حبى الوحيد بقلم هالة محمد رزق

الفصل الثالث والعشرون

وضعت "سمر" ما تحمله على الطاولة
وجلست بجوار والدتها ونظرت إلى "أحمد" قائلة/
- سيب اللى فى أيدك وتعالى أشرب شاى

ظل "أحمد" يلعب بلاى أستيشن ولم ينظر إليها قائلاً/
- لما أخلص الدور دا أنتى عايزة سهر تغلبنى ولا أيه ...

ضحك الجميع ونظرت "سمر" لوالدتها
وهى تشير عليه قائلة/
- عمره ما هيعقل أبداً فعلا أصغر منها على رأيك ياماما

أبتسم قائلاً/ - آآآه أصغر منها دى بالنسبالى تيتا

ضحكت الحاجة "فريدة" وألتقطت كوب الشاى قائلة/
- سيبه يلعب براحته هو فعلا عيل .. أنا قولت يمكن يعقل لما يتجوز بس للاسف عمره مايعقل أبداً

ضحكت "سمر" قائلة/
- فعلاً ياماما أنا بتهيالى أنه أتجنن بزيادة

ألقى "أحمد" درع التحكم وجلس بجوار "سمر" ووضع يده على كتفها

قائلاً/ - أنتى قد الكلام دا يابت أنتى

أحمرت وجنتيها وحاولت أزاحت يده من على كتفها قائلة/
- لا مش قده خلاص .. سيب رقبتى

أبتسم وأبعد يده عنها وإلتقط كوب الشاى قائلاً/
- أيوة كدا بنات مبيجيوش إلا بالعين الحمرا صحيح

ضحكت الحاجة "فريدة" قائلة/
- ربنا يخليكو لبعض ياااااااارب ياولادى ويسعدكم

&&&&&&&&&&&

فرح "عمر" عندما أمسك بهاتفه ورأى أسم خطيبته عليه ..

أجاب على هاتفه مسرعاً قائلاً/
- أهلاً ياروح قلبى .. بجد الموبايل نور أول لما أتصلتى

أحمرت وجنتي "مايسة" وصمتت
ف تابع "عمر" قائلاً/
- هو أنا كل لما أقول حاجة هتتكسفى كدا .. طب أعمل أيه طيب

تحدثت فى محاولة لتغيير مجرى الحديث قائلة/
- أزيك .. عامل أيه فى الشغل ؟؟

ضحك "عمر" قائلاً/ - دا اللى ربنا قدرك عليه ..
طيب ياستى هأعديها .. أنا كويس الحمدلله وأنتى ؟؟

- الحمدلله تمام
- يااااارب أشوفك دائماً بخير ياحبيبى

- أن شاء الله أنا وأنت
- الله الله أعتبرها أيه دى .. خايفة عليا يعنى

أبتسمت قائلة/ - عمر أنت على طول كدا .. أتكلم جد شوية

- طيب خلاص هأتكلم جد أهو .. هااااا متصلة بيا ليه يا آنسة ؟؟

- عادى عشان أطمن عليك بس .. هو ممنوع ولا حاجة أنا غلطانة فعلا أنى أتصلت

- لالا مش ممنوع طبعا بس أنتى أول مرة تتصلى
وبتقوليلى أتكلم جد .. ذنبك على جمبك بقى

ضحكت بخفوت قائلة/ - مفيش فايدة

- أعمل أيه يا أخت مايسة