🌞البارت(27)🌞
#مدللة كسرت كبريائي💔💔💔
تأليفي ميرا إسماعيل❤❤❤❤
فى الصعيد
تحديدا قصر الجبالى
فى جناح رؤوف الجبالى
رؤوف بفخر ... كت عارف إن مفيش غير نور هى اللي تخلصنا منيها الحمد لله خرجت من الدوار وسمها ماذاش حد
سعاد بفرحة ... الحمد لله كت خايفة تخرب عليهم بس الحمد لله ربنا كريم كت كل ما اشوفها جاعده جلبى ينجبض واجول يا ترى بتخطط لا ايه
رؤوف ... اللى امعاه ربنا مفيش عبد يجدر عليه آنى دلوجيت معيز حاجة غير اشوف ولاد ليث ونور
سعاد ... حجه هى دى الفرحة الكبيرة
رؤوف ... ربنا يوفجهم ويرزجهم الذرية الصالحة
سعاد ... امين يارب يلا عشان ننامو إحنا سعرنا جوى
رؤوف ... على جولك يلا بكفايا أكده
ولسه هينامو سمعو صوت ليث وهو بيصرخ وخرجو جرى علي صرخته وهم يرددوا استر يارب الستر مند عيندك
👍👍👍👍👍👍👍👍👍👍👍👍👍👍
فى حديقة قصر الجبالى
مليكة ... نور دى دماغ ضربت عصفورين بحجر خلت اللي اسمه منصور يفهم الحقيقة وطيرت وفاء
رائد .. وبعدين
صفا ... هو ايه وبعدين مش فاهمين
مراد ... انا اقولكم نور ناوية علي حاجة تانية نظرات عيونها النهاردة بتقول دا
فارس .. اكيد فهمين نور ممكن تعمل ايه
مليكة بنفى ... لا اكيد إحنا فاهمين غلط نور مش ممكن ترمى روحها فى النار خصوصا بعد ما كل حاجة استقرت
صفا .. وليه متقولوش إنها هتقول الحقيقة مراد ... استحالة نور تقول الحقيقة عندها تموت ولا تعترف انها هتموت هتقول موت بموت اعمل اللى نفسى فيه تخيلوا نور بعد ما الدنيا بقت بمبي تروح تقف فى وش ليث وتقوله انا عندى ضعف فى عضله القلب وخلاص بموت لأن مع الاسف مفيش حل
نفين من وراهم بصدمة ودموع ... نووور بنتى بتموت ايه اللي الهبل دا بنتى كويسة مفيش فيها حاجة مراد قول انكم بتهزروا بنتى كويسة صح
مراد ... لا رد
صفا انت مش بتحبى نور مش هسالك اه رائد انت ب تحب نور قول الحقيقة نور كويسة مفيش فيها حاجة صح
رائد .... لا رد
وبصراخ انتم ساكتين ليه ردوا عليا بنتى مالها
مراد ... اهدى يا نفين اللي بتعمليه مش هيفيد نور لازم تكونى قوية علشانها هى محتاجة تحس انك جنبها و معاها
نفين ... نور ازاى بنتى عمرها ما اشتكت من حاجة
فارس ... عشان كانت بتخاف عليكم عمرها ما بينت تعباها للحد
مراد .. خلا ص يا فارس المهم دلوقت نور
رائد بتصميم ... انا هحكى ل ليث بكرة كل حاجة
نفين ... فى حل صح هتعمل عملية وتبقا كويسة
فارس ر... نور محتاجة معجزة عضلة قلبها ضعيفة جدا دا غير أننا قلبين الدنيا عشان قلب ليها بس لغاية دلوقت مفيش حاجة ظهرت
نفين بدموع ... مراد انت كنت عارف عشان كده تصرفاتك معاها غريبة
مراد هز راسه بمعنى اه
نفين ... انا بغبائي ضيعت احلى ايام من عمرى بنتى ودلوقتي ضيعتك انت
مراد ... نفين احنا كلنا هدفنا واحد نور وبس لازم يكون دا تفكيرنا حاليا وانا شايف إن رائد صح ليث وجدها لازمو يعرفوا كده كفاية
ولكن فجاءه سمعوا صوت ليث وهو بيصرخ باسم نور
رائد ... نووور
والكل طلع جرى
💔💔💔💔💔💔💔💔💔💔💔💔💔💔
فى جناح ليث
ليث كان حاضن نور ومش راضى يبعدها عنه
رؤوف ... وسع يا ليث خلينا نشوف فى ايه ربنا يرضى عنيك
ليث بتوهان ودموع... نور ماتت راحت منى بعد ما رجعت محدش هياخدها من حضنى ابدا
رائد كان وصل ... نوور فى ايه ؟
فايز ... مش عارف عمال يقول انها ماتت انا ورؤوف هنحاول نبعده وانت وفارس شفوا ايه اللي حصل
وفعلا رؤوف وفايز حاولو يبعده ليث عنها لكن استحالة رفض ليث فى بعده مخلاش حد يقدر عليه
فارس بصوت عالي بحيث يفوق... لللليث نور اكيد قلبها وقف احنا ممكن نخليه يشتغل تانى بس كل ما الوقت بيعدى صعب نور ترجع ابعد يا ليث
ليث بعد عنها والدموع عرفت طريق عيون الليث
ليث ... انا مجدرش علي بعدها رجعها تانى أرجوك
فارس ... رؤوف كلم المستشفى عندنا يبعتوا طيارة إسعاف فورا
رؤوف ... مستشفى بابا فيها طيارة إسعاف هكلم المسؤل عنها حالا
رائد ... بسرعة
فارس ..... رائد اعمل انت تدليك وانا اجيب الحقن وجهاز التنفس وانت يا عمى امسك ايدها بحيث أن لو النبض رجع
فعلا الكل استجاب رائد فى عمليه التدليك بيتكلم مع نور برجاء ... نور ارجعى عشان خاطرنا. نور ليث هيضيع واحنا كمان نور
فارس دخل و وبدأ يحقن نور لتنشيط عضلة القلب
فارس ... رائد انا هعمل جهاز التنفس وانت وقف تدليك
وفعلا بدأت عملية التبادل بين التدليك وجهاز التنفس
رؤوف ... هو فى إيه نور جلبها وجف ليه ؟
ليث ... نور ارجعى تانى آنى مجدرش علي بعدك
رائد ... فى نبض يا عمى
فايز بدموع .. بيحرك راسه بمعنى لأ
رائد .... فارس زود الجرعة نور انت مش هتموتى انت هتعملى العملية وهتبقى كويسة
فارس ... وسع يا رائد مش هديها الحقنة وريد وقرب فارس وادها الحقنة بجانب قلبها
وبدأت محاولة التنشيط مرة اخرى
ولكن دون فائدة
فارس بعد لأن كده خلاص بس رائد مكمل تدليك
فارس .. كفاية يا رائد مفيش فايدة
رائد كأنه مش سامع ومكمل
صفا ... انت بعدت ليه كمل يا فارس نور هتقوم
فارس ... خلاص خلاص
ليث ... انت اتجنيت نور نايمة وهتجوم
مليكة قربت على رائد اللي كان مش سامع حاجه من إللى بيحصل
مليكة.بدموع ... قوم يا رائد
رائد ب هستيريا... نور عايشة مش انت عايشة يا نور وبدأ من غير وعى يضرب على صدرها بكل قوته
فايز كان ماسك ايدها بأمل
فارس ... كفاية يا رائد
ليث ... نور لاه مش دلوجيت جومى لسه هنعملو عائلة ونجيبو ولاد كتير انا اشتريت البيت إللى نفسك فيه نور ردى عليا
وكان ضرب رائد وكلام ليث الامل الجديد في حياه نور
فايز .... ففففى نبض ضضضعيف بس موجود
فارس ... ايه ومسك هو ايدها وفعلا كان فى نبض ضعيف صحيح بس امل جديد اتفتح للجميع
رائد كان لسه يضرب نور
فارس ... كده هيوقف تانى يلا خلينا نعمل الإسعافات عشان نحافظ على نور لغاية اما نوصل
ليث ... هى بجت زينة صوح
صفا ... أيوة وهتبقا احسن كمان أما نعمل العمليه
وفعلا بدأت الإسعافات للحفاظ علي حياة نور
بين دموع ليث هو بيفتكر كلامها وهى بتودعه
استغراب رؤوف من إللي حصل
وبين ندم فايز انه ما اكتشفش حالة بنته مع ان كل الأعراض واضحة عليها جدا
👍👍👍👍👍👍👍👍👍👍👍👍👍👍
فى بيت صغير فى الصعيد
وفاء بغل وعيون حمرا ... بجا يعمل فيا انى أكده هموته الله فى سماه لاكون مندماه علي نور جلبه
دينا ... معجول فى واحده تجدر علي ليث وتجوله وهو ينفذ
وفاء .... طبعا دى نور بس علي مين هى ومنصور الكلب هخليهم يتمنو الموت وميطولوهش وليث هو اللي هيخلص عليهم كمان
دينا ... ازاى ده؟!
وفاء بغل ... خيانة نور ومنصور يخونو ليث ممكن يعمل فيهم ايه
دينا ... يا ابوى دا انت دماغك سم
وفاء ... ولسه هما شافوا منى حاجة أنى هاخد تارى وتار اهلى منيهم واخلى اللي اسميه رؤوف الجبالى يندم على اللي عمله فى اهلى ويفضل الباجى من عمره ماشي حاطط راسه فى الارض ذى وزى اهلى
دينا ... ياريت نفسي اشوف اليوم اللي افرح فيه وانتجم من ليث
وفاء ... جريب جريب جوى
😱😱😱😱😱😱😱😱😱😱😱😱😱😱
بعد عده ساعات فى مستشفى نبض القلب
نور فى غرفة العناية المركزة رائد بيحاول يوصل لأى مركز بحيث عملية نقل القلب وتوفير القلب المناسب ل نور
أمام العناية المركزة
رؤوف ... انى عايز أفهم نور فيها ايه وليه مفجتش لدلوجيت
فارس ... تعالو معايا مكتبى نتكلم
ليث ... انى مهملش نور واصل
رائد ... معلش لازم تيجى عموما حالتها مستقرة
وفعلا انتقل الجميع لغرفة مكتب فارس
👊👊👊👊👊👊👊👊👊👊👊👊👊👊
فى غرفة فارس
فايز ... اقول اللي عندك
فارس ... انا عارف ان اللي هقوله صعب عليكم نور حاولت تخبى عنكم بس الحقيقة بتظهر فى يوم من الايام ودا اللي حصل
رؤوف بنفاذ صبر ... نور فيها ايه ؟
رائد ... نور واحنا فى الجامعة أغمى عليها حاولت افوقها محصلش روحنا المستشفى وهناك عملنا اشعة وتحاليل واكتشفت أن نور عندها ضعف فى عضلة القلب كان الخبر صدمة ليا وليها بس هى اول ما عرفت رفضت انكم تعرفوا قالت انكم هتتعذبوا خصوصا وقتها مكنش فيه دكتور راضى يعمل العمليه بعدها نور طلبت منى امثل أننا علي علاقة واخلى ليث يفتكر انها بتخونه كده هو هيخرجها بره حياته وانتم كمان وعملنا اللي انتم عارفينه
وفعلا نور بعدت بس جدها فريد كان عارف مرضها وعشان كده كان بيمانع جوازك من نور مش عيب فيك كان خوف علي حياتها
رؤوف الصغير ... انت بتقول ايه نور حصلها كل دا
فارس كمل بعد رائد .... انا عرفت من مده صغيرة و بعدها وانا براسل كل المراكز الطبية عشان نشوف طريقة لعلاجها وكلهم أجمعوا علي عمليه نقل قلب بس مع الاسف لغاية دلوقت مفيش قلب مناسب اتوجد
الكلام نزل علي عائلة الجبالي كالصاعقة بل اقوى
رؤوف قعد مكانه من الصدمة
فايز ... ازاى معرفتش حالتها ازاى
سعاد ... يا ضنايا يا بتى وهتعملو ايه دلوجيت
رائد ... مينفعش نستنى ومفيش قلب مناسب مش عارفين ايه اللي هيحصل حاليا هنثبت حالتها لغاية اما ربنا يسر
ليث ... يعنى ظلمتها زمان وجتلتها النهاردة
فارس .. اولا زمان أى حد مكانك كان عمل اكتر من كده اما اللي حصل النهارده نور حست إنها رجعت العائلة زى زمان جدى رجع كبير عائلة الجبالي وانت رجعت ليث ابو قلب كبير وخلصتك من وفاء نور خططت وقررت ونفذت وكانت عارفة نتيجة اللي عملته كويس
ليث افتكر كلامها وهى بتقولو انه ميحملش نفسه السبب
ليث ... مش هتفوج
رائد ... لا حتى لو فاقت هنيامها تانى بحيث مفيش مجهود خالص وحالتها تفضل ثابته
رؤوف ... ولو القلب مظهرش هنعملو ايه
فارس و رائد ... لا رد
ليث بصوت عالي ... هنعملو ايه
رائد ... بلاش نفكر فى السئ خلى املك فى ربنا كبير
ليث ... ونعم بالله ياررررب
رؤوف الصغير ... ممكن نشوف مافيا الأعضاء
الكل استغرب من كلام رؤوف
ليث رد عليه ........
💔💔💔💔💔💔💔💔💔💔💔💔💔💔
وبكده خلص بارت النهاردة اشوفكم قريب ان شاء الله
عارفه انه صغير بس انا لو كتبت اكتر من كده الفون هيتسحب منى لان انا تعبت جدا وكتبته بحيث اطمنكم علي نور
وباكد تانى والله النهاية سعيدة وهتبسطكم
دعواتكم ليا بالشفاء عشان اعوضكم
عايزة اعرف رايكم بصراحة ؟
توقعاتكم ؟
#مدللة كسرت كبريائي
تأليفي ميرا إسماعيل
