مــلــڪـة ڪـيــاڼ الــــﭺــبـــل‏↓❁🍁مكتملة⸀

9

#آمۣۗہ غۣۗہمۣۗہآزۣآتۣۗہ❥❤

#مــلــڪـة ڪـيــاڼ الــــﭺــبـــل‏↓˓❁🍁⸀

البارت ❾❀❀☺

❀❀❀❀❀❀❀☺

#مــــلــكة

نزلت من غرفتي وانا افكر شنو الي يريدة مني جبل وليش ايريدني بالحديقه ما دام البيت كله خالي ليش دز عليه رقيه

وبعدين منو انطه الكاكو لرقيه معقوله جبل بس ليش اوووف

واكفت اشوي وهي تذكر انه
جبل جان مستعجل عمود يطلع
لان عندة شغل يعني معقوله
راح ورجع اممممم مادري

خلي اروح واشوفه احسن

خليت وطلعت من باب المطبخ
باوعت ماكو اشوي وسمعت صوت من جهت الديوان ف رحت وشفت ثلاث زلم واكفين وجبل وياهم من اتقدمت ع الصوت صارن عيون جبل بعيوني وخزرني فد خزرة خلت رجليه يرجفن وماكدر ابلع ريقي

ف ماحسيت ع نفسي وانا اشوفه يستاذن من الزلم وطكيتها ركضه ضلت وراي بس اترابي ههههههه

ركض للغرفه ودخلت وركض ع الجربايه وانا بالكوة اخذ نفسي
بعد سويت الدرج ركض كمت اعبر درجتين درجتين وردت اوكع ع وجهي من السرعه

اشوي وشفت الباب ينفتح بسرعه
وضرب الباب بالحايط من القوة واني ماعرف وين اروح من الخوف انخرست وانشليت اباوع هذا جبل وعيونه تجدح نار استغفر الله شبي هذا اشو هو وادة عليه وانوب كام يخزرني شمدريني انا انه اكو زلم بالحديقه

#جــــبل

خلصت شغلي ع السريع لان اتصل عليه ملك وكال انه اخذ نور ودلع للبستان والبيت خالي بس خوله وملكه الصراحه خفت ع ملكه من خوله كلت اخاف اتسوي شي بيها وانوب اتذكرن العمال شوف سوالف ملك خرررب

خليت ورجعت وصلت لكيت العمال بالباب داخلتهم وجنت انطيهم تعليمات ع الي انريدها وبعدني جاي احجي وشفت ملكه طلعت وصارت كبالي عيوني بعيونها. وانا خزرتها خفت واحد من العمال يلتفت ويشوفها بس اشو هاي بقت واكفه بمكانها وانا احس النار شبت بيه جااا انا مو وصيتهم ما ايطلعون بالحديقه جا شلون تطلع وتكسر كلامي ف استاذن من الزلم واتحركت باتجاها وهي بعد ما شفت منها بس اتراب بقى وراها ههههههههه ف ررحت وراها ركض

دخلت عليها للغرفه شفتها صايرة صفرة وشفايفها ترجف وايديها كذالك واكفه ع حيلها ع الجربايه رحت عليها وسحلتها من زندها وايدي الثانيه كاضيت بيها حنجها وكلت بحدة وعصبيه نارر/ولج شلون تطلعين وانا كلت انه ما اريد احد يطلع تردين الزلم الغرب ايشوفوج موو ولج شنووو انتي