مــلــڪـة ڪـيــاڼ الــــﭺــبـــل‏↓❁🍁مكتملة⸀

10

#آمۣۗہ غۣۗہمۣۗہآزۣآتۣۗہ❥❤

#مــلــڪـة ڪـيــاڼ الــــﭺــبـــل‏↓˓❁🍁⸀

#البـــارت10❀❀☺

💐💐💐💐
💐💐
‏↓˓❁🍁⸀

#جـــــبـل 🎷﴾

اوووف صالي سبوع كامل ما نايم غير ثلاث ساعات باليوم راح اتخبل ملاكي شاغله كل افكاري

انا من اخذت الفون من ايدي وراحت عنه تحجي ويا طليقها وانا ما اتحملت كمت واخذت سويجي وجكايري وطلعت من البيت وما رجعت غير الساعه بال1:30 بالليل لكيتهم كلهم نايمين ف رحت لغرفتي سبحت ولبست شورت ونمت طبعا هاي عادتي ماعرف انام وانا لابس تيشيرت ولا فالينه كله اخلي صدري بدون مكشوف

المهم بالكوة كدرت انام وانا اهوجس شلون لو قنعها ترجعله شلون بيك يا جبل همين هاي المرة راح تعوفها تروح لغيرك ضليت فكرة تاخذني وفكرة تجيبني الى ان نمت وكعدت بال6 الصبح سبحت وصليت ولبست الزي مال الشرطه ونزلت بدون اريوك ولا شي بس صبحت ع ابوي الي كاعد علمود الصلاة

وطلعت بدون ما اشوف احد ماعرف من شنو شردت منها لو شردت من خوفي اولا مرة اخاف اخاف تكلي اريدة وانا اكيد ما راح تسمحلي رجولتي اخذ وحدة تريد غيري زين اذا تريدة ليش اطلقو والله ماعرف راح اتخبل

بعدها وصلت وضلينه انكمل القضايه الي عدنا رحنه حققنه ويا المجرمين كلهم اعترفو ما عدة واحد بس شنو هو الوحيد الي وكف كدام تعذيبي وما اعترف بالاول بس بالاخير غصبن عن اهله وعشيرته العار ابن العار اعترف الساقط معتدي ع اخته هو وصديقه وجانه يشوبون حشيش وخطيه بالاخير ذابحيها وذابيها بالزبل حشاكم

انتم ما تعرفوني من البس الزي وادخل مكان شغلي شخصيتي تتغير اشكد ما انا بارد بالبيت اهنا انكس بعد وعصبي وايدي والراشدي اي تقصير ما اقبل بي لو من اكبر واحد الكل يعرفني ويهابني ويحترمني عمرهم ما عصو كلامي ولا واحد فكر بس تفكير يقلل من حترامي وهيبتي والمجرمين بس يسمعون باسمي ينخلسون باول راشدي ايخرون الاكو والماكوو طبعا كلهم اشباة رجال لا اكثر