مــلــڪـة ڪـيــاڼ الــــﭺــبـــل‏↓❁🍁مكتملة⸀

⸀1

#السلام عليكم شلونكم😘😘

اتمنا يعجبكم البارت 😌😛

#راح احاول اكتب وانزل الاكم باسرع وقت 😘😘😍

❀❀❀❀❀❀
#مــلــڪـة ڪـيــاڼ الــــﭺــبـــل‏↓˓❁🍁⸀

#آمۣۗہ غۣۗہمۣۗہآزۣآتۣۗہ❥❤

#البارت❶❀

ندخل لبيت بمحافضه البصرة من تشوفه شكله عادي يعني اول ما تدخل طارمه ومسويلها سقيفه (يعني ساقفيها) بعدها تدخل ع ايدك اليمنا مطبخ وايدك اليسرة ديوان من تعبر المطبخ مقابيلك ثلاث غرف ع ايدج اليسرة بابين باب للمغاسل وباب يروح لديوان يعني الديوان بي بابين باب خارجي وباب داخلي.....

انروح الاول غرفه❀

طبعا هسه الساعه بال8 الصبح اول غرفه بيها الاب والام

هذا البيت ايصحوله بيت ابو ايهم

ابو ايهم يزمخ ع مرته/اللهم طولج يا روح شتردين ما اتكليلي يعني البنيه كل شي ما بيها وانتي اخذتيها ابيدج اشبيج يول تخبلتي تردين اتزوجين ابنج ع مرته

ام ايهم بحقد/اي اريد ازوجه هاي عاقر ما اتجيب

ابو ايهم بطلعان روح/ولج البنيه بعدهاا ما قبطت ال18سنه شترديها ارحميها مو بنتج بنفس عمرها واتزوجت وياها اشو الناس ما حجت

ام ايهم بعناد /راح ازوجه يعني ازوجه واذا ما قبلت بيت اهلها يناطرها

ابو ايهم هو ايريد ينفجر من مرته البومه ف كال وهو يريد يطلع من الغرفه/انا مالي شغل بس باجر اذا بتج رجعتلج امطلقه كله بسببج لا تجين تتبجبجين جواي
وانا طالع حتئ ريروك ما اريد خرررب بهل عيشه

مرته من بعد ما طلع كامت وغمته /روحه بدون رجعه كبر لفك 👐

ام ايهم/لازم اطلع بنت وداد من هذا البيت العاقر انا اعلمها بنت الجلاب

نترك هاي الغرفه وانروح للغرفه الثانيه هاي اتصير غرفه بتهم نسمه الي متزوجه هسه نترك هاي الغرفه وانروح لغرفه الثالثه جانت اكوو بنوته صغيرة كاعدة ع الجربايه وسمعت كل كلام عمتها وهي فرحانه لان سمعتها اتكول انه اذا ما اتريد خلي ترجع لبيت اهلها

خلي انطي القلم لهاي البنوته

♥هااااااي شلونكم يا حلوين اعرف انه دوختكم بهذا الصياح من الصباحيات بس الصراحه هاي العادة من اول يوم زواجي وانا اكعد وانام ع صوت عمتي ام زوجي الي هو ايهم هذا الي نايم يمي اوووف ياربي واخير راح اكدر ارجع لبيت اهلي واعيش مثل قبل ياربي كون عمتي تبقى مصرة ع تزويج ابنها هه 😏😏ع اساس اني ميته ع ابنها