🙊البارت (28)🙊
#مدللة كسرت كبريائي💔💔
تأليفي ميرا إسماعيل❤❤😘😘😘
فى مستشفى نبض القلب
فى مكتب فارس
رؤوف الصغير .. نشوف مافيا الأعضاء
ليث بشك ... وانت تعرفهم منين دول
رؤوف الصغير .. انا ما معرفهموش بس لو اتعرف أن حفيده رؤوف الجبالى محتاجة قلب عشان تعيش ممكن يعرضو خدماتهم دا غير أن الدكاترة ليهم سكك تانية
ليث بوجع ... انى موافج اعملوا أكده
رؤوف ... لاه مينفعش مش عشان بتنا تعيش نموتو حد تانى دا حرام
ليث بغضب... حرام ونور اللي بتموت مش حرام خلاص اعملى التحاليل أنى واديها جلبى
فايز ... اهدى يا ليث الأمور متتحلش كده وهو انت هتتبرع بدم مفيش دكتور ممكن يعمل كده موضوع مافيا الأعضاء طبعا استحالة احنا عايزين نور ترجع لينا نور ممكن تعمل العملية وبسبب اننا اخدنا روح حد تانى نور كمان تروح وبكده نبقا خسرنا نور وخسرنا اخرتنا ربنا كريم وهيقف جنبنا خلى املك فى ربنا كبير
مليكة ... انا من رأي انكل فايز صح إحنا محتاجين ربنا يقف معانا
ليث بانهيار قعد علي الكرسي ... محدش حاسس بالنار اللي جوايا أنى متكتف وعاجز اساعدها انى الموت اهون عيندى من اللي حاسس بيه
رائد قرب منه ... لا حاسين نور لو حب عمرك ومراتك هى بالنسبة ليا انا وفارس عوض من ربنا علي اللي شوفناه فى حياتنا انت لازم تبقى قوى علشانها علشان تشجعها تكمل المشوار طويل
ليث بدموع ... اديها جلبى خليها تعيش آنى مش مهم
رائد. ... لا مهم تخيل اما نور تفوق وتعرف انها عايشة بقلبك دا لو افترضنا اننا وافقنا وانك مناسب لعملية النقل تفتكر هتسامحك هتسامح نفسها هتسامحنا ومسكه من ايده وقفة انت لازم تصلب طولك عشان نور اما ترجع تكون زى ما انت ليث الجبالى وتكملو حياتكم مع بعض
ليث ... يعنى هى هترجع صوح
رائد ... زى ما مليكة بتقول دايما خلى أملك فى ربنا كبير ربنا رحيم بعباده وبعد الضيق الفرج
الكل همس ... يارررررب
فارس .. انا هكمل اتصالات وإن شاء الله هيكون فى حل
ليث ... يارب متحرمنيش منيها بعد ما رجعت ليا
رؤوف الجبالى ... إن شاء الله يا ولدى ربنا رحيم وكبير
سعاد ... يعنى هتفضل نايمة أكده علي طول
فارس ... دا احسن بس يارب تسمع الكلام
ليث ... كيف يعنى ؟
رائد ... نور عنيدة ولأنها دكتورة عارفه حالتها كويس ودا مش هيخليها ترضى ب اللي هنعمله
رؤوف ... ودا كيف
رائد ... نور عندها قوة تمثيل كبيرة و عملتها معانا كتير زمان كنا نحط ليها منوم عشان تنام وترتاح شوية كانت تحسسنا انها نامت وبعد ما نبعد عنها تقوم وتكمل وكانت دايما تقول مش عايزة اموت علي السرير عايزة اموت واقفه
ليث .... عايز اشوفها
فارس لسه هيرد قطع كلامه دخول الممرضة .. دكتور فارس دكتورة نور وقبل ما تكمل كلامها الكل جرى علي العناية المركزة
💔💔💔💔💔💔💔💔💔💔💔💔💔💔
فى العناية المركزة
فارس دخل بسرعة ... نور مالها
الممرضة ... دكتورة نور مصممة متاخدش المنوم وعايزة حضرتك
فارس و رائد اللي دخلو بس الباقى واقف يتابع من خلال الزجاج
فارس ... هاتى المنوم انا هديه ليها
نور كانت مغمضة عيونها بس اما سمعت كده فتحت عيونها بس بطء بسبب تعبها
ليث اول ما شاف انها فتحت كان عايز يدخل وياخدها فى حضنه بس هدا نفسه لانها مينفعش تعمل مجهود خالص
فى الداخل
نور بضعف .... لللليث يييا فففارس عععايزة اشوووفه ارررجوك
رائد ... نور مش دلوقتى ارتاحى بلاش اجهاد
نور .... للللليث ونظرت تجاه الزجاج وكان واقف حاولت ترفع ايدها عشان نتادى عليه بس فشلت اررررجوك يا رررائد اششوفه بسسس وببعدها إللي ااانتم عاووزينه
رائد بحزن عليها ... دقيقتين بس هديكى المخدر ومفعوله هيبدا بعد دقيقتين
نور ... ممماشى
رائد شاور لليث عشان يدخل وفعلا لبس الزى المخصوص عشان يدخل اول ما دخل رائد حقن نور بالمخدر علي طول وقرب علي ليث متتعبهاش وهى دقيقتين وهتنام علي طول
ليث هز راسه بمعنى اه وعيونه علي نور اللي اتغيرت 360درجة المرض اتملك منها وشكلها ضعيف وبتتالم
ليث قرب عليها بعد خروج الكل ومسك ايدها وباسها وبحنان ... نور جلبي اتوحشتك جوى
نور ... وووانا كمممان سسسامحنى يا ليث اللي عععملته كان غغضب عنى
ليث ... هششش انسي ركزى فى صحتك دلوجيت المهم انك تجومى
نور بابتسامة ألم ... اقوم انت لسه عندك امل
ليث ... الامل في ربنا مبينجطعش ابدا
نور ... جدى ععامل ايه
ليث .. مستنى نور عائلة الجبالي تخرج من إهنا بسرعة
نور بدموع ... حقكم عليا انا اسفة بس ماكنتش عايزة اعذبكم معايا بس هربت وكدبت بس الحقيقة اتعرفت
ليث ... نور مفيش حاجة مهمة عيندينا غير صحتك يا جلبى وإن شاء الله هتعملى العملية وهنخرجوا من إهنا
نور بأمل ... فارس لقا حل
ليث بكدب ... اااه وجريب هتتدخلى العمليات وتبجى زينة
نور عرفت ان ليث بيكدب... قريب ماشي عايزة منك وعد ممكن
ليث .. اؤمرى يا جلب الليث من جوه
نور .. مش عايزة اموت علي السرير دا
ليث هيتكلم نور وقفته سبنى اخلص لو مفيش حل خليهم يفقونى وتاخدنى الصعيد اوعدنى متسبنيش للموت هنا ولو حصلت معجزة وبقا في حل فارس ورائد يكونو معايا واعمل العملية هنا اوعدنى
ليث بدموع وقرب عليها وبيبوس كل مكان فى وجهها اوعدك يا جلبى اوعدك
نور وهى بتغمض عيونها بسبب المخدر ... ببحبك ققوى
ليث ... وأنى كمان نامى وارتاحى يا نورى نامى
وخرج ليث بعد معاناه وحكى ليهم اللي طلبته
و رائد بلغ للممرضة إن مفعول المخدر هينتهى بعد 6ساعات قبل ما يخلصوا تاخد جرعة تانية بحيث متصحاش
عدا 3ايام نور نائمة بسبب المخدر ليث علي طول جنب العناية وشريط حياتهم قدام عيونه جنانها دلعها عيندها شقاوتها براءتها غضبها والاهم دلالاها
فارس بيدور عنده امل أن تحصل معجزة
رؤوف بيطعم المساكين ويعالج الغلابة بيعمل ب وصية رسولنا الكريم داوو مرضاكم بالصدقة
سعاد بتصلى وتدعى ربنا يكون كريم علي احفادها
فايز اللي بيلوم نفسه زمان بعد عن بنته عمره ما كان الأب اللي يحميها وبيوعدها انه هيفضل جنبها علي طول بس هى ترجع
ونفين اللي حالها اتبدل خسرت بنتها ومراد كمان لان معندهاش الجراءة اللي تطلب منه السماح والغفران ومراد كان ملاحظ دا بس حاليا مش وقت لوم وعتاب
وطبعا بتخطيط وفاء عشان توقع منصور ونور فى شبكتها بس الغل اتمكن منها اكتر اما عرفت اللي حصل ل نور وطبعا دا جمد كل خططها
🙈🙉🙊🙈🙉🙊🙈🙉🙊🙈🙉🙊🙈🙉
ليث بيأس .... وبعدين يا رائد
رائد بدموع ... معرفش انا تعبت من كتر التفكير والبحث فى علاج نور يارب حلها من عندك
رؤوف ... أحسنوا الظن بالله هيدى لينا اللي بنحلموا بيه واكتر كمان
ليث ... يارب يارب
رائد ... تعالو نروح ل فارس يمكن عنده حل
فى مكتب فارس
رائد بأمل ... حد رد من المراكز اللي رسلتها
فارس بعصبية .... لا لأ محدش
صفا ... يعنى ايه هنفضل واقفين كده من غير ما نعمل حاجة
فارس. ... انا مستعد اجيب الدكاترة هنا بس اوصل للمتبرع
ليث ... نعمل إعلان فى الجنرال
فارس ...هو احنا بندور علي كلية إحنا عايزين قلب المتبرع لازم يكون لسه ميت أو اعضاء جسمه اتضررت وصعب انه يرجع يعيش تانى
سعاد ... والعمل ايه دلو جيت
رؤوف ... العمل عمل ربنا احنا عملنا اللي بيدينا
وقطع كلامهم خبط على الباب
فارس. ... ادخل
الممرضة ... فى واحد بره بيسال علي ليث بيه
ليث باستغراب ... علي انى ؟!
الممرضة ... أيوة يا فندم
رائد ... دخليه
ليث ... انى مفيش راس اتحدت مع حد
دخل الرجل بوجه حزين ... السلام عليكم
الكل ... وعليكم السلام
الرجل ... انى صالح اخو رشا اللي جنابك كت هتتجوزها
(فكرين رشا إللي حولت تهرب من ليث عشان ميتجوزهاش وجده أمره يخرجها من المكان اللي حبسها فيه )
ليث بنفاذ صبر ... نعم عايز ايه
رؤوف بصرامة ... ليث عيب يا ولدى خير يا صالح عايز شئ
صالح ... بدموع رشا عملت حادثة كبيرة جوى و
ليث ... عايز فلوس يعنى
صالح باحراج .. لاه انى عايز اجول
ليث بغضب ... متخلص انت هتنجطنا بالحديت اياك احنا مش نجصين كفاية همنا
رؤوف .. وبعدهالك امال يا ليث معلش يا ولدى بس احنا حالنا اللي يعلم بيه ربنا متخدش علي خاطرك
صالح ... عارف يا حج وانى عشان اكده جاى
فارس بتركيز .. ازاى قصدك ايه ؟
صالح ... الحادثة اللي عملتها رشا كانت كبيرة جوى خلت كل اجهزة الجسم اضررت والدكتور بيجول انها ماتت بس عايشة علي الأجهزة نفس داخل وخارج بسبب الأجهزة وبس امى تعبت جوى الدكتور اما شاف امى منهارة اكده عرض علينا فكرة تبرع ب أعضائها أكده أمى تحس ان بنتها لسه عايشة لان بسببها ناس كتير تعيش
وفعلا امى وافجت وانى جيت اجول ليكم شوفوا التحاليل المطلوبة نعملها ولو هى مناسبة احنا موافجين تعملو العملية
رائد بفرحة ... بجد انت بتتكلم جد
صالح ... أيوة
ليث ... ليه ؟
صالح بعدم فهم ... ليه ايه مفهمش
ليث ... انت عارف انى كت هعمل ايه فى اختك
صالح .. ومعملتش أكده وخرجتها واديتها فلوس عشان مصاريف علامها وجوازى
ليث افتكر يوم ما راح خرجها
فلاش باك
دخل ليث بوجه غضب من كلام جده
رشا كانت خايفة وبترجع لورا لغاية ما وصلت للحيطة
ليث ... متخافيش انى هخرجك من إهنا
رشا بعدم تصديق .. احلف
ليث ... انت اتجنيتى أنى ههزر وياكى ولا ايه
رشا ... بفرحة ربنا يكرمك ويفرح جلبك يارب
ليث ... بس ابوكى وافج ليه علي الجواز بسرعة حتى مضغتش عليه
رشا باسي ... الفجر ابوى عايز فلوس عشان جواز اخوى وكمان تعليم اخواتى
ليث ... اه وانت بجا مخفتيش منى ولا إيه
رشا ... كلام فى سرك خفت بس دا انى كت ميتة من الرعب كمان بس انى مجدرش اكون مراتك لانى عشجاك!!!!!!!!!!!!!!!
ليث .. أكده من غير خشا وطالما أكده هربت ليه
رشا .. وأنى جولت ايه دا الحج انى كت زمان ريداك من وانى صغيرة بس كت عارفة انك ميال ل نور عارف لو واثجة واحد فى المليون انك ممكن تحبنى زى ما آنى بحبك كت وافجت والاهم أنى خوفت تعمل فيا حاجة تاذينى واكرهك وانى مجدرش اعيش وإنى كرهاك لو فى يدى حاجة ارجعك بيها تانى ليث ابو جلب ابيض كت عملتها حتى لو ابوس ايد نور وارجعها ليك
ليث بصدمة ...انت بتجولى أكده عشان خايفة منى صوح
رشا بدموع .... لاه دى الحجيجة وصدجنى لو جاتلى فرصة ارجع نور تانى هعملها اللي يحب حد عايزة مبسوط حتى علي حساب نفسه
ليث ... معرفش اجولك ايه
رشا ... متجولش حاجة ربنا يناولك مرادك
ليث ... امشي ومحدش هيتعرض ليكم واصل وعلي الفلوس انى هبعت لابوكى واديله الفلوس لعلامك وجواز اخوكى كتر خيرك بس انى عايزة حاجة تانية
ليث ... عايزة ايه ؟
رشا ... حاول تطلع الانتجام من جلبك عشان تعرف تعيش
