بتكلم بجد
رائد .. مليكة حبيبتى انا اتغيرت او بمعنى اصح رجعت تانى علشانك ولازم تكونى واثقة من ده أما نور عملت ايه صدقينى معملتش اكتر من إللى انت عملتيه بس قالت ليا جملة وجعتنى قالت ليا ان ماما وبابا لو موجودين وشافو انا قد ايه سلبي هيتوجعو قوى وان انت مع الايام وقصاد سلبيتى هتكرهينى ودا إللى انا رفضتة يعنى نور رجعتنى ليكى بيكى فهمتى
مليكة .. فهمت بس
رائد .. مليكة نور بالنسبة ليا عائلتي إللى راحت اماا انتى فى دنيتى وحياتى وبعدين انت شوفتيها حسيتى انها مش كويسة
مليكة برفض .. لا خالص بالعكس بتعزك زى اخوها و بتحب خطيبها جدااااااا
رائد .. وانا بحبك جداااااا ووعد هعوضك عن كل حاجة يلا نجيب الهدية
مليكة .. يلا
💕💕💕💕💕💕💕💕💕💕💕
امام كلية طب
نور بغضب .. كل دا تأخير يا رائد
رائد .. معلش غصب عنى وبعدين ليث لسه مجاش
مليكة .. هو ايه المشكلة لو ليث عرف أن انت ونور اصدقاء
رائد ... ولا حاجة هيقتلنى بس
مليكة .. ايه ليه ؟
نور .. علشان ليث بيغير عليا حتى من جدى تعرفى انه محذرنى اطول فى حضنه
مليكة ... بس دا اوفر بصراحة وحاجة تخنق
نور ... بس بحبها وبحبه يلا يا رائد امشى هو على وصول
رائد .. خلى بالك من نفسك يا موكة
مليكة .. حاضر
نور ... افضل كده لغاية اما ليث يجى يظبطك
رائد ... لا وعلى ايه سلام
مليكة ".. انت كويسه يا نور شكلك غضبان جدا
نور .. ابدا علشان اتاخرتم كنت قلقانة بس
مليكة .. اوك بس مكنتش اعرف أن الصعيد فى كمية الاثار والاماكن التحفة دى
نور .. المهم انكم انبسطو
مليكة .. جداااااااا
نور .. ليث وصل
ليث .. اتأخرت عليكم
نور .. لا يا حبيبى متاخرتش يلا احسن هموت وارتاح
ليث .. يلا
وانطلقت سيارة ليث ل فيلا الجبالى وعدت الايام كلها حب بين
رائد ومليكة❤
فارس وصفا❤
نور وليث❤❤❤
وجيه يوم عيد ميلاد نور
💞💞💞💞💞💞💞💞💞💞💞💞💞💞
نور كانت مبهورة بعيد الميلاد كانت متخيله انهم هيعملو حاجة صغيرة لكن اتفاجأت ان الجنينة كلها مفروشة بالنور والورد واسم نور فى كل ركن تقريبا والناس كتير جدا طبعا الكل مستغرب لان دى مش من عوايد عائلات الصعيد نور كانت بتشوف دا من بلكونة الجناح بتاعها وكانت فى قمة الانبهار وفاقت على صوت خبط الباب
