حبى الوحيد بقلم هالة محمد رزق

الفصل الرابع

أقبل الليل وأفاق الليل من غفوته موزعا ضوءه فى الأرجاء وقرب أحدى النوافذ

يجلسون أسرة الحاج "عبدالله" على طاولة الطعام

نظر الحاج الى ابنته "سمر" قائلا/
- عملتى أيه فى الكلية؟؟

نظرت إليه "سمر" وهى مبتسمة قائلا/
- عالم جديد بجد حلو أوى .. أتعرفت على بنت زى العسل وطلعت من البلد كمان

أبتسم الحاج ونظر إلى "أحمد" قائلا/
- كويس .. بنت مين بقى؟؟

- بنت الحاج مغاروى بتاع البنأ

- ههههههه اسمه بتاع المقاولات

- انا عارفة بقى الاتنين واحد يابابا

- بس هى لحقيت تكبر دى كانت صغيرة اوى

هتفت "سحر" قائلة /
- هو الصغير بيفضل صغير ولا ايه ياعبده؟؟

ضحك الجميع ومسك الحاج ودانها قائلا بمرح/

- يابت انتى مش ناوى تلمى لسانك دا شوية .. شايلة الالقاب كدا على طول

- بدلعك ياعبده بلاش يعنى .. يعنى لو بنتك مش دلعتك مين اللى هيدلعك بس

قاطعها "أحمد" قائلا بمرح/
- انتى نسيتى ماما ولا ايه بس تجى بالسلامة وتدلعه

سحرقائلة بمرح/

- هههههههههه ماما ياعينى على دلعها من أيام الملك فاروق هو هو الدلع

الحاج بغضب/
- شكلى هاقطعلك لسانك دا اللى متبرى منه

سحر/ ليه بس ياحاج دا انا بحبك من زمان .. تقوم تعاملنى المعاملة القاسية دى .. أوعى تكون لقيتنى على باب جامع

ضحك الجميع على مزاح سحر والحاج

وشاركهم الجميع المزاح

خرجت "مايسة" من غرفتها وأقبلت على والدها ووالدتها الذين يشاهدون التلفاز ..

قائلة/

- بابا .. ماما أنا رايحة عند "سمر" شوية ومش هاتاخر

أشار لها والدها بالأنصراف .. ألقت على التلفاز نظرة وخرجت من منزلهم البسيط ..

سارت قليلا فى الشارع الهادئ حتى وصلت منزل "سمر" ..

أطرقت باب المنزل فتحت الباب "سحر"
ونظرت إليها بحيرة قائلة/

- أيوووة .. مين حضرتك

أبتسمت "مايسة" قائلة/ - سمر موجودة

أبتسمت إليها قائلة/ - أيوة أتفضلى

دلفت "مايسة" داخل المنزل وكان الجميع يشاهدون التلفاز نظرت اليهم

ثم اخفضت نظراتها قائلة/ - السلام عليكم

قال الجميع / - وعليكم السلام