مــلــڪـة ڪـيــاڼ الــــﭺــبـــل‏↓❁🍁مكتملة⸀

11

#آمۣۗہ غۣۗہمۣۗہآزۣآتۣۗہ❥❤

#مــلــڪـة ڪـيــاڼ الــــﭺــبـــل‏↓˓❁🍁⸀

#البارت11❀❀☺

💍💍💍💍

#جــــبل

بعد ما عفتهم ودخلت لغرفتي جنت جاي انزع ودخلت عليه خوله وكعدت ع الجربايه وانا ولا قلدتها طلعتلي ملابس وخليتهن ع الجربايه وبعدها دخلت سبحت تقريبا بقيت نص ساعه لان تعبان وما نايم الا شي قليل طلعت وانا لاف المنشفه ع خصري لان ما اعرف البس بالحمام

ف لكيت خوله بمكانها كاعدة بس رافعه الدشداشه ع رجليها ع اساس اتسويلي اغراء 😏 😂😂😂والله يالله يعني وحدة زوجج ما اتقربلج غير ثلاث او اربع مرات بخمس سنوات زواج كامله وبعدج اتحاولين لو انا ومرتي ما اتريدني اطلقها واخلص واخلصها يعني هسه اتمنا اتكلي طلقني بس ماكو لطشه فرد لطشه خرررب

جبل وهو ينشف شعرة وكال بحدة/شعندج كاعدة الى هسه هاا

خوله ببتسامه مصطنعه/مو انت زوجي وحبيبي ف لازم اكعد بالمكان الي انت تكعد بي

جبل بنفاذ صبر وهو يصر ع سنوانه/كومي اطلعي من كدامي بسرعه قبل لا اسحلج تراة مالي خلق وتعبان وروحي طالعه

خوله بتافف/شلون يعني تراة والله طلعت روحي لشوكت راح تبقى هيج

جبل بعدم اهتمام/انا عمري ما وعدتج انه راح اتقبلج كزوجه اليه والله ما اشتهيج يعني نفسي ما تتقبلج كزوجه والغلط مو منج يبنت الناس بس انا نفسي ما تتقبلج كزوجه شسوي يعني وهسه يله اطلعي اريد ابدل وارتاح قبل لا افقد اعصابي عليج

خلت خوله وطلعت من الغرفه وهي تتوعد تنتقم لكرامتها الي انداست بالرجلين

#جـــبل

بعد ما طلعت من يمي بدلت ملابسي ولفيت راسي ونمت بدون ما احس بعدها ما حسيت غير ع اذان المغرب كعدت صليت وطلعت نزلت لصاله محد بيها بعدها كلت خلي اروح للمطبخ رحت لكيت امي نورة وامي رغد وام ملكه ونور ودلع وام علي يحضرن بالاكل