😺البارت (19)😺
رواية مدللة كسرت كبريائي💔💔💔
تأليفي ميرا إسماعيل❤😘😘😘
حبايب قلبي وحشتونى جدا جدا يا جماعة انا أما الاعتذار نزل انى مش هقدر انزل فصل يوم الاحد وهنزله التلات مقولتش فصلين قولت هيكون واحد طويل واظن انه كان طويل كان فوق 3000كلمة اطول من كده ايه ! دا توضيح بس علشان ناس كانت بتقول إنها عايزة فصل زيادة دا أولا
ثانيا .. بالنسبة للنكد هو فين دا احنا لسه الفصل 19 والنكد بدأ من 17كل الحكاية فصلين قبل كده الفصول كانت حلوة وناعمة وقوية وكلها حنيه😛😛😛
ثالثا ... اللي بيقول الرواية افورت ومش بيذكر أسباب ممكن اعرف افورت فى ايه
رابعا .. الناس إللى بتدعى على ليث معقول
ليث واحد مجروح مكسور الرجل بالذات اما يحب بجد وينجرح بيكون اقوى مية مرة من الشيطان الناس إللى بتقول تحول غريب لا مش غريب دا واحد عايز ينتقم ومش عارف يوصل ل نور يختار اللي شبها مش بقول انه صح لا طبعا غلط
خامسا ... الناس إللى بتسأل ليه بعد موت فريد رائد محكاش ل نور اللي حصل لجدها وليث السبب بسيط واحده ضحت بشكلها قدامهم ضحت بحبهم وكسرتهم علشان ميتعذبوش فى وجودها تكتشف انها دمرتهم ببعدها اكتر من قربها دا خوف عليها وخوف من ردة فعلها
ياريت اكون قدرت ارد على كل الكومنتات إللى سألت فى المواضيع السابقة
وباكد تانى الرواية مواعيدها حد وثلاثاء وخميس مساءا واللي حصل كان غصب عنى انا من رواية اكره ابى ولكن متاخرتش خالص بس فعلا هى الظروف كانت كده
❤❤❤❤❤❤❤❤❤❤❤❤❤❤
فى مستشفى نبض القلب
على السطح لاستقبال الحالة
نزل فارس الأول وبعدها المصاب
نور .. بصدمة مش،ممكن
فلاش باك بعيد شوية
الحج رؤوف ... بكفايكم زغاريط
صفية .. دا النهاردة عيد بركة انك رجعت لينا بالسلامة
سعاد .. الحمد لله يارب
فايز ... بس يا حج هى مين العروسة إللى مفيش فى الجواز منها رجوع
الحج رؤوف .. مفيش
الكل .. ايه ؟ طب وبكرة
الحج رؤوف .. دا رهان براهن بعمرى كله يا اكسب الرهان يخسر زى ما خسرت رهان نور زمان
فايز .. ايوة بس يا حج الناس هنقول ليهم ايه
الحج رؤوف .. بكرة يا عدلها المولا
انى رايح المندرة تعالى يا رؤوف دخلنى واما يرجع الليث خلوها يجى ليا
الكل .. أمرك يا كبير
وفعلا رؤوف قام بإدخال كبير عائلة الجبالي
وبعد فترة رجع ليث
ليث .. جدى فينه ؟
الحاجة سعاد .. فى المندرة مستنيك
ليث باستغراب ... من زمان مدخلش المندرة
الحاجة سعاد .. الكبير ودخل مكانه فيها ايه ولد الجبالى
ليث .. مفيهاش مستغرب بس
الحاجة سعاد .. خلى الاستغراب ل جدام
ليث .. انا هدخل ليه
ودخل الليث على جده
الحج رؤوف .. جرب واجف بعيد ليه ؟
ليث ..قرب فعلا بس فضل واقف .. خير يا جد رايد منى حاجة
الحج رؤوف .. مريدش تعرف مين العروسة ؟
ليث .. لاه مريدش ومعيز اتجوز
الحج رؤوف .. ليه عشان جولت مفيش طلاج منيها
ليث .. سكت
الحج رؤوف بهدوء .. اجعد جارى يا ليث
وبالفعل امتثل للجلوس ولكن ليس جاره جلس امامه
ليث .. اؤمرنى يا جد
الحج رؤوف .. ميؤمرش عليك ظالم
ليث .. اتنهد امر من زمان يا جد
الحج رؤوف .. كت بترتاح بعد ماتعذب اى واحده من اللي بتجوزهم ولا ارتحت اما بجا اسمك يرعب الناس الكبار والصغار
ليث .. لا رد
الحج رؤوف .. اجوابك أنى لاه مرتحتش ولا هترتاح عارف ليه لان نارك انت عمال تزود فيها وتولع ونسيت انت مين وولد مين ؟
حطيت همك فى انتجامك من نور واما معرفتش انتجمتم من نفسك ومن البنات الغلابة
ليث .. جدى انى موجوع حاسس النار إللى جوايا كلتنى بس غصب عنى من يوم إللى حصل وانى مكسور بشوف فى عيون الناس الشماته فيا من إللى عملته نور بحس انى سامعهم بيجولو إللى بت عمه خانته ومشت عارف يا جدى ايام ما كان الجوابات والهداية بتيجى كت بجول لاه نور متعملش أكده خوفت اوجها جبل الامتحانات عشان كنت متوكد انها بريئة ولو حاست انى شاكك فيها هتزعل وهى مجنونة ممكن مترداش تدخل امتحاناتها عارف كمان أما شوفتها فى حضنه وجفت مكانى من الصدمة صحيح لكن كان عندى امل تطلع مظلومة كت هصدجها عارف انك بتجول انى لغيت عجلى وانى معرفتش افكر صوح بس نور إللى كانت معايا غير نور إللى شوفتها اخر يوم ليها إهنا من يومها وأنى حاسس أنى بجيت شيطان علشان مسمحش لحد يلعب بيا تانى ووطى علي ايد جده انى تعبان نفسي انام من غير جلج ولا كوابيس نفسي ارتاح يا جدى نفسي ارتاح من لعنة نور واجوم جولى يا جدى انت بتشتاج ليها
