مــلــڪـة ڪـيــاڼ الــــﭺــبـــل‏↓❁🍁مكتملة⸀

6

#آمۣۗہ غۣۗہمۣۗہآزۣآتۣۗہ❥❤

#مــلــڪـة ڪـيــاڼ الــــﭺــبـــل‏↓˓❁🍁⸀

#البارت ❻❀❀☺

❀❀❀❀❀☺➸

#مـــلــكــه

بعد ما دخلت غرفتي حسيت روحي مخنوكه ماعرف شنو اسوي
بعدها كمت صليت المغرب والعشا ودخلت سبحت وطلعت وخليت راسي واخدت حبايه منوم واشوي ما حسيت غير وانا نايمه

بعدها ما حسيت غير ع الساعه بال3 الفجر وبطني توجعني من الجوع وانا كل شي اكدر اتنازل عنه بس بطني لا مستحيل
اعوفها جوعانه حتى اذا جنت ضايجه

كمت وانا شعري ضل نازل ونزلت بتراكي ايصير البنطرون لجواة الركبه بشويه والفالينه ربع كم

ونزلت بدون ما اخذ حجاب لان هسه بال3 اكيد كلهم نايمين

ف نزلت ع كيفي ورحت للمطبخ
وبعدها رحت للثلاجه وانا اكول/اخخخخ يابه راح اموووت من الجوع

../هاي شداسوين اهنا وبعدين منو كالج ضلي بدون اكل

ملكه وهي ما منتبه /اوفف والله مسا...

ودارت وشافت جبل كدامها وهي عيونها اشوي وتطلع وشعرها وكف

ملكه بخجل /انت شداسوي اهنا

جبل وهو مبتسم /انا سالت الاول

((طبعا المطبخ جان ضواة مطفي بس ع ضواة الثلاجه المفتوحه وضوة مال الطارمه الي داخل من الشباك المطبخ))

اهنا ملكه خلت وركضت صعدت للغرفه

وضلت اتحوس بالغرفه

وهي اتكول اوفف راح اموت من الجوع خررب منين طلعلي هذا هسه بس انا شلون حاجيته وانا لازم ما احجي ويا ع كلامه الغبي الي كاله اليه اوفف بعدها بقت اشويه وكامت لبست جبتها وشالت شعرها ولبست شال ونزلت دخلت للمطبخ وشافت ضلمه اشوي واشتغل ضواة المطبخ وسمعت صوت وراها/جنت متوقع رجعتج

ملكه وهي متنرفزة منه عبالها راح نام/وانت اشدخلك بيه عوفني عاد مو انا وحدة مطلقه ليش تحجي وياي وبعدين كول لان مطلقه همين ما ايصير اكل كول ليش ساكت

جبل ببتسامه/والله انتي متغيرة كلش

تذكرين قبل جنت احجي وياج بس انتي دائما اتضلين ساكته وانا يكتلني هدوئج

ملكه بعدم اهتمام وراحت وفتحت الثلاجه وطلعت كبه وشغلت الطباخ وخلت الطاوه وخلت الدهن كل هذا وهي ما ردت ع جبل

جبل بضوجه/شبيج مو جاي احجي وياج

ملكه وهي اتباوع عليه/اي ادري بس ماعندي جواب ع كلامك وبعدين اني ما ايهمني كل شي انت اتريدة او لا